అల్లు అర్జున్ ఎందుకూ పనికి రాడనుకొని.. తాత రామలింగయ్య ఎలాంటి ప్లాన్ చేశాడో తెలుసా?

ఐకాన్ స్టార్ అల్లు అర్జున్ (Allu Arjun)  ఇప్పుడు ఇండియాలోనే టాప్ హీరోల్లో ఒకరిగా ఉన్నారు. అలాంటిది ఆయన జీవితంలో ఏమీ సాధించలేరని ఆయన తాత అల్లు రామలింగయ్య ఎంతగానో దిగులు చెందారంట.

ఈ విషయాన్ని బన్నీనే స్వయంగా చెప్పారు. అల్లు రామలింగయ్య గారి జయంతి ఉత్సవ వేడుకల్లో ఐకాన్ ఈ మాటలు చెప్పారు. తనకోసం తాత ఏమీ చేశారో చెప్పారు. 

చిన్నప్పుడు అల్లు అర్జున్ ను చూసిన అల్లు రామలింగయ్య ఎందుకూ పనికి రాడని భావించారంట. అందుకోసం బన్నీ పేరు మీద రూ.10 లక్షలు డిపాజిట్ చేయించి పెట్టారంట.

రామలింగయ్య మరణాననంతరం ఆ డబ్బులు బన్నీకి వచ్చాయంట. ఆ మనీతో ఎలాగోలా బతికేస్తాడని, వ్యాపారం పెట్టుకొని మంచి జీవితం అనుభవిస్తాడని అలా ప్లాన్ చేశాడంట. 

ఇవే మాటలను బన్నీ వేడుకలో గుర్తుచేసుకున్న విషయం కొందరికైతే తెలిసిందే. తన తాతగారు అనుకున్నట్టు కాకుండా మంచి నటుడిగా ఎదిగినందుకు సంతోషిస్తున్నానని చెప్పారు. ఇక బన్నీ నేషనల్ అవార్డుతో దేశంలోనే ఉత్తమ నటుడిగా గుర్తింపు దక్కించుకున్న విషయం తెలిసిందే.

ప్రస్తుతం ‘పుష్ప2 ది రూల్’ (Pushpa 2 The Rule)తో ప్రేక్షకుల ముందుకు రాబోతున్నారు. ఈ చిత్రం నుంచి ఏప్రిల్ 8న టీజర్ విడుదల కాబోతోంది. ఈ సందర్బంగా బన్నీకి సంబందించిన పలు వీడియోలు ఇలా నెట్టింట వైరల్ అవుతున్నాయి.