ఓటీటీలో అనసూయ మూవీ `సింబా` రికార్డ్ వ్యూస్‌, ప్రిన్స్ `కలి` రిలీజ్‌ అయ్యేది అప్పుడే?

అనసూయ ప్రధాన పాత్రలో నటించిన `సింబా` మూవీ ఓటీటీలో దుమ్మురేపుతుంది. అలాగే ప్రిన్స్, నరేష్‌ అగస్త్య ప్రధాన పాత్రల్లో నటించిన `కలి` మూవీ రిలీజ్‌ ఫిక్స్ అయ్యింది.   

మాజీ జబర్దస్త్ యాంకర్‌ అనసూయ టీవీ వదిలేసి సినిమాల్లో బిజీ అయ్యింది. అందులో భాగంగా ఆమె ఇటీవల `సింబా` అనే చిత్రంలో నటించింది. జగపతిబాబు, వశిష్ట, శ్రీనాథ్‌ ప్రధాన పాత్రలు పోషించిన ఈ చిత్రానికి దర్శకుడు సంపత్‌ నంది కథ అందించడం విశేషం. దర్శ డు మురళీ మనోహర్‌ రూపొందించిన ఈ మూవీ ఆ మధ్య థియేటర్లలో విడుదలైంది. కానీ పెద్దగా ఆదరణ పొందలేదు.
బిగ్‌ బాస్‌ తెలుగు 8 ఇంట్రెస్టింగ్‌ అప్‌ డేట్స్ కోసం ఇక్కడ క్లిక్‌ చేయండి.

సందేశాత్మక చిత్రం కావడంతో క్రిటికల్‌గా ప్రశంసలందుకుంది. కానీ కమర్షియల్‌గా సత్తా చాటలేకపోయింది. కానీ ఓటీటీలో మాత్రం ఇది దుమ్మురేపుతుంది. ప్రకృతికి కోపం వస్తే ఎలా ఉంటుంది. ప్రకృతి ప్రకోపం ఎలా ఉంటుంది. అనేది రీసెంట్‌గా రెండు తెలుగు రాష్ట్రాల ప్రజలకు అర్థమై ఉంటుంది.

వరదల వల్ల రెండు తెలుగు రాష్ట్రాలు ఎంత నష్టాన్ని చవి చూశాయో అందరికీ తెలిసిందే. ప్రకృతిని కాపాడుకుంటే అది మనల్ని కాపాడుతుంది. చెట్లను పెంచి, చెరువుల్ని కబ్జాలు చేయకుండా ఉంటే ఇలాంటి ప్రకృతి విళయతాండవాలు జరగవు. వృక్షో రక్షతి రక్షితః అనే కాన్సెప్టుతో `సింబా` సినిమాను తెరకెక్కించారు.

సంపత్ నంది టీం వర్క్స్, రాజ్ దాసరి ప్రొడక్షన్స్‌ సంయుక్తంగా నిర్మించిన `సింబా` డిఫరెంట్ కాన్సెప్ట్ చిత్రంగా థియేటర్లో విమర్శకుల ప్రశంసలు అందుకుంది. కమర్షియల్‌గా ఆడలేదు. కానీ ఇలాంటి చిత్రాలనే ఓటీటీలో రిలీజ్ చేస్తే టాప్‌లో ట్రెండ్ అవుతుంటాయి. తాజాగా `సింబా` మూవీ టాప్‌లో ట్రెండ్ అవుతోంది.

అమెజాన్ ప్రైమ్, ఆహాలో ఈ `సింబా` మూవీ గత పది రోజులుగా ట్రెండింగ్‌లో ఉంది. ఇప్పుడు అమెజాన్ ప్రైమ్‌లో టాప్ 6లో  ట్రెండ్ అవుతోంది. ప్రకృతి విళయతాండవం చేస్తున్న టైంలో సింబాలోని డైలాగ్స్, సీన్స్ బాగానే వైరల్ అయ్యాయి. చెట్లను పెంచాల్సిన బాధ్యత మన మీద ఎంత ఉంది? ఎందుకు ఉంది? అనేది సింబాలో చక్కగా చూపించారు.

డైరెక్టర్ మొదటి సినిమాతోనే మంచి మెసెజ్ ఇచ్చే చిత్రాన్ని తీశారు. సంపత్ నంది కథ.. డైరెక్టర్ మురళీ మనోహర్ విజన్, మేకింగ్ ‌కు ఇప్పుడు ఓటీటీ ఆడియెన్స్ ఫిదా అవుతున్నారు. సింబాకి ఓటీటీలో ప్రస్తుతం మంచి ఆదరణ అయితే దక్కుతోంది. ఓటీటీలోకి కొత్త చిత్రాలు వస్తూ ఉన్నా కూడా సింబా ఇప్పటికీ టాప్‌లోనే ట్రెండ్ అవుతోంది.

రిలీజ్ కు రెడీ అవుతున్న ప్రిన్స్, నరేష్ అగస్త్య `కలి`.. 

యంగ్ హీరోలు ప్రిన్స్, నరేష్ అగస్త్య నటిస్తున్న సినిమా "కలి". ఈ చిత్రాన్ని ప్రముఖ కధా రచయిత కె.రా‌ఘవేంద్ర రెడ్డి సమర్పణలో “రుద్ర క్రియేషన్స్” సంస్థ నిర్మిస్తోంది. శివ శేషు రచనతో పాటు దర్శకత్వం వహిస్తున్నారు. లీలా గౌతమ్ వర్మ నిర్మాతగా వ్యవహరిస్తున్నారు. సైకలాజికల్ థ్రిల్లర్ కథతో తెరకెక్కిన ఈ సినిమా అక్టోబర్ 4న గ్రాండ్ థియేట్రికల్ రిలీజ్ కు రెడీ అవుతోంది. 

కలి పాత్ర చుట్టూ అల్లుకున్న ఈ కొత్త కథాంశం ప్రేక్షకులకు సరికొత్త అనుభూతిని అందిస్తుందని మూవీ టీమ్ చెబుతున్నారు. నటీనటులు - ప్రిన్స్, నరేష్ అగస్త్య, నేహా కృష్ణన్, గౌతంరాజు, గుండు సుదర్శన్, కేదార్ శంకర్, మని చందన, మధుమణి తదితరులు. ఈ మూవీకి సంగీతం - జీవన్ బాబు, ఎడిటర్ – విజయ్ కట్స్, సినిమాటోగ్రఫీ – నిషాంత్ కటారి, రమణ జాగర్లమూడి, సమర్పణ – కె. రాఘవేంద్ర రెడ్డి, నిర్మాత - లీలా గౌతమ్ వర్మ
రచన, దర్శకత్వం - శివ శేషు.