- Home
- Entertainment
- Isakapatnam: ఐశ్వర్య రాజేష్ 'ఇసకపట్నం' వెబ్ సిరీస్ తప్పకుండా చూడడానికి 5 కారణాలు ఇవే
Isakapatnam: ఐశ్వర్య రాజేష్ 'ఇసకపట్నం' వెబ్ సిరీస్ తప్పకుండా చూడడానికి 5 కారణాలు ఇవే
సముద్రఖని, ఐశ్వర్య రాజేష్ ప్రాధాన పాత్రల్లో నటించిన ఇసకపట్నం వెబ్ సిరీస్ పై అందరిలో ఆసక్తి నెలకొంది. ఈ సిరీస్ ని తప్పకుండా చూడడానికి 5 కారణాలు ఉన్నాయి.
Isakapatnam
ఐశ్వర్య రాజేష్ హీరోయిన్ గా కమర్షియల్ సినిమాలు చేస్తూనే కొన్ని ప్రయోగాత్మక పాత్రలు కూడా ఎంచుకుంటున్నారు. తన పాత్రల ఎంపిక విషయంలో ఐశ్వర్యరాజేష్ సెలెక్టివ్ గా ఉంటున్నారు. ఏ పాత్రలు పడితే వాటిని ఓకె చేయడం లేదు. తాజాగా ఐశ్వర్య రాజేష్, సముద్రఖని, నరేష్ అగస్త్, రాజా చేంబోలు ప్రధాన పాత్రల్లో నటించిన వెబ్ సిరీస్ ఇసకపట్నం. ప్రముఖ ఎడిటర్ గ్యారీ బీహెచ్ దర్శకత్వంలో ఈ వెబ్ సిరీస్ తెరకెక్కింది. మొత్తం ఇది 7 ఎపిసోడ్ ల వెబ్ సిరీస్. ప్రైమ్ వీడియోలో ఈ రాత్రి నుంచి స్టీమింగ్ మొదలవుతుంది. ఐశ్వర్య రాజేష్, సముద్రఖనితో పాటు కీలకంగా అనిపించే పాత్రలు ఈ సిరీస్ లో చాలానే ఉన్నాయి. నరేష్ అగస్త్య, సుధాకర్ కొమాకుల, సునీల్, బనెర్జీ, రవి వర్మ కీలక పాత్రల్లో నటించారు.
ఐశ్వర్య రాజేష్ పెర్ఫార్మెన్స్
ఐశ్వర్య రాజేష్ కి తెలుగు ఆడియన్స్ లో మంచి ఫాలోయింగ్ ఉంది. సంక్రాంతికి వస్తున్నాం చిత్రంలో ఫన్ ఉండే రోల్ లో నటించింది. ఇప్పుడు ఈ వెబ్ సిరీస్ లో సీరియస్ పాత్రలో అదరగొట్టినట్లు ట్రైలర్ చూస్తే అర్థం అవుతోంది.
సముద్రఖని
విలన్ గా క్రూరత్వాన్ని పండించడం సముద్రఖనికి వెన్నతో పెట్టిన విద్య. ఈ సిరీస్ లో ఆయన ఇంకా చెలరేగిపోయినట్లు ఉన్నారు. సముద్రఖనికి మంచి పాత్ర పడితే ఆ మూవీ కానీ వెబ్ సిరీస్ కానీ ఎక్కడికో వెళ్ళిపోతుంది.
పోలీస్ అధికారిగా సునీల్
సునీల్ ఈ వెబ్ సిరిస్ లో పోలీస్ అధికారిగా నటించారు. ఆయన పాత్రపై కూడా మంచి అంచనాలు ఉన్నాయి.
సముద్ర తీరంలో జరిగే కథ
పోర్ట్ ఏరియా, సముద్ర తీరం నేపథ్యంలో వచ్చే సినిమాలు, వెబ్ సిరీస్ లు గతంలో మంచి విజయం సాధించాయి. దీనితో ఇసకపట్నంపై కూడా మంచి అంచనాలు ఉన్నాయి.
ప్రైమ్ వీడియోలో రిలీజ్
ప్రైమ్ వీడియోలో రిలీజ్ అయ్యే వెబ్ సిరీస్ లు బావుంటాయనే టాక్ ఉంది. ఇసకపట్నం కూడా ప్రైమ్ వీడియోలోనే స్ట్రీమింగ్ కానుంది. మరి ఇసకపట్నం ఎలా ఉంటుందో చూడాలి.
