అజిత్ మొదటి పోలీస్ సినిమా ఎవరితో చేయాల్సిందో తెలుసా? చివరి నిమిషంలో ట్విస్ట్ !

అజిత్ మొట్టమొదట పోలీస్ ఆఫీసర్ గా నటించాల్సిన సినిమా గురించి సమాచారం బయటకొచ్చింది. మరి ఆయన ఎవరి దర్శకత్వంలో సినిమా చేయాలనుకున్నారంటే?

అజిత్

సంవత్సరానికి ఒకటి రెండు సినిమాల్లో నటిస్తున్న అజిత్  2023లో `తునివు` సినిమాతో హిట్‌ కొట్టాడు. ఈ సినిమా బాక్సాఫీసు వద్ద మంచి విజయాన్ని సాధించింది. మిశ్రమ స్పందన వచ్చినా సినిమా బాక్సాఫీసు వద్ద రచ్చ చేసింది. అజిత్‌ మార్కెట్‌ని తెలియజేసింది. 

ఇక ఇటీవల అజిత్‌.. `విడాముయర్చి`(పట్టుదల) చిత్రంలో నటించారు. త్రిష హీరోయిన్‌గా, అర్జున్‌, రెజీనా నెగటివ్‌ షేడ్‌ ఉన్న పాత్రల్లో నటించిన ఈ మూవీ బాక్సాఫీసు వద్ద డిజాస్టర్‌ అయ్యింది. కానీ సుమారు వంద కోట్ల కలెక్షన్లని రాబట్టడం విశేషం. 

`పట్టుదల` మూవీ  కథ, ప్రేమ సన్నివేశాలు బాగోలేదని అంటున్నారు. స్లో నెరేషన్‌ పెద్ద మైనస్‌గా మారిన ఈ సినిమా   త్వరలోనే ఓటీటీలోకి వస్తుందని చెబుతున్నారు. 

మరోవైపు త్వరలోనే అజిత్‌ `గుడ్‌ బ్యాడ్‌ అగ్లీ` చిత్రంతో ఆడియెన్స్ ని పలకరించబోతున్నారు. ఈ సినిమాపై భారీ అంచనాలున్నాయి. ఈ మూవీ కోసమే ఆయన ఫ్యాన్స్ ఈగర్‌గా వెయిట్‌ చేస్తున్నారు. 

అజిత్ మొదటి పోలీస్ సినిమా?

అజిత్ ఎన్నో సినిమాల్లో పోలీస్ పాత్రలు పోషించారు. కానీ, ఈ సినిమాలకు ముందు ఆయన పోలీస్ పాత్రలో నటించాల్సి ఉంది. మరి ఆ సినిమా ఏంటి? ఎలా ఆగిపోయిందంటే?

ఈ సినిమాని రవిరాజా పినిశెట్టి దర్శకత్వం వహించాల్సి ఉంది. నిక్ ఆర్ట్స్ సంస్థ ద్వారా ఎస్ ఎస్ చక్రవర్తి నిర్మించాల్సి ఉంది. దీనికి `మహా` అనే టైటిల్‌ కూడా అనుకున్నారు. ఇక సినిమా ప్రారంభమే తరువాయి. అనుకోకుండా ఆగిపోయింది. అయితే ఆగిపోవడానికి స్పష్టమైన కారణాలు తెలియలేదు. మొత్తానికి అజిత్‌ ఫస్ట్ పోలీస్‌ మూవీ విషయంలో ఇలా జరిగింది.