సాయి పల్లవికి తప్ప ఇంకెవరికి సాధ్యం కాని 8 రోల్స్.. ఒక్కొక్కటి ఒక్కో డైమండ్

నేచురల్ బ్యూటీ సాయి పల్లవి సౌత్ లో ఓ సెన్సేషన్. హీరోయిన్లు వెండితెరని తమ గ్లామర్ తో హీటేక్కిస్తున్న టైంలో అందాల ఆరబోతకు ఆస్కారం ఇవ్వకుండా తన పెర్ఫామెన్స్ తో ప్రేక్షకులని ఫిదా చేస్తోంది. గ్లామర్ ఒలకబోయకపోతే కష్టం అనుకునే రోజుల్లో కేవలం నటనతోనే సాయి పల్లవి స్టార్ హీరోయిన్లని సైతం డామినేట్ చేస్తోంది. 

అంతలా ఆమె అభినయం ప్రేక్షకులపై ప్రభావం చూపుతోంది. నేడు సాయి పల్లవి.. నాగచైతన్యతో జంటగా నటించిన లవ్ స్టోరీ చిత్రం రిలీజ్ అవుతోంది. ఈ సందర్భంగా సాయి పల్లవి కెరీర్ లో ఆమె పోషించిన 8 అద్భుతమైన రోల్స్ చూద్దాం. 

ప్రేమమ్ : ఈ మలయాళీ చిత్రం ఎంతటి ఘనవిజయం సాధించిందో అందరికీ తెలిసిందే. యంగ్ టీచర్ మలార్ పాత్రలో సాయి పల్లవి నటన కుర్రాళ్ళ హృదయాలు దోచుకుంది. ఈ మూవీ నుంచే సాయి పల్లవి పేరు సౌత్ మొత్తం వినిపించడం ప్రారంభం అయింది. 

కాళి : ఈ మలయాళీ చిత్రం తెలుగులో ' హేయ్ పిల్లగాడ' గా విడుదలైంది. విపరీతమైన కోపం ఉన్న భర్తకు భార్యగా అంజలి పాత్రలో సాయి పల్లవి నటన మెప్పిస్తుంది. దుల్కర్ సల్మాన్, సాయి పల్లవి ఈ చిత్రంలో జంటగా నటించారు. 

ఫిదా : సాయి పల్లవిని తెలుగు ప్రేక్షకులకు చేరువ చేసిన చిత్రం ఇది. శేఖర్ కమ్ముల దర్శకుడు. అప్పటి వరకు సాయి పల్లవి గురించి విన్న తెలుగు జనం.. ఈ చిత్రంలో ఆమె పెర్ఫామెన్స్ ని రుచి చూశారు. అల్లరి పిల్లగా సాయి పల్లవి నటన, డాన్స్ కుర్రకారుని పిచ్చెక్కించేశాయి. హైబ్రిడ్ పిల్ల భానుమతిగా సాయి పల్లవి మెస్మరైజింగ్ పెర్ఫామెన్స్ అందించింది. 

మిడిల్ క్లాస్ అబ్బాయి : ఈ మూవీలో నాని, సాయి పల్లవి మధ్య కెమిస్ట్రీ ప్రతి ఒక్కరిని ఆకట్టుకుంది. ఈ మూవీలో సాయి పల్లవి చిన్ని పాత్రలో కాస్త నాటీగా నటించి మెప్పించింది. ఈ మూవీలో సాయి పల్లవి నటన మాస్ ప్రేక్షకులని కూడా మెప్పించింది. 

కణం : ఈ చిత్రంలో సాయి పల్లవి పూర్తిగా నటనకు ప్రాధాన్యత ఉన్న చిత్రంలో నటించింది. సాయి పల్లవి ఈ మూవీలో అబార్షన్ కు గురైన మహిళగా అద్భుతంగా నటించింది. 

పడిపడి లేచే మనసు : ఈ మూవీలో సాయి పల్లవి, శర్వానంద్ జంటగా నటించారు. ఎమోషనల్ లవ్ డ్రామాగా సాగే ఈ చిత్రంలో సాయి పల్లవి నటన అద్భుతంగా ఉంటుంది. ఊహించని మలుపులతో సాగే ఈ ప్రేమ కథలో శర్వానంద్, సాయి పల్లవి పోటీ పడి నటించారు. 

మారి 2: ఈ మూవీలో సాయి పల్లవి ఆటో డ్రెవర్ గా మాస్ రోల్ లో కనిపించింది. సాయి పల్లవి నటన,మాస్ యాటిట్యూడ్ నెక్స్ట్ లెవల్ లో ఉంటాయి. ఇక రౌడీ బేబీ సాంగ్ లో ఆమె డాన్స్ గురించి ఎంత వర్ణించినా తక్కువే. 

పావ కధైగళ్ : ఈ తమిళ చిత్రంలో సాయి పల్లవి గర్భవతి సుమతిగా నటించింది. ఈ చిత్రంలో సాయి పల్లవి పాత్ర ప్రతి ఒక్కరిని కంట తడి పెట్టిస్తుంది. అంతలా ఎమోషనల్ పెర్ఫామెన్స్ తో సాయి పల్లవి ఆకట్టుకుంది. 

లవ్ స్టోరీ : నేడు విడుదల కాబోతున్న ఈ చిత్రంలో సాయి పల్లవి నాగ చైతన్యకు జంటగా నటించింది. ఆమె పాత్రలో అనేక షేడ్స్ ఉంటాయని ఇప్పటికే చిత్ర యూనిట్ పేర్కొంది. 

అప్ కమింగ్ మూవీస్ : సాయి పల్లవి నటనకు ప్రాధ్యానత లేనిదే ఈ చిత్రాన్ని అంగీకరించదు. లవ్ స్టోరీ తర్వాత సాయి పల్లవి విరాట పర్వం, శ్యామ్ సింగ రాయ్ లాంటి చిత్రాల్లో నటిస్తోంది. నక్సలిజం బ్యాక్ డ్రాప్ లో రాబోతున్న ఈ మూవీలో సాయి పల్లవి పవర్ ఫుల్ రోల్ పోషించబోతున్నట్లు టాక్.