శిల్పాశెట్టి నిద్రపోయాక.. ఆమె చెల్లితో రాజ్కుంద్రా నైట్ పార్టీలు.. సీక్రెట్స్ రివీల్..
నటి శిల్పా శెట్టి రాత్రి సమయంలో నిద్రపోయాక ఆమె సిస్టర్ షమితా శెట్టితో కలిసి రాజ్కుంద్రా నైట్ పార్టీలకు వెళ్లాలనుకునేవారట. తాజాగా ఫ్యామిలీకి సంబంధించిన ఆసక్తికర విషయాలు బయటకు వచ్చాయి. ఇప్పుడవీ వైరల్ అవుతున్నాయి.
పోర్న్ వీడియోల కేసులో రాజ్కుంద్రా అరెస్ట్ అయిన విషయం తెలిసిందే. ఈ నెల 19న ఆయన్ని అరెస్ట్ చేశారు. గత వారం రోజులుగా విచారిస్తూనే ఉన్నారు. మంగళవారం ముంబయి హైకోర్ట్ ఆయనకు బెయిల్ నిరాకరిస్తూ 14 రోజుల జ్యూడిషియల్ కస్టడీ విధించింది. ఇందులో భాగంగా రాజ్కుంద్రాని అనేక కోణాల్లో పోలీసులు విచారించనున్నారు.
మరోవైపు ఈ కేసులో అనేక విషయాలు బయటకు వస్తున్నాయి. పోర్న్ వీడియోల విషయాలే కాదు మనీలాండరింగ్ అక్రమాలు కూడా వెలుగులోకి వస్తోన్న నేపథ్యంలో ఆయా కేసులు కూడా పెట్టబోతున్నారు.దీంతోపాటు పోర్న్ వీడియోలకు సంబంధించి సొంతం సంస్థ ఉద్యోగులే రాజ్కుంద్రాకి వ్యతిరేకంగా సాక్ష్యం చెప్పేందుకు ముందుకు రావడం పెద్ద దుమారాన్ని సృష్టిస్తుంది.
ఈ నేపథ్యంలో రాజ్కుంద్రా, శిల్పా శెట్టి, ఆమె సిస్టర్ షమితా శెట్టి పాల్గొన్న కపిల్ శర్మ ఇంటర్వ్యూ వీడియో ఒకటి ఇప్పుడు వైరల్ అవుతుంది. అందులో రాజ్కుంద్రా, శిల్పాశెట్టి సిస్టర్ షమితా శెట్టిల మధ్య సీక్రెట్స్ బయటకు వచ్చాయి.
ఇందులో షమితా శెట్టితో కలిసి నైట్ పార్టీలకు వెళ్లేవాళ్లమని చెప్పారు. అదే సమయంలో రాజ్కుంద్రాతో శిల్పాశెట్టి మ్యారేజ్ జరిగినప్పుడు తాను చాలా డిప్రెషన్కి గురైనట్టు షమితా శెట్టి తెలిపింది.
షమితా శెట్టి చెబుతూ, `రాజ్కుంద్రాతో శిల్పాశెట్టి వివాహం జరగడం మాకు చాలా సంతోషాన్నిచ్చింది. కానీ అదేసమయంలో నేను ఓ నెల రోజుల పాటు చాలా డిప్రెషన్కి గురయ్యాను. ఎందుకంటే శిల్పా మా ఇంట్లో ఉన్నప్పుడు తరచు సరదాగా నవ్వుకునేవాళ్లం. ఎప్పుడూ జోకులు వేసుకుంటూ నవ్వుకునేవాళ్లం. కానీ ఆమె మ్యారేజ్ తర్వాత వాటిని చాలా మిస్ అయ్యాం` అని తెలిపింది.
దీనికి రాజ్కుంద్రా స్పందిస్తూ, దానికి మీరు సిద్దూ పాజీని మీ ఇంటికి తీసుకెళ్లమని చెప్పడంతో అంతా నవ్వుకున్నారు. ఈ సందర్భంగా రాజ్కుంద్రా శిల్పా గురించి చెబుతూ, మ్యారేజ్ తర్వాత తాను చాలా మారిపోయానని చెప్పాడు. చాలా ప్రయోజనాలు కలిగాయని, హోంమ్లీగా ఉందని, రాత్రి ఏడు గంటలకే భోజనం చేస్తున్నానని, రాత్రి 9 గంటల తర్వాత బయటకు వెళ్లడం లేదని తెలిపారు.
అయితే రాత్రి శిల్పా పుస్తకం చదువుతూ నిద్రపోయేదని, కొన్నిసార్లు నేను పార్టీ చేసుకోవాలనిపించి షమితాని పిలవాలని అనుకున్నట్టు తెలిపారు. ఆమె కూడా రండి అనే వారని, ఎప్పుడూ తిరస్కరించలేదని తెలిపారు.
దీనిపై శిల్పా శెట్టి స్పందిస్తూ, రాజ్.. శెట్టి సోదరీమణులతో ప్యాకేజీ ఒప్పందం కుదుర్చుకున్నాడు` అంటూ కామెంట్ చేసింది. అప్పుడు రాజ్ షమిత వైపు చూస్తూ నేను ఆమెని పెళ్లి చేసుకునేందుకు సిద్ధంగా లేను అని అనడంతో, షమితా స్పందిస్తూ, మీరు చాలా దారుణంగా మాట్లాడుతున్నారని కామెంట్ చేయడం ఆద్యంతం నవ్వులు పూయించింది. ఇదంతా సరదాగా వీరి మధ్య సాగిన కన్వర్జేషన్. కానీ ఇప్పుడు ఇలాంటివి సైతం వివాదాస్పదంగా మారుతుండటం గమనార్హం.