- Home
- Entertainment
- Entertainment News
- తారక్ డ్రీమ్‌ ప్రాజెక్ట్, నాగచైతన్యతో కలిసి ఆ క్లాసిక్‌ మూవీ రీమేక్‌.. చేస్తే రచ్చ రచ్చే
తారక్ డ్రీమ్‌ ప్రాజెక్ట్, నాగచైతన్యతో కలిసి ఆ క్లాసిక్‌ మూవీ రీమేక్‌.. చేస్తే రచ్చ రచ్చే
ఎన్టీఆర్‌ తన డ్రీమ్‌ ప్రాజెక్ట్ ని బయటపెట్టారు. నాగచైతన్యతో కలిసి ఓ క్లాసిక్‌ మూవీని రీమేక్‌ చేయాలని ఉందట. అలాగే తాతగారి సినిమాల్లో ఆ మూవీ రీమేక్‌ చేస్తానని తెలిపారు.
- FB
- TW
- Linkdin
Follow Us
 "నాగచైతన్యతో ఎన్టీఆర్‌ రీమేక్‌ ప్లాన్‌")
నాగచైతన్యతో ఎన్టీఆర్‌ రీమేక్‌ ప్లాన్‌
ఎన్టీఆర్‌ నేడు(మే 20) తన 42వ పుట్టిన రోజుని జరుపుకుంటున్నారు. దీంతో అభిమానుల నుంచి హడావుడి ప్రారంభమయ్యాయి. ఫ్యాన్స్, సినిమా సెలబ్రిటీలు విషెస్‌లు వెల్లువెత్తుతున్నాయి. తారక్ తన పుట్టిన రోజుని తన ఫ్యామిలీతోనే సెలబ్రేట్‌ చేసుకుంటారనే విషయం తెలిసిందే. ఈ సందర్భంగా నాగ చైతన్యతో రీమేక్‌ కి సంబంధించిన ఒక క్రేజీ విషయం బయటకు వచ్చింది.
తాతగారి `దాన వీర శూర కర్ణ` రీమేక్‌ చేయాలనేది డ్రీమ్‌
తారక్ బర్త్ డే సందర్భంగా ఆయనకు సంబంధించిన ఒక ఆసక్తికర విషయం బయటకు వచ్చింది. ఎన్టీఆర్‌ తన డ్రీమ్‌ ప్రాజెక్ట్ లు ప్రకటించారు. తెలుగులో తాను రీమేక్‌ చేయాలనుకుంటున్న సినిమాలేంటో వెల్లడించారు. తాతగారి సినిమాలు రీమేక్‌ చేయాల్సి వస్తే `దానవీర శూర కర్ణ` రీమేక్‌ చేస్తానని, తాతగారిలా చేయడం కష్టం అని, కానీ తనకు ఈ మూవీ రీమేక్‌ చేయాలనేది డ్రీమ్‌ అన్నారు.
నాగ చైతన్యతో `గుండమ్మ కథ` రీమేక్‌ చేయాలనుందన్న తారక్
అంతేకాదు మరో డ్రీమ్‌ని ప్రకటించారు ఎన్టీఆర్‌. మల్టీస్టారర్‌ గురించి వెల్లడించారు. తాతగారు, ఏఎన్నార్‌ గారు కలిసి నటించిన `గుండమ్మకథ`ని కూడా రీమేక్‌ చేయాలని ఉందని ఆయన చెప్పారు. అయితే నాగచైతన్యతో కలిసి ఈ మూవీ రీమేక్‌ చేస్తే బాగుంటుందని, ఇది ఎప్పటికి కుదురుతుందో చూడాలి అన్నారు ఎన్టీఆర్‌. దాదాపు పదేళ్ల క్రితం ఇచ్చిన ఇంటర్వ్యూలో ఈ విషయాలను పంచుకున్నారు.
`ఆర్‌ఆర్‌ఆర్‌`, `దేవర`తో పాన్‌ ఇండియా స్టార్‌ గా ఎన్టీఆర్‌
అప్పటికీ ఇప్పటికీ లెక్కలన్నీ మారిపోయాయి. ఎన్టీఆర్‌ పాన్‌ ఇండియా స్టార్‌ అయ్యారు. `ఆర్‌ఆర్‌ఆర్‌`, `దేవర` చిత్రాలతో ఆయన రేంజ్‌ మారిపోయింది. పాన్‌ ఇండియా చిత్రాలు చేస్తూ దూసుకెళ్తున్నారు. గ్లోబల్‌ స్టార్‌ దిశగా అడుగులు వేస్తున్నారు. ఇటీవల `తండేల్‌` తో విజయాన్ని అందుకున్నారు నాగ చైతన్య. ఇంకా పాన్‌ ఇండియా ఇమేజ్‌ చైతూకి రాలేదు. ఇలాంటి దశలో ఎన్టీఆర్‌, నాగచైతన్య కాంబినేషన్‌లో `గుండమ్మ కథ`రీమేక్‌ సాధ్యమవుతుందా? దాన్ని రీమేక్‌ చేయగలిగే దర్శకులు ఉన్నారా? అనేది ప్రశ్న.
డిజప్పాయింట్‌ చేసిన ప్రశాంత్‌ నీల్‌
ఇక ప్రస్తుతం ఎన్టీఆర్‌.. ప్రశాంత్‌ నీల్‌తో సినిమా చేస్తున్నారు. తన బర్త్ డే సందర్భంగా ఈ మూవీ నుంచి అప్‌ డేట్‌ వస్తుందని అందరు భావించారు. కానీ కేవలం విషెస్‌ పోస్టర్‌ వదిలింది టీమ్‌. దీంతోపాటు హిందీలో `వార్‌ 2`లో నటించారు తారక్. ఈ చిత్రం నుంచి టీజర్‌ వచ్చే అవకాశం ఉంది.
