కోహ్లీ, హార్ధిక్ పాండ్యా... ప్రోటోకాల్ ఉల్లంఘించారా?... హడావుడి చేస్తున్న ఆసీస్ మీడియా...

ఈ ఇద్దరూ ఆస్ట్రేలియాలో షాపింగ్ చేస్తున్న ఫోటోలు, అప్పుడే బయటికి వచ్చాయి. అప్పుడు ఆస్ట్రేలియా వీటిని అస్సలు పట్టించుకోలేదు...

బాక్సింగ్ డే విజయం తర్వాత ఈ ఫోటోలను చూపిస్తూ... భారత ఆటగాళ్లు ఆస్ట్రేలియాలో కోవిద్ నిబంధనలను పట్టించుకోవడం లేదని తెగ హడావుడి చేస్తోంది...

బేబీ కేర్ స్టోర్‌లో విరాట్ కోహ్లీ, హార్దిక్ పాండ్యా ఇద్దరూ మాస్కులు ధరించకుండా ఫోటోలను ఫోజిలిచ్చారు... దీంతో ఈ ఇద్దరూ ప్రోటోకాల్‌ను ఉల్లంఘించి నడుచుకున్నారని ఓ పత్రిక కథనం ప్రచురించింది.

అంతేకాకుండా ఆడిలైడ్‌లో కొందరు భారత ఆటగాళ్లు ప్రొటోకాల్‌కి విరుద్ధంగా నడుచుకున్నారని కూడా ఈ కథనంలో రాసుకొచ్చింది...

రెడ్ జోన్‌లో ఉన్న ‘వాఫెల్ అండ్ కాఫీ’ అనే రెస్టారెంట్‌కి కొందరు భారత ఆటగాళ్లు వెళ్లారని, అక్కడ బయట టేబుల్ మీద కూర్చుని ఆరగించారని ఈ కథనంలో పేర్కొంది...

రోహిత్ శర్మ, రిషబ్ పంత్, శుబ్‌మన్ గిల్, నవ్‌దీప్ సైనీ, పృథ్వీషా కలిసి న్యూఇయర్ రోజున ఇలా పార్టీకి వెళ్లడం హాట్ టాపిక్ అయిన సంగతి తెలిసిందే.

ఈ ఐదుగురు క్రికెటర్లను ప్రత్యేకంగా ఐసోలేషన్‌కి తరలించడమే కాకుండా కరోనా పరీక్షలు కూడా చేశారు. కరోనా టెస్టులో నెగిటివ్ రావడంతో అంతా ఊపిరి పీల్చుకున్నారు.

ఇంతా చేసి, ఈ రెస్టారెంట్‌కి వెళ్లేందుకు టీమిండియాకి అనుమతి ఉందని తేలింది. మూడో టెస్టుకి ముందు రోహిత్ శర్మ అండ్ కో ఆత్మవిశ్వాసం దెబ్బ తీసేందుకే ఇలాంటి కథనాలు రాసుకొస్తున్నారని టీమిండియా ఫ్యాన్స్ ఆవేదన వ్యక్తం చేస్తున్నారు.