ఆ హీరో వల్ల ఇండస్ట్రీ నుంచే వెళ్ళిపోదాం అనుకున్నా.. ఇక పెళ్లి చేసుకునే ఉద్దేశం లేదు, నటి ప్రగతి కామెంట్స్

టాలీవుడ్ సీనియర్ నటి ప్రగతి ప్రస్తుతం సోషల్ మీడియాలో సునామీగా మారిపోయారు. తన కెరీర్ ఆరంభముల్ జరిగిన సంఘటనలని నటి ప్రగతి తరచుగా ఇంటర్వ్యూలలో ప్రస్తావిస్తున్నారు.

టాలీవుడ్ సీనియర్ నటి ప్రగతి ప్రస్తుతం సోషల్ మీడియాలో సునామీగా మారిపోయారు. 90 వ దశకం నుంచి ఆమె నటిగా రాణిస్తున్నారు. అప్పట్లో కొన్ని చిత్రాల్లో ప్రగతి హీరోయిన్ గా కూడా నటించింది. ప్రస్తుతం తెలుగు చిత్రాల్లో క్యారెక్టర్ రోల్స్ చేస్తూ బిజీ ఆర్టిస్ట్ గా మారిపోయింది. తల్లి, అత్త తరహా పాత్రలకు దర్శకులు ప్రగతినే సంప్రదిస్తున్నారు. 

అయితే ప్రగతి కొంతకాలంగా సోషల్ మీడియాలో కొత్త ఇమేజ్ కూడా సొంతం చేసుకున్నారు. తరచుగా జిమ్ వీడియోలు, ఇన్స్టా రీల్స్ పోస్ట్ చేస్తూ ప్రగతి బాగా పాపులర్ అవుతున్నారు. అయితే ప్రగతి కెరీర్ ఇప్పుడున్నంత సాఫీగా ఆరంభంలో లేదట. 

తన కెరీర్ ఆరంభముల్ జరిగిన సంఘటనలని నటి ప్రగతి తరచుగా ఇంటర్వ్యూలలో ప్రస్తావిస్తున్నారు. ఇంట్లో ఊరికే కూర్చుని తింటున్నావ్ అని తన తల్లి అన్న మాటలతోనే ఆమెకి కష్టాలు మొదలైనట్లు ప్రగతి తెలిపింది. సంపాదన కోసం పిజ్జా షాప్ లో, ఎస్టీడీ బూత్ లలో కూడా పనిచేసినట్లు ప్రగతి పేర్కొంది. ఆ తర్వాత యాడ్ లలో నటించే అవకాశం రావడం.. దానితో మోడలింగ్ లోకి అడుగుపెట్టినట్లు ప్రగతి పేర్కొంది. 

మోడలింగ్ లోకి అడుగు పెట్టిన తర్వాత హీరోయిన్ గా కూడా ఆఫర్స్ వచ్చాయి. కానీ హీరోయిన్ ఛాన్సులు నాకు అంతగా కలసి రాలేదు. ఓ సందర్భంలో హీరో, నిర్మాత అయిన ఒకరు తనని బాగా ఇబ్బంది పెట్టినట్లు ప్రగతి చెప్పుకొచ్చింది. అతడి వల్ల ఇండస్ట్రీ నుంచే వెళ్ళిపోదాం అని అనుకున్నా. 20 ఏళ్లకే పెళ్లి చేసుకున్నా. కానీ భర్తతో విభేదాలు వచ్చి విడిపోయా.. భవిష్యత్తులో పెళ్లి ఆలోచనే లేదు అని ప్రగతి తెలిపింది. 

ఇప్పుడు తనకి నటిగా అవకాశాలు బాగానే వస్తున్నాయి అని ప్రగతి పేర్కొంది. ప్రగతి పేరు చెప్పకుండా గతంలో కూడా ఆ హీరో గురించి ప్రస్తవించింది. అవకాశం వస్తే కమల్ హాసన్, రజనీకాంత్ లతో సినిమాలు చేస్తే.. వీడితో మాత్రం అసలు నటించను అని అప్పుడే చెప్పినట్లు ప్రగతి పేర్కొంది. ప్రగతిని అంతలా ఇబ్బంది పెట్టిన ఆ హీరో నిర్మాత ఎవరో మరి. 

ప్రగతి 47 ఏళ్ల వయసులో కూడా గ్లామరస్ పిక్స్, జిమ్ వీడియోలు షేర్ చేస్తూ సోషల్ మీడియాలో హంగామా సృష్టిస్తోంది. ప్రగతి సౌత్ లో అన్ని భాషల్లో నటించింది. అలాగే బుల్లితెర సీరియల్స్ లో కూడా మెరిసింది.