అల్లు అర్జున్ నుంచి ధనుష్- నయనతార వరకు 2024లో సంచలనం సృష్టించిన 7 వివాదాలు

ఈ సంవత్సరం సినీ పరిశ్రమలో అనేక వివాదాలు చెలరేగాయి, అల్లు అర్జున్ అరెస్ట్ నుండి నయనతార-ధనుష్ వివాదం వరకు, 2024 లో సినిమా వివాదాలు చాలా జరిగాయి వాటిపై ఓ లుక్కేద్దాం. 

పుష్ప 2  సినిమా చూడటానికి అల్లు అర్జున్ ఓ థియేటర్ కువెళ్ళడంతో అక్కడ  తొక్కిసలాట జరిగి ఒక మహిళ మరణించిన ఘటనలో అల్లు అర్జున్ అరెస్టయ్యారు. ప్రస్తుతం ఆయన బెయిల్ పై ఉన్నారు. ఈ విషాదం ఉన్నప్పటికీ, పుష్ప 2 ఈ ఏడాది అత్యధిక వసూళ్లు సాధించిన సినిమాగా నిలిచింది.

పూనమ్ పాండే తన మరణ వార్తను ప్రచారం చేసి తర్వాత అది అవగాహన కల్పించడానికి చేసిన స్టంట్ అని చెప్పి వివాదాస్పదమయ్యారు. ఈ చర్యకు అభిమానులు, ప్రముఖులు, ప్రజల నుండి విస్తృతంగా విమర్శలు వచ్చాయి.

మలయాళ సినిమాలో మహిళలపై వ్యవస్థీకృత వేధింపులు, దుర్వినియోగాన్ని హేమ కమిటీ నివేదిక వెల్లడించింది. మోహన్ లాల్ సహా AMMA సభ్యులందరూ రాజీనామా చేశారు.

నెట్‌ఫ్లిక్స్ సిరీస్ IC 814: ది కాందహార్ హైజాక్ 1999 హైజాక్‌లో ఉగ్రవాదుల మత గుర్తింపులను తక్కువ చేసి చూపించిందనే ఆరోపణలతో వివాదాన్ని రేకెత్తించింది.

తన నెట్‌ఫ్లిక్స్ డాక్యుమెంటరీలో ఉపయోగించడానికి 2015 చిత్రం నానమ్ రౌడీ ధాన్ ఫుటేజీని ధనుష్ బ్లాక్ చేశారని నయనతార ఆరోపించారు. ధనుష్ పరిహారం కోరుతూ లీగల్ నోటీసు పంపారు.

కన్నడ నటుడు దర్శన్ తన అభిమాని రేణుకాస్వామిని హత్య చేసినందుకు అరెస్టయ్యాడు. దర్శన్, పవిత్ర గౌడ తో పాటు  ఏడుగురికి బెయిల్ మంజూరైంది.

దర్శకుడు అట్లీ చర్మం రంగు గురించి జాత్యహంకార వ్యాఖ్యలు చేసినందుకు కపిల్ శర్మ విమర్శలను ఎదుర్కొన్నారు. తరువాత క్షమాపణలు చెప్పారు.