ఇన్‌స్టాగ్రామ్‌లో మ్యాక్స్‌వెల్ ను బ్లాక్ చేసిన విరాట్ కోహ్లీ - ఆర్సీబీలో ఏం జరుగుతోంది బాసు?

Why Virat Kohli blocked RCB teammate Glenn Maxwell: రన్ మిషన్ విరాట్ కోహ్లీ తన ఆర్సీబీ టీమ్ మేట్ స్టార్ ఆల్ రౌండర్ గ్లెన్ మ్యాక్స్‌వెల్ ను ఇన్‌స్టాగ్రామ్‌లో బ్లాక్ చేశారు. ఆసలు ఏం జరిగింది? మ్యాక్స్ వెల్ ను కోహ్లీ ఎందుకు బ్లాక్ చేశాడు?  

RCB, Virat Kohli, Glenn Maxwell, IPL

రాయల్ ఛాలెంజర్స్ బెంగళూరు (ఆర్సీబీ) జట్టులో రన్ మిషన్ విరాట్ కోహ్లీ, ఆస్ట్రేలియన్ స్టార్ ఆల్ రౌండర్ గ్లెన్ మ్యాక్స్‌వెల్ మంచి స్నేహితులు, సహచరులు. 2021 వేలంలో ఆర్సీబీలో చేరిన తర్వాత మ్యాక్స్‌వెల్ కోహ్లీతో మూడు సీజన్లు కలిసి ఆడాడు. కానీ మొదట్లో వాళ్ళిద్దరి మధ్య అంత మంచి సంబంధం లేదని మ్యాక్స్‌వెల్ తాజాగా పేర్కొనడం వైరల్ గా మారింది.

భారత మాజీ కెప్టెన్, రాయల్ ఛాలెంజర్స్ బెంగళూరు స్టార్ ప్లేయర్ విరాట్ కోహ్లీ ఒకప్పుడు సోషల్ మీడియాలో తనను బ్లాక్ చేశాడని ఆస్ట్రేలియా ఆల్ రౌండర్ గ్లెన్ మాక్స్‌వెల్ వెల్లడించాడు. ఐపీఎల్ 2021 సీజన్‌కు ముందు ఆసీస్ రూ. 14.5 కోట్లకు RCBలో చేరడానికి ముందు మాక్స్‌వెల్ - కోహ్లి మధ్య సంబంధాలు దెబ్బతిన్నాయి.

అయితే, ఆ త‌ర్వాత మ్యాక్స్ వెల్ ఆర్సీబీలోకి వ‌చ్చిన త‌ర్వాత విరాట్ కోహ్లీతో త‌న బంధాన్ని బ‌లంగా చేసుకున్న‌ప్ప‌టి నాలుగేళ్ల నాటి విష‌యాన్ని తాజాగా ప్ర‌స్తావించ‌డంతో వైర‌ల్ గా మారాయి. మ్యాక్స్ వెల్ తాజాగా మాట్లాడుతూ.. "2021 వేలంలో 14.25 కోట్లకు రాయల్ ఛాలెంజర్స్ బెంగళూరులో (ఆర్సీబీ) చేరినప్పుడు నాకు శుభాకాంక్షలు చెప్పిన వారిలో విరాట్ కోహ్లీ ఒకరు. ఆ తర్వాత మేము చాలాసార్లు మాట్లాడుకున్నాం. కానీ ఆర్సీబీ శిబిరానికి వచ్చిన తర్వాత ఇన్‌స్టాగ్రామ్‌లో కోహ్లీని ఫాలో అవ్వాలని చూస్తే కనిపించలేదని" తెలిపాడు.    

