అది లేనప్పుడు ఎంత వేగంగా బౌలింగ్ వేసి ఏం లాభం... ఉమ్రాన్ మాలిక్ బౌలింగ్‌పై ఇషాంత్ శర్మ...
ఐపీఎల్‌లో 150+ కి.మీ.ల వేగంతో బౌలింగ్ చేసి మెరుపు వేగంతో టీమిండియాలోకి దూసుకొచ్చాడు ఉమ్రాన్ మాలిక్. ఇప్పటికే వన్డేల్లో, టీ20ల్లో టీమిండియా తరుపున అత్యంత వేగంగా బౌలింగ్ చేసిన బౌలర్‌గా రికార్డులు క్రియేట్ చేసేశాడు ఈ జమ్మూ కశ్మీర్ బౌలర్.. టీమిండియా తరుపున 8 వన్డేలు, 8 టీ20 మ్యాచులు ఆడిన ఉమ్రాన్ మాలిక్, ఓవరాల్‌గా 24 వికెట్లు తీశాడు..
వన్డేల్లో 6.45 ఎకానమీతో బౌలింగ్ చేస్తున్న ఉమ్రాన్ మాలిక్, టీ20ల్లో అయితే ఏకంగా 10.48 ఎకానమీతో పరుగులు సమర్పిస్తున్నాుడ. సన్‌రైజర్స్ హైదరాబాద్ నుంచి వెలుగులోకి వచ్చిన ఉమ్రాన్ మాలిక్‌పై సంచలన వ్యాఖ్యలు చేశాడు టీమిండియా వెటరన్ ఫాస్ట్ బౌలర్ ఇషాంత్ శర్మ...
Umran Malik
‘ఉమ్రాన్ మాలిక్ బంతి ఎక్కడ పడుతుందనే విషయంపై పెద్దగా దృష్టి పెట్టడం లేదు. అయితే అనుభవంతో ఆ విషయాన్ని అతను తెలుసుకోగలుగుతాడు. 150- 160 కి.మీ.ల వేగంతో బౌలింగ్ చేసే బౌలర్, తన వేగంపైనే ఎక్కువ దృష్టి పెడతాడు. పెట్టాలి కూడా...
Image credit: PTI
వేగంగా బౌలింగ్ చేయడం వల్ల బ్యాటర్లకు పని తక్కువ అవుతుంది. బలంగా కొట్టాల్సిన అవసరం లేకుండానే టచ్ చేసి బౌండరీలు రాబట్టవచ్చు. అందుకే ఎక్కువగా పరుగులు ఇచ్చేస్తున్నానని ఉమ్రాన్ మాలిక్ ఫీల్ అవ్వాల్సిన పని లేదు. అయితే బ్యాటర్లు భయంతో కళ్లు మూసుకోకపోతే ఎంత బౌలింగ్ చేసినా ఏం లాభం...
కాబట్టి అతనికి అలాంటి నమ్మకం ఇవ్వాలి. నీ బౌలింగ్‌లో ఆడాలంటే బ్యాటర్లు భయపడి కళ్లు మూసుకుంటున్నారని చెప్పాలి. ఇలాంటి మాటలు అతన్ని మరింత ఉత్సాహపరుస్తాయి. వికెట్లని టార్గెట్ చేస్తూ బంతులు విసిరేలా అతన్ని ఉసిగొల్పుతాయి.. ’ అంటూ కామెంట్ చేశాడు టీమిండియా సీనియర్ ఫాస్ట్ బౌలర్ ఇషాంత్ శర్మ...
Umran Malik
పాకిస్తాన్ మాజీ ఫాస్ట్ బౌలర్ షోయబ్ అక్తర్ కూడా ఉమ్రాన్ మాలిక్ బౌలింగ్‌పై ప్రశంసలు గుప్పించాడు.. ‘నేను బౌలింగ్ చేయడానికి 26 గజాలు పరుగెడతాను. కానీ ఉమ్రాన్ మాలిక్ 20 గజాలే పరుగెడతాడు. అతను 26 గజాల దూరం వెళ్లాలంటే అతని ఫిట్‌నెస్ మరింత పెరగాలి. మరింత ధృడమైన కండరాలు పెంచాలి. అయితే అతనికి ఇంకా పెద్ద అనుభవం లేదు.. అన్నీ నేర్చుకుంటాడు...
అతనికి ఎలాంటి సాయం కావాలన్నా అందించేందుకు నేను సిద్ధంగా ఉన్నా. అతను నా రికార్డును బ్రేక్ చేయాలని అనుకుంటే చేసేయ్.. 20 ఏళ్లుగా ఆ రికార్డును ఎవ్వరూ టచ్ చేయలేకపోయారు. వరల్డ్ ఫాస్టెస్ట్ డెలివరీ రికార్డును బ్రేక్ చేసిన బౌలర్‌ని నేను హగ్ చేసుకుని, కిస్ చేస్తా...
Umran Malik-Shoaib Akhtar
ఉమ్రాన్ మాలిక్ చాలా చక్కగా బౌలింగ్ చేస్తున్నాడు. అతని రన్నప్ కూడా చాలా బాగుంది. ఆర్మ్ స్పీడ్ చక్కగా ఉంది. అయితే కొన్ని మెలకువలు చాలా నిష్టగా నేర్చుకోవాలి, ధైర్యంగా బౌలింగ్ చేయగలగాలి. బౌలింగ్‌లో ఎక్కువ పరుగులు వస్తున్నాయని నిరాశపడకూడదు..
స్పీడ్ తగ్గించకూడదు. ప్రతీ బంతిని మరింత వేగంగా వేయాలనే చూడాలి. అప్పుడే సక్సెస్ అవుతాడు. ఫీల్డ్‌లోకి వెళ్లాక బాల్ ఓనర్‌వి నువ్వే. అది ఎలా వెళ్లాలో డిసైడ్ చేయాల్సింది నువ్వే.. అలా చేయాలంటే నీకు మరింత ప్రాక్టీస్ కావాలి...’ అంటూ కామెంట్ చేశాడు పాక్ మాజీ ఫాస్ట్ బౌలర్ షోయబ్ అక్తర్..
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
