రానున్న రోజుల్లో వివాహ వ్యవస్థ ఉండదు.. పెళ్లి వేస్ట్ అంటూ నరేష్ తీవ్ర వ్యాఖ్యలు, పవిత్ర లోకేష్ సంగతేంటి ?

సీనియర్ నటి పవిత్ర లోకేష్ తో నరేష్ సహజీవనం చేస్తున్నట్లు ప్రచారం జరుగుతోంది. నరేష్, పవిత్ర త్వరలో వివాహం చేసుకునేందుకు సిద్ధం అవుతున్నట్లు తెలుస్తోంది. 

పెళ్లి అంటే ప్రతి ఒక్కరి జీవితంలో మధురానుభూతి. నిండు నూరేళ్ళ జీవితానికి నాంది పలికే మధుర ఘట్టం. మోడ్రన్ డేస్ మొదలయ్యాక ప్రజలు ఇండివిడ్యువల్ లైఫ్ కి అలవాటు పడిపోతున్నారు. ఫలితంగా వివాహ వ్యవస్థలో మార్పులు వస్తున్నాయి. పెళ్లికి ముందే సహజీవనాలు మొదలయ్యాయి. అలాగే పెళ్లిపై ధృడమైన నమ్మకం కలిగిన వాళ్ళు కూడా ఉన్నారు. 

Naresh- Pavitra Lokesh

విడాకులు ఎక్కువవుతున్న మాట వాస్తవమే. కానీ ఒకరినొకరు అర్థం చేసుకుని అన్యోన్యంగా జీవించేవారు కూడా ఉన్నారు. తాజాగా వివాహ వ్యవస్థపై నటుడు నరేష్ చేసిన వ్యాఖ్యలు మంటలు రేపుతున్నాయి. పెళ్లి చేసుకోవడమే వేస్ట్ అనేలా నరేష్ వివాదాస్పద వ్యాఖ్యలు చేశారు. నరేష్ త్వరలో నాలుగో వివాహానికి రెడీ అవుతున్నట్లు ప్రచారం జరుగుతోంది. ఇలాంటి తరుణంలో నరేష్ చేసిన కామెంట్స్ వైరల్ అవుతున్నాయి. 

అయితే నైంటీస్‌లో మాత్రం స్టార్‌ హీరోలకు దీటుగా రాణించి మెప్పించింది. ఇప్పుడు తల్లి పాత్రల్లోనూ హీరోయిన్లకి దీటుగా మెప్పిస్తుంది. `రేసుగుర్రం`, `కాటమరాయుడు`, `సన్నాఫ్‌ సత్యమూర్తి`, `డీజే`, `పటాస్‌`, `టెంపర్‌`, `సైరా`, `పండగ చేస్కో` వంటి చిత్రాల్లో నటించి ఆకట్టుకున్నారు పవిత్ర.

సీనియర్ నటి పవిత్ర లోకేష్ తో నరేష్ సహజీవనం చేస్తున్నట్లు ప్రచారం జరుగుతోంది. ఏ ఈవెంట్ కి వెళ్లినా, గుడికి వెళ్లినా వీరిద్దరూ జంటగా కనిపిస్తున్నారు. దీనితో నరేష్, పవిత్ర త్వరలో వివాహం చేసుకునేందుకు సిద్ధం అవుతున్నట్లు తెలుస్తోంది. 

నరేష్ వివాహ వ్యవస్థ గురించి మాట్లాడుతూ.. ఇటీవల ఫ్యామిలీ కోర్టులు ఎక్కువవుతున్నాయి. ప్రతి పది మంది జంటలలో ఐదుగురు విడిపోతున్నారు. దీనికి కారణం ఇద్దరూ సమానమే అనే ఫీలింగ్. గతంలో భర్త సంపాదిస్తే భార్య ఇల్లు చక్కబెట్టుకునేది. ఇప్పుడు ఇద్దరూ సంపాదిస్తున్నారు. ఆమె సొంతంగా ఫోన్ కొనుక్కుంటోంది. ఆమెకి కూడా ఫ్రెండ్స్ ఉంటున్నారు. ఒకరినొకరు అర్థం చేసుకునే పరిస్థితి ఉండడం లేదు. ఫలితంగా విడిపోతున్నారు. 

రానున్న రోజుల్లో వివాహ వ్యవస్థే కనుమరుగు అవుతుంది. పెళ్లి చేసుకోవడమే వేస్ట్ అంటూ నరేష్ తీవ్రమైన వ్యాఖ్యలు చేశారు. మరి నాలుగో పెళ్ళికి రెడీ అవుతున్న తన గురించి తాను సమర్థించుకున్నారు. సినిమావాళ్లు మాత్రమే పెళ్ళిళ్ళు చేసుకుంటున్నారా.. విడిపోతున్నారా ? బయట ప్రజలు ఎవరూ విడిపోవడం లేదా అని నరేష్ ప్రశ్నించారు. 

ఫ్యామిలీ కోర్టుల్లో సినిమా వాళ్ళు మాత్రమే ఉంటున్నారా అని నరేష్ ప్రశ్నించారు. ఎప్పటికి సినిమానే నానా ఫస్ట్ వైఫ్. గతంలో నేను నెలలో 28 రోజులు వర్క్ చేసేవాడిని. అలాంటప్పుడు నన్ను అర్థం చేసుకునవాళ్లు ఉండరు. నన్ను అర్థం చేసుకుని, అడ్జెస్ట్ అయ్యేవారితో మాత్రమే జీవిస్తాను అని నరేష్ తేల్చి చెప్పారు. 

నరేష్, పవిత్ర లోకేష్ చాలా కాలంగా కలసి ఉంటున్నట్లు తెలుస్తోంది. పవిత్ర లోకేష్ కూడా తన భర్త నుంచి విడిపోయింది. అధికారికంగా విడాకులు వచ్చాక ఇద్దరూ వివాహం చేసుకోబోతున్నట్లు వార్తలు వస్తున్నాయి. ఈలోపు ఈ సీనియర్ జత గుడులు గోపురాలు అంటూ తిరిగేస్తున్నారు.