అనసూయ సైడ్ బిజినెస్... సంపాదన సరిపోవడం లేదేమో పాపం!
దీపం ఉండగానే ఇల్లు చక్కబెట్టుకోవాలి. ఫేమ్, ఇమేజ్ పోయాక ఏమి చేసినా రూపాయి రాలదు. గ్యారంటీ లేని గ్లామర్ కెరీర్ లో ఆర్టిస్ట్ లు అందరూ ఇదే సూత్రం పాటిస్తూ ఉంటారు. డిమాండ్ ఉన్నప్పుడే కోట్లు సంపాదించి లైఫ్ కి సెక్యూరిటీ సమకూర్చకుంటారు.
స్టార్ యాంకర్ కమ్ యాక్టర్ అనసూయ ప్రస్తుతం అదే సూత్రాన్ని పాటిస్తున్నారు. అనసూయ కెరీర్ ప్రస్తుతం ఊపందుకుంది. ముఖ్యంగా వెండితెరపై ఆమెకు వరుస అవకాశాలు వస్తున్నాయి.
లీడ్ రోల్స్, ప్రాధాన్యం ఉన్న పాత్రలతో పాటు ఐటెం సాంగ్స్ కోసం కూడా అనసూయను దర్శక నిర్మాతలు సంప్రదిస్తున్నారు. చావు కబురు చల్లగా చిత్రంలో అనసూయ ఓ స్పెషల్ సాంగ్ చేసిన సంగతి తెలిసిందే.
తెలుగుతో పాటు తమిళ, మలయాళ చిత్రాలు కూడా చేస్తున్న అనసూయ చేతినిండా ఆఫర్స్ తో బిజీగా ఉన్నారు. ఇవి చాలవన్నట్లు అనసూయ బ్రాండ్ అంబాసడర్ గా కొన్ని ఉత్పత్తులకు ప్రచార కర్తగా వ్యహరిస్తున్నారు.
మెగా క్లోత్ షోరూం బ్రాండ్ మందిర్ కి అనసూయ ప్రచారకర్తగా వ్యవహరిస్తున్నారు. తాజాగా ట్రెండీ శారీ ధరించి అనసూయ, ఆ షో రూమ్ కి సంబంధించిన ప్రమోషన్స్ సోషల్ మీడియా ద్వారా నిర్వహించారు.
తన అధికారిక ఇంస్టాగ్రామ్ ద్వారా బ్రాండ్ మందిర్ ఉత్పత్తులకు అనసూయ ప్రచారం కల్పించడం జరిగింది. వరుస సినిమాలు, టీవీ షోలు చేస్తూ కూడా... ఇలా బ్రాండ్ ప్రొమోషన్స్ ద్వారా కూడా అనసూయ సంపాదిస్తున్నారని కొందరు వాపోతున్నారు.
అయితే గ్లామర్ ఫీల్డ్ లో ఉన్న వారు ఎవరైనా చేసే వ్యహారమే ఇది. దీనిని పెద్ద పెద్ద స్టార్స్ కూడా ఫాలో అవుతారు. మరి అనసూయ చేయడంలో తప్పేముంది చెప్పండి.
ఇక సినిమాలతో ఎంత బిజీగా ఉన్నా లైఫ్ ఇచ్చిన బుల్లితెరను మాత్రం అనసూయ వదలం లేదు. జబర్ధస్త్ తో పాటు కొన్ని టీవీ షోలలో ఆమె హాట్ గా కనిపిస్తున్నారు.
ఈ మధ్య ఖిలాడీ షూటింగ్ కోసం ఇటలీ వెళ్లిన అనసూయ, అక్కడి పరిసరాలను ఫుల్ గా ఎంజాయ్ చేస్తూ కనిపించారు. సదరు వీడియో ఆమె ఇంస్టాగ్రామ్ లో పంచుకోగా వైరల్ అయ్యింది.
అందివచ్చిన ఆఫర్స్ కాదనకుండా చేస్తూ ముందుకు వెళుతున్న అనసూయ, కెరీర్ లో మరింత ఎదిగే సూచనలు కనిపిస్తున్నాయి. ఆఫర్స్ విషయంలో అనసూయ అందరినీ దాటేసి ముందుకు వెళుతున్నారు.