అఖిల్ అక్కినేని మ్యారేజ్ డేట్ ఫిక్స్.. కొడుకు పెళ్లి కోసం నాగార్జున ఇప్పటి నుంచే ఏం చేస్తున్నాడో తెలుసా

అఖిల్ అక్కినేని గత ఏడాది నవంబర్ లో తనకి కాబోయే జీవిత భాగస్వామిని అధికారికంగా ప్రకటించారు. అఖిల్, జైనాబ్ రావ్జీ అనే అమ్మాయిని వివాహం చేసుకోబోతున్న సంగతి తెలిసిందే. నవంబర్ 26న వీరిద్దరికీ కుటుంబ సభ్యుల సమక్షంలో నిశ్చితార్థం జరిగినట్లు నాగార్జున ప్రకటించారు.

అఖిల్ అక్కినేని గత ఏడాది నవంబర్ లో తనకి కాబోయే జీవిత భాగస్వామిని అధికారికంగా ప్రకటించారు. అఖిల్, జైనాబ్ రావ్జీ అనే అమ్మాయిని వివాహం చేసుకోబోతున్న సంగతి తెలిసిందే. నవంబర్ 26న వీరిద్దరికీ కుటుంబ సభ్యుల సమక్షంలో నిశ్చితార్థం జరిగినట్లు నాగార్జున ప్రకటించారు. అఖిల్, శోభిత వివాహానికి కొద్దిరోజుల ముందు ఈ ప్రకటన చేశారు. 

Akhil Akkineni

అప్పటి నుంచి జైనాబ్ ఎవరు ఆమె బ్యాగ్రౌండ్ ఏంటి అని నెటిజన్లు ఆరా తీయడం మొదలు పెట్టారు. అఖిల్ కి కాబోయే సతీమణి జైనాబ్.. జుల్ఫీ రావ్జి అనే పారిశ్రామికవేత్త కుమార్తె అని తెలిసింది. ఆమె వేల కోట్లకి వారసురాలు. అక్కినేని నాగార్జున, జుల్ఫీ  ఇద్దరూ బిజినెస్ లో భాగస్వాములుగా ఉన్నారట. అలా కుటుంబాల ద్వారా ఏర్పడ్డ పరిచయంతో అఖిల్, జైనాబ్ ప్రేమించుకోవడం మొదలు పెట్టారు. కొంతకాలంగా డేటింగ్ లో ఉన్న వీరిద్దరి పెళ్ళికి కుటుంబ సభ్యులు అంగీకారం తెలిపారు. ఆ విధంగా నిశ్చితార్థం తంతు ముగిసింది. 

తాజాగా ఇరువురి కుటుంబ సభ్యులు అఖిల్, జైనాబ్ వివాహ వేడుక తేదీ ఫిక్స్ చేసినట్లు తెలుస్తోంది. మార్చి 24న అంగరంగ వైభవంగా అఖిల్ పెళ్లి వేడుక జరగనుందట. నాగార్జున ఇప్పటి నుంచే పెళ్లి పనులు ప్రారంభించినట్లు తెలుస్తోంది. అందుతున్న సమాచారం మేరకు అఖిల్ తన పెళ్లి కూడా అన్నపూర్ణ స్టూడియోస్ లోనే జరగాలని కోరుకుంటున్నాడట. తన తాత ఏఎన్నార్ స్థాపించిన అన్నపూర్ణ స్టూడియోస్ తనకి సెంటిమెంట్ అని అఖిల్ భావిస్తున్నాడు. నాగ చైతన్య, శోభిత పెళ్లి కూడా ఇక్కడే జరిగింది. 

అఖిల్ పెళ్లి చాలా గ్రాండ్ గా ఉండేలా నాగార్జున ఏర్పాట్లు మొదలు పెట్టారు. సినీ రాజకీయ ప్రముఖులు, క్రికెటర్లు, వ్యాపార వేత్తలు ఇలా ప్రతి రంగం నుంచి అతిథులు హాజరయ్యేలా ప్లానింగ్ మొదలైనట్లు తెలుస్తోంది. దీనిపై అక్కినేని ఫ్యామిలీ అధికారికంగా సమాచారం ఇవ్వాల్సి ఉంది. పెళ్లి వేదిక గురించి మరో ప్రచారం కూడా జరుగుతోంది. డెస్టినేషన్ వెడ్డింగ్ ప్లాన్ చేసి.. రిసెప్షన్ మాత్రం అన్నపూర్ణ స్టూడియోస్ లో ఉండేలా కూడా ప్రయత్నాలు జరుగుతున్నాయి. దీనిపై క్లారిటీ రావాలంటే అక్కినేని ఫ్యామిలీ స్పందించాలి. 

మొత్తంగా అఖిల్ త్వరలో ఓ ఇంటివాడు కాబోతున్నాడు. జైనాబ్.. అఖిల్ కంటే వయసులో పెద్ద అమ్మాయి అని కూడా గతంలో ప్రచారం జరిగింది. ఇక కెరీర్ పరంగా అఖిల్ ప్రస్తుతం రెండు చిత్రాల ప్లానింగ్ లో ఉన్నారు. ఒక చిత్రం రాయలసీమ బ్యాక్ డ్రాప్ లో ఉండబోతోంది.