నీ యవ్వా తగ్గేదేలే... మెగా హీరోలతో సమరానికి కాలు దువ్వుతున్న అల్లు అర్జున్!

అల్లు అర్జున్ మెగా హీరోలకు దూరమయ్యాడు. చిరంజీవి-అల్లు అరవింద్ కుటుంబాల మధ్య కోల్డ్ వార్ నడుస్తుందనే వాదన చాలా కాలంగా ఉంది. గతంలో ఈ విమర్శలను అల్లు అరవింద్, చిరంజీవి ఖండించారు. అల్లు అర్జున్ మాత్రం మెగా హీరో అనే ట్యాగ్ వద్దనుకుంటున్నాడు. అల్లు అర్జున్ ఆర్మీ పేరుతో సపరేట్ ఫ్యాన్ బేస్ మైంటైన్ చేస్తున్నాడు. 

ఆంధ్రప్రదేశ్ సార్వత్రిక ఎన్నికల సమయంలో జరిగిన పరిణామం మరింత చిచ్చు రాజేసింది. కూటమి అభ్యర్థి పవన్ కళ్యాణ్ కి సోషల్ మీడియా వేదికగా బెస్ట్ విషెస్ తెలియజేసిన అల్లు అర్జున్... నంద్యాల వైసీపీ అసెంబ్లీ అభ్యర్థి శిల్పా రవి చంద్రారెడ్డి ఇంటికి నేరుగా వెళ్లి మద్దతు తెలిపాడు. ఇది మెగా ఫ్యామిలీకి అసలు నచ్చలేదు. పరోక్షంగా వైసీపీ పార్టీకి అల్లు అర్జున్ మద్దతు ప్రకటించినట్లు అయ్యింది. 
 

పోలింగ్ ముగిసిన సాయంత్రం నాగబాబు సోషల్ మీడియాలో ఓ కామెంట్ పోస్ట్ చేశాడు. ప్రత్యర్థులకు పని చేసేవాడు మా వాడైనా పరాయివాడే అంటూ పరుష పదజాలంతో విరుచుకుపడ్డాడు. అల్లు అర్జున్ ని ఉద్దేశించే నాగబాబు ఆ కామెంట్స్ చేశాడని ఫ్యాన్స్ భావించారు. నాగబాబును ట్రోల్ చేశారు. ఆయన కొన్నాళ్ళు ట్విట్టర్ అకౌంట్ కి దూరమయ్యాడు.

అల్లు అర్జున్ ని సాయి ధరమ్ తేజ్ సోషల్ మీడియాలో అన్ ఫాలో చేశాడు. అల్లు అర్జున్ అంటే మెగా హీరోలు, కుటుంబ సభ్యులు నచ్చనట్లే ఉంటున్నారు. ఇటీవల ఏపీ డిప్యూటీ సీఎం పవన్ కళ్యాణ్ అల్లు అర్జున్ పై ఇండైరెక్ట్ అటాక్ చేశాడు. కర్ణాటక పర్యటనలో ఉన్న పవన్ కళ్యాణ్... పుష్ప చిత్రంపై పరోక్ష విమర్శలు చేశాడు. 40 ఏళ్ల క్రితం హీరోలు అడవులను పెంచి అభివృద్ధి చేసే పాత్రల్లో నటించేవారు. ఇప్పుడున్న హీరోలు అడవులను నరికి స్మగ్లింగ్ చేసే పాత్రలు చేస్తున్నారని ఎద్దేవా చేశాడు. 
 

ఈ పరిణామాల నేపథ్యంలో అల్లు అర్జున్ పై మెగా హీరోలు కత్తి కట్టారని అర్థం అవుతుంది. ఇది పుష్ప 2 పై ప్రతికూల ప్రభావం చూపుతుందని ట్రేడ్ వర్గాలు భయపడుతున్నాయి. దాంతో అల్లు అర్జున్ మెగా ఫ్యామిలీతో సంధి చేసుకుంటాడని పలువురు భావిస్తున్నారు. 

అయితే అల్లు అర్జున్ కి అలాంటి ఆలోచన లేదట. తన సినిమాకు ఎంత నష్టం జరిగినా పర్లేదు. వారితో కాంప్రమైజ్ అయ్యేది లేదని ఫిక్స్ అయ్యాడట. పైగా తనకున్న ఇమేజ్, ఫేమ్ రీత్యా ఎంత దుష్ప్రచారం చేసినా సినిమాను ఆపలేరు అనేది ఆయన ఆలోచన అట. అమీతుమీ తేల్చుకోవడానికే సిద్ధం అంటున్నాడట. ఈ మేరకు టాలీవుడ్ వర్గాల్లో గుసగుసలు వినిపిస్తున్నాయి.