వంటలక్క నోటి నుంచి చావు మాట.. డాక్టర్ బాబుపై కన్నెర్ర చేసిన వంటలక్క?

కార్తీక్ (Karthik) ఫోన్ రావటంతో సౌందర్య కారు దిగి మాట్లాడుతుంది. దీపకు (Deepa) లేనిపోని ఆలోచనలు వస్తుంటాయి. వీరిమధ్య ఏం జరుగుతుందో అని అనుకుంటుంది. అంతలోనే తాను పంతులు గారు ఇచ్చిన దోషనివారణ చిట్టిని చూస్తుంది.
 

అందులో కార్తీక్ (Karthik) పేరు చూసి ఆశ్చర్యపోతుంది.  దోష నివారణ ఎవరి కోసం అని ఎందుకోసం పూజలు చేస్తున్నారు అని సౌందర్య (Soundarya) పై అనుమానం పడుతుంది. సౌందర్య మాట్లాడిన మాటలు తలచుకుంటుంది. సౌందర్య ఫోన్ మాట్లాడి లోపలికి వస్తుంది.
 

దీప (Deepa) అడగకు ముందు సౌందర్య సమాధానం చెప్పడంతో అడగ లేదు కదా అత్తయ్య అంటూ సమాధానం ఇస్తుంది. ఇక సౌందర్య దీప మాటలకు లోపల భయపడుతూ  అక్కడి నుంచి బయలుదేరుతారు. మరోవైపు కార్తీక్ (Karthik) ఆలోచిస్తూ టెన్షన్ పడుతుంటాడు.
 

 అదే సమయంలో కార్తీక్ దగ్గరికి ఆనందరావు వచ్చి దీపకు (Deepa) నిజం చెప్పు ఇంకెన్ని రోజులు ఈ విషయాన్ని దాచి పెడతావు అని సలహా ఇస్తాడు. కార్తీక్.. ఇప్పుడు చెప్పే సమయం కాదు అంటూ చెబితే ఎలా రియాక్ట్ అవుతుందో అని భయపడతాడు. అదే సమయంలో పదేపదే మోనిత (Monitha) ఫోన్ చేస్తూ ఉంటుంది.
 

ఇక దీప, సౌందర్య ఇంట్లోకి వస్తారు. పిల్లలు వచ్చి దీప (Deepa) ను పట్టుకొని ఎక్కడికి వెళ్లావు అని ప్రశ్నిస్తారు. దీప తన దగ్గరే ఎక్కువ ప్రశ్నలు ఉన్నాయని అంటూ పిల్లలను తిన్నారా అని అడుగుతుంది. లేదు అని చెప్పేసరికి శ్రావ్య పై (Sravya) గట్టిగా అరుస్తుంది దీప.
 

లేనిపోని మాటలతో శ్రావ్యను (Sravya) బాధపెడుతుంది. పిల్లల్ని ఇప్పుడే పట్టించుకోకపోతే రేపు నేను చనిపోయాక ఎలా పట్టించుకుంటారు అని అనేసరికి ఇంట్లో వాళ్లంతా షాక్ అవుతుంటారు. ఎందుకలా మాట్లాడుతున్నావు దీపతో (Deepa) అంటారు. కార్తీక్ ఎక్కడికి వెళ్లావని ప్రశ్నించగా కళ్ళెర్ర జేసి చూస్తుంది.
 

ఇక పిల్లలను తీసుకెళ్లి వారికి అన్నం తినిపిస్తుంది. కార్తీక్ (Karthik) ఒంటరిగా దీప (Deepa) గురించి ఆలోచిస్తాడు. దీప ఎందుకు ఇలా చేస్తుందని నిజం తెలిసిందా అని ఆలోచిస్తాడు. ఇప్పుడు దీపకు చెబితే సమస్య పెద్దగా అవుతుందని ఆలోచించుకుంటూ కుమిలిపోతాడు.
 

దీప (Deepa) ఒంటరిగా కూర్చొని సౌందర్య, కార్తీక్ మాట్లాడిన మాటలను తలచుకుంటూ ఉంది. మోనిత (Monitha) గురించి ఆలోచిస్తుంది. ఏదో జరుగుతుంది అని ఎలాగైనా నిర్ణయం తీసుకోవాలని ఆ నిర్ణయం చివరి నిర్ణయం అవుతుంది అని అనుకుంటుంది. అప్పుడే పిల్లలు రావడంతో పిల్లలు దీపతో ఎమోషనల్ గా మాట్లాడుతుంటారు.