అది గమనించిన తాను విరాట్ కోహ్లీ సోషల్ మీడియా ఎక్కువగా వాడరని అనుకున్నానని చెప్పాడు. "అప్పుడే ఎవరో నాతో ఆయన మిమ్మల్ని బ్లాక్ చేసి ఉంటారని చెప్పారు. అలా జరుగుతుందని నేను అనుకోలేదు. సరే, నేను ఆయన్ని నేరుగా అడిగా, మీరు నన్ను ఇన్‌స్టాగ్రామ్ లో బ్లాక్ చేశారా?" అని. దానికి కోహ్లీ అవును అని చెప్పారని పేర్కొన్నాడు. ఇలా ఎందుకు అనే విషయాన్ని కూడా ప్రస్తావించారు. 

2017 రాంచీ ఘటన

2017లో ఆస్ట్రేలియా భారత్ పర్యటనలో రాంచీ టెస్టులో కోహ్లీ ఫీల్డింగ్ చేస్తున్నప్పుడు కిందపడి భుజానికి గాయమైంది. గాయం కారణంగా కోహ్లీ ఆ టెస్టులో రెండు రోజులు ఫీల్డింగ్‌కు రాలేదు. రాంచీలో జరిగిన ఈ ఘటన 2017 BGT సిరీస్‌లో మూడో టెస్టులో మాక్స్‌వెల్ తొలిరోజు భుజానికి గాయమైన కోహ్లిని ఎగతాళి చేశాడు. మాక్స్‌వెల్ తన తొలి టెస్ట్ సెంచరీని సాధించిన తర్వాత మైదానంలోకి తిరిగి వచ్చినప్పుడు అతను తన కుడి భుజాన్ని పట్టుకుని అప్పటి భారత కెప్టెన్‌పై విరుచుకుపడ్డాడు. భారత్-ఆస్ట్రేలియా ఆటగాళ్ల మధ్య అనేక ఆన్-ఫీల్డ్ క్లాసెస్‌తో కూడిన సిరీస్‌ ఇది ఒకటి.

"అందుకే నేను నిన్ను బ్లాక్ చేశానని" కోహ్లీ చెప్పాడు. 'కోహ్లీ సమాధానం విని నేను షాక్ అయ్యా. తర్వాత ఆలోచిస్తే, కోహ్లీ చేసింది కరెక్టే అనిపించింది. కానీ ఆ మాటల తర్వాత ఆయన నన్ను అన్‌బ్లాక్ చేశాడు' అని మ్యాక్స్ వెల్ పేర్కొన్నాడు. 

"అవును నేను నిన్ను బ్లాక్ చేశాను. ఆ టెస్టు మ్యాచ్‌లో మీరు నన్ను వెక్కిరించినప్పుడే అది చేశాను. నాకు చాలా కోపం వచ్చింది. అందుకే మిమ్మల్ని బ్లాక్ చేయాలని నిర్ణయించుకున్నాను అని కోహ్లీ చెప్పారు. అవును దానిని మీరు చేసింది కరక్టే.. అయితే, ఇప్పుడు మీరు నన్ను అన్‌బ్లాక్ చేయండి  అనడంతో నన్ను అన్ బ్లాక్ చేశారు. ఆ ఘటన తర్వాత మేము గొప్ప స్నేహితులమయ్యాము" అని మాక్స్‌వెల్ తెలిపారు.

అలాగే, "ఇది ఒక చిన్న సైడ్ నోట్‌గా ఉండటం మంచి చిన్న కథ, కానీ మేము కలిసి ఐపీఎల్ ఆడటానికి దారితీసిన చాలా ఫన్నీ సంబంధాన్ని కలిగి ఉన్నాము. ఆ డ్రెస్సింగ్ రూమ్‌ను పంచుకోవడం, అనుభవాలను పంచుకోవడం, తల్లిదండ్రులు అవ్వడం ఇలా చాలా విష‌యాలు మేము పంచుకున్నాము. మంచి స్నేహితులుగా, ధైర్యవంతులుగా ఉన్నాము. మైదానంలో ఒకరినొకరు కష్టపడతాము. మేము అన్నింటికీ ముందు, మధ్యలో ఉన్నాము" అని చెప్పాడు.