Bashir Ahmad: పాక్‌లో పుట్టాడు.. తాలిబాన్ల రాజ్యంలో సత్తా చాటాడు.. 20 ఏళ్ల ఈ చిచ్చరపిడుగు ఎవరంటే.?

Bashir Ahmad: ఓ ఆటగాడు పాకిస్తాన్‌లో పుట్టి.. ఆఫ్ఘనిస్తాన్ వెళ్లాడు. అక్కడ తాలిబాన్ల రాజ్యంలో తన సత్తా చాటాడు. అంతేకాదు జాతీయ జట్టులో చోటు సంపాదించింది. పాక్‌కు వ్యతిరేకంగా ఆడేందుకు సిద్దమయ్యాడు. అతడెవరో తెలుసా.? 

Image Credit : ACB Twitter

పాక్‌లో జననం.. ఆఫ్ఘన్‌తో ఎంట్రీ

పాకిస్తాన్‌లోని బలూచిస్తాన్‌లో పుట్టిన ఓ యువ ఆటగాడు.. ఇప్పుడు ఆఫ్ఘనిస్తాన్ క్రికెట్ జట్టు తరపున అంతర్జాతీయ అరంగేట్రం చేశాడు. టీ20లతో పాటు వన్డేలలోకి కూడా ఎంట్రీ ఇచ్చాడు. 20 ఏళ్ల ఈ ఆటగాడు మరెవరో కాదు.. బషీర్ అహ్మద్. డొమెస్టిక్ క్రికెట్‌లో తన సత్తా చాటుకుని.. జాతీయ జట్టులో చోటు సంపాదించాడు.

Image Credit : ACB Twitter

జాతీయ జట్టుకు ఎంపిక

ఇటీవల ఆఫ్ఘనిస్తాన్, బంగ్లాదేశ్ మధ్య జరుగుతోన్న సిరీస్‌కు ఎంపికయ్యాడు. టీ20లతో పాటు వన్డే సిరీస్‌కు కూడా సెలెక్ట్ అయ్యాడు. పాకిస్తాన్ నుంచి ఆఫ్ఘన్‌కు వచ్చిన ఈ ఆటగాడు అంతర్జాతీయ క్రికెట్ ప్రయాణం చాలా ఆసక్తికరంగా సాగింది.

Image Credit : ACB Twitter

చిన్నప్పటి నుంచి కలలు..

ఆఫ్ఘనిస్తాన్ తరఫున అరంగేట్రం చేసిన బషీర్ అహ్మద్.. 2005లో పాకిస్తాన్‌లోని బలూచిస్తాన్‌లో జన్మించాడు. చిన్నప్పటి నుంచే క్రికెటర్ కావాలనే కలలు కన్నాడు. జూనియర్ సర్క్యూట్‌లో పాకిస్తాన్ తరపున ఆడాడు. ఆ సమయంలోనే అతడొక కీలక నిర్ణయం తీసుకున్నాడు.

Image Credit : ACB Twitter

బలూచిస్తాన్ ఆటగాళ్ళ వివక్షత..

నిజానికి, ఆ సమయంలో పాకిస్తాన్ క్రికెట్ బోర్డు చేతిలో బలూచిస్తాన్ ఆటగాళ్ళు వివక్షతను ఎదుర్కుంటున్నారు. అతడు 17 సంవత్సరాలు వయస్సు రాగానే పాకిస్తాన్‌ను విడిచిపెట్టాలని నిర్ణయం తీసుకున్నాడు. ఆ వెంటనే ఆఫ్ఘనిస్తాన్‌కు వలస వెళ్లిపోయాడు. అక్కడ తన ప్రయాణాన్ని సరికొత్తగా ఆరంభించాడు. ఆఫ్ఘనిస్తాన్ క్రికెట్ బోర్డు కూడా అతని ప్రతిభను గుర్తించి జాతీయ జట్టులో అతనికి స్థానం కల్పించింది.

Image Credit : ACB Twitter

ఆఫ్ఘనిస్తాన్ తరపునఎంట్రీ..

ఆఫ్ఘనిస్తాన్ అండర్-19 జట్టులో సభ్యుడిగా మారిన బషీర్ అహ్మద్.. మంచి ప్రదర్శన కనబరిచాడు. అలాగే డొమెస్టిక్ క్రికెట్‌లోనూ రాణించాడు. ఆ పెర్ఫార్మన్స్‌లు ఆధారంగా బంగ్లాదేశ్ సిరీస్‌కు ఎంపిక అయ్యాడు. ఆఫ్ఘనిస్తాన్ తరపున కేవలం ఒక్క టీ20ఐ మాత్రమే ఆడగా.. అందులో ఒక్క వికెట్ తీయలేకపోయాడు. కానీ పొదుపైన బౌలింగ్ చేసి ఆకట్టుకున్నాడు. బషీర్ అహ్మద్ ఇప్పటివరకు 12 ఫస్ట్-క్లాస్ మ్యాచ్‌లు, 5 లిస్ట్-ఎ మ్యాచ్‌లు ఆడాడు. అతను ఫస్ట్-క్లాస్ మ్యాచ్‌లలో 60 వికెట్లు, లిస్ట్-ఎలో 4 వికెట్లు పడగొట్టాడు. అలాగే 20 T20 మ్యాచ్‌లలో 16 వికెట్లు పడగొట్టాడు.