`కన్నప్ప`లో అక్షయ్‌ కుమార్‌ ఫస్ట్ లుక్‌, వాహ్‌ అదిరిపోయింది.. ప్రభాస్‌ ఎంత సేపు కనిపిస్తాడంటే?

మంచు విష్ణు హీరోగా రూపొందుతున్న `కన్నప్ప` సినిమా నుంచి అక్షయ్‌ కుమార్‌ లుక్‌ విడుదలైంది. శివుడి పాత్రలో ఆయన లుక్‌ అదిరిపోయేలా ఉంది. 

Kannappa Teaser

మంచు ఫ్యామిలీ ప్రతిష్టాత్మకంగా రూపొందిస్తున్న చిత్రం `కన్నప్ప`. భక్త కన్నప్ప కథ ఆధారంగా తెరకెక్కిస్తున్న చిత్రమిది. మంచు విష్ణు టైటిల్‌ రోల్‌ పోషిస్తున్నారు. ఈ మూవీ భారీ కాస్టింగ్‌తో తెరకెక్కుతుంది.

ఇందులో అక్షయ్‌ కుమార్‌తోపాటు ప్రభాస్‌, మోహన్‌లాల్‌, శరత్‌ కుమార్‌, కాజల్‌, బ్రహ్మానందం వంటి వారు నటిస్తున్నారు. సుమారు రెండు వందల కోట్ల బడ్జెట్తో ఈ చిత్రాన్ని తెరకెక్కిస్తున్నారు. మోహన్‌బాబు నిర్మిస్తున్నారు. ఆయన కూడా ముఖ్య పాత్రలో నటిస్తున్నారు. 

ఈ మూవీ నుంచి ఒక్కో పాత్రని రివీల్‌ చేస్తున్నారు. ఇప్పటికే మంచు విష్ణు, మోహన్‌లాల్‌, కాజల్‌, శరత్‌ కుమార్‌ వంటి వారి పాత్రలను పరిచయం చేశారు. ఇప్పుడు అక్షయ్‌ కుమార్‌ పాత్రని పరిచయం చేశారు. ఆయన ఇందులో శివుడి పాత్రలో నటిస్తున్నారు.

శివుడిగా ఆయన లుక్‌ని విడుదల చేశారు. త్రిశూలం ఎక్కుపెట్టి విజృంభిస్తున్న శివుడిగా అక్షయ్‌ కుమార్‌ లుక్‌ అదిరిపోయింది. సినిమాపై అంచనాలను పెంచుతుంది. `ముల్లోకాలను ఏలే పరమేశ్వరుడు భక్తికి మాత్రం దాసుడు` అనే క్యాప్షన్‌ ఆకట్టుకుంది. 

ఇందులో ఆయనది గెస్ట్ రోల్‌ అని తెలుస్తుంది. ఇక ఈ పోస్టర్‌ విడుదల సందర్భంగా టీమ్‌ చెబుతూ, కన్నప్పలో దైవత్వం, శక్తి, ప్రశాంతత కి ఆకర్షణీయమైన ఉనికికి కేరాఫ్‌ అయిన శివుడి పాత్రలో అక్షయ్‌ని ఆవిష్కరించడం ఆనందంగా ఉందని, అచంచలమైన ప్రేమ, భక్తి, త్యాగానికి సంబంధించిన యుగయుగాలుగా ఉన్న కథలోకి ప్రవేశించండి అంటూ పేర్కొంది టీమ్‌.

ఈ ఏప్రిల్‌లో పెద్ద తెరపై ఈ భారీ సినిమాని వీక్షించండి అని వెల్లడించింది. `కన్నప్ప`లో శివుడి పాత్రలో నటించడం పట్ల అక్షయ్‌ కుమార్‌ ఆనందం వ్యక్తం చేశారు. ఇది దైవత్వంతో కూడిన మూవీగా తెలిపారు. 

ఇదిలా ఉంటే ఇందులో ప్రభాస్‌ పాత్ర ఏంటనే సస్పెన్స్ నెలకొన్న విషయం తెలిసిందే. ఇందులో డార్లింగ్‌ నంది పాత్రలో కనిఇపంచబోతున్నారు. అయితే ఆయన పాత్రకి సంబంధించిన ఆసక్తికర విషయం బయటకు వచ్చింది. ఇందులో ప్రభాస్‌ గెస్ట్ రోల్‌ అని అన్నారు. కానీ చాలాసేపు ఉంటుందట. 30-40 నిమిషాల పాటు ఆయన కనిపించబోతున్నట్టు తెలుస్తుంది.

చాలా కీలకంగా ఆయన పాత్ర ఉంటుందని తెలుస్తుంది. ఇదే సినిమాకి ఆయువు పట్టుగా ఉంటుందని సమాచారం. అయితే ఇప్పటివరకు ప్రభాస్‌ లుక్‌ని విడుదల చేయలేదు టీమ్‌. గతంలో విడుదల చేసిన గ్లింప్స్  లో జస్ట్ చూపించారు. మరి ఆయన లుక్‌ని ఎప్పుడు రిలీజ్‌ చేస్తారనేది చూడాలి. ఫ్యాన్స్ ఈగర్‌గా వెయిట్‌ చేస్తున్నారు.