డేవిడ్ తో హీరో అడివి శేష్ సిస్టర్ మ్యారేజ్... ఇంతకీ ఎవరీ డేవిడ్!

హీరో అడివి శేష్ తన సిస్టర్ మ్యారేజ్ లో సందడి చేశారు. హల్దీ వేడుకకు సంబంధించిన ఫోటోలు ఇంస్టాగ్రామ్ లో షేర్ చేశారు. అడివి శేష్ సోదరి విదేశీయుడ్ని చేసుకుంటున్నట్లు సమాచారం. 

Adivi Sesh

హీరో అడివి శేష్ సోదరి వివాహ వేడుక ఘనంగా జరుగుతుంది. నేడు హల్దీ వేడుక. చెల్లి వివాహ హల్దీ ఈవెంట్లో అడివి శేష్ సందడి చేశారు. పెళ్లి వేడుకను ఆస్వాదించారు. 

సిస్టర్ పెళ్లి వార్త అడివి శేష్ సోషల్ మీడియా ద్వారా తెలియజేశాడు. చెల్లి వివాహం. నేడు హల్దీ వేడుక. బావ డేవిడ్ ని మా ఫ్యామిలీలోకి అమ్మా, నేను మనస్ఫూర్తిగా ఆహ్వానిస్తున్నాం... అని అడివి శేష్ కామెంట్ చేశారు. 

డేవిడ్ విదేశీయుడని స్పష్టం అవుతుంది. ఈ క్రమంలో ఇది ప్రేమ వివాహంగా ఫ్యాన్స్ భావిస్తున్నారు . సాధారణ కుటుంబాల్లోనే విదేశీయులతో ప్రేమలు, పెళ్లిళ్లు కామనై పోయాయి. అడివి శేష్ వంటి అల్ట్రా మోడ్రన్ కుటుంబాల్లో ఇది పెద్ద విషయం కాదు. 

అడివి శేష్ విద్యాభ్యాసం మొత్తం అమెరికాలో జరిగింది. నటనపై మక్కువతో ఆయన హైదరాబాద్ వచ్చి కెరీర్ మొదలుపెట్టారు. ఇక అడివి శేష్ సిస్టర్ లండన్ లో మెడిసిన్ చేసినట్లు సమాచారం. అడివి శేష్ కజిన్ సాయి కిరణ్ అడివి డైరెక్టర్ గా ఉన్నారు. 

సొంతం సినిమాలో చిన్న రోల్ చేసిన అడివి శేష్... కర్మ అనే మూవీలో నటించి దర్శకత్వం వహించారు. ఆయనకు రన్ రాజా రన్ మూవీ బ్రేక్ ఇచ్చింది. క్షణం మూవీతో హీరోగా ఫస్ట్ హిట్ కొట్టారు. అడివి శేష్ నటించిన గూఢచారి, ఎవరు, మేజర్, హిట్ 2 వరుసగా విజయాలు సాధించాయి. గ్యారంటీ చిత్రాల హీరోగా ఆయన మారారు. ప్రస్తుతం ఆయన గూఢచారి 2 మూవీలో నటిస్తున్నారు.