లవ్‌స్టోరీలంటే ఇష్టమట.. కానీ వెబ్‌సిరీస్‌ చేయనంటోన్న అదితి
తనకు లవ్‌ స్టోరీలంటే ఇష్టమని, వెబ్‌ సిరీస్‌లు చేసే ఆలోచన లేదని అంటోంది అదితి రావు హైదరి. ఇటీవల ఆమె తెలుగులో నటించిన చిత్రం `వి`. నాని, సుధీర్‌భాబు హీరోలుగా, నివేదా థామస్‌, అదితి రావుహైదరి హీరోయిన్లుగా నటించిన ఈ చిత్రానికి ఇంద్రగంటి మోహనకృష్ణ దర్శకత్వం వహించారు.
ఈ నెల 5న ఈ సినిమా అమేజాన్‌ ప్రైమ్‌లో విడుదలైంది. సినిమాకి మిశ్రమ స్పందన వస్తోంది. ఈ నేపథ్యంలో తాజాగా అదితి మీడియాతో ముచ్చటించింది. పలు ఆసక్తికర అంశాలను పంచుకుంది అదితి. ఆ విశేషాలు చూస్తే.
`వి` సినిమాని థియేటర్‌లో ఆడియెన్స్ తో చూసి ఎంజాయ్‌ చేయాలనుకున్నా. కానీ ఈ సారి ఆ అనుభూతి మిస్‌ అయ్యాను. ఈ సినిమాలోని సాహెబా పాత్రని ధనుష్‌ ప్రశంసించారు. అలాగే రాశీఖన్నా కూడా అభినందించారు.
నేను నటించిన చిత్రాల్లో ఓటీటీలో విడుదలైన రెండో సినిమా `వి`. మొదట మలయాళ చిత్రం `సుఫియం సుజాతయుమ్‌` మొదటగా ఓటీటీలో రిలీజైంది.
ప్రస్తుతం చాలా మంది హీరోయిన్లు వెబ్‌ సిరీస్‌ చేస్తున్నారు. కానీ నాకైతే ఆ ఆలోచన లేదు. ప్రస్తుతం తెలుగుతోపాటు హిందీ, తమిళంలో సినిమాలు చేస్తూ బిజీగా ఉన్నా. ఇక నాకంటూ ప్రత్యేకంగా డ్రీమ్‌ రోల్స్ ఏమీ లేవు.
కరోనా, లాక్‌డౌన్‌ సమయంలో చాలా నేర్చుకున్నా. ఓపికగా, పాజిటివ్‌గా ఎలా ఉండాలో లాక్‌డౌన్‌ నేర్పించింది. ఈ మధ్యనే ముంబయిలో జాన్‌ అబ్రహంతో కలిసి సినిమా షూటింగ్‌లో పాల్గొన్నా. ఏసీ ఫ్లోర్‌లో చలికి వణికిపోయాడు.
ప్రస్తుతం హిందీలో మూడు సినిమాలు, తమిళంలో రెండు చిత్రాలు, తెలుగులో ఓ సినిమాలో నటిస్తున్నానని అదితి పేర్కొంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
