2018 నుంచి 2024 వరకు ఐపీఎల్ ఆడుతున్న టాప్-5 ప్లేయర్లు వీరే..
IPL 2024: ఇప్పటివరకు ఐపీఎల్ 16 సీజ‌న్లు పూర్తి చేసుకుని 17వ సీజన్ లోకి అడుగుపెడుతోంది. అయితే, ఐపీఎల్ ప్రారంభం నుంచి ఇప్పటివరకు అంటే 2008 నుంచి 2024 వరకు మహేంద్ర సింగ్ ధోని వంటి అనుభవజ్ఞులైన వెటరన్‌ల నుండి విరాట్ కోహ్లీ వంటి వర్ధమాన స్టార్‌ల వరకు.. ప‌లువురు ఆటగాళ్లు ఇప్ప‌టికీ ఐపీఎల్ లో ఆడుతున్నారు. ఆ టాప్-5 ప్లేయ‌ర్ల వివ‌రాలు గ‌మ‌నిస్తే..
Virat, Dhoni, Rohit
మహేంద్ర సింగ్ ధోని
ఐపీఎల్ తొలి సీజన్‌లో చెన్నై సూపర్ కింగ్స్‌కు మహేంద్ర సింగ్ ధోనీ కెప్టెన్‌గా వ్యవహరించాడు. ఆ సీజన్‌లో జట్టు ఫైనల్‌కు చేరుకుంది, అయితే షేన్ వార్న్ నేతృత్వంలోని రాజస్థాన్ రాయల్స్ చేతిలో ఓటమిని చవిచూడాల్సి వచ్చింది. అప్పటి నుంచి ధోని చెన్నై సూపర్ కింగ్స్ టీమ్ లో కొనసాగుతున్నాడు. అయితే మ‌ధ్య‌లో 2 సీజన్లలో రైజింగ్ పూణె సూపర్‌జెయింట్‌కు ఆడాడు. మహేంద్ర సింగ్ ధోని కెప్టెన్సీలో చెన్నై సూపర్ కింగ్స్ ఐదుసార్లు ఐపీఎల్ టైటిల్‌ను గెలుచుకుంది.
Rohit Sharma
రోహిత్ శర్మ
రోహిత్ శర్మ 2008లో ఐపీఎల్ అరంగేట్రం చేశాడు. ఆ సీజన్‌లో ద‌క్కన్ ఛార్జర్స్ హైదరాబాద్‌లో భాగంగా ఉన్నాడు. ఆ తర్వాత 2011లో రోహిత్ శర్మ ముంబై ఇండియన్స్‌లో చేరాడు. ఇప్పటి వరకు రోహిత్ శర్మ కెప్టెన్సీలో ముంబై ఇండియన్స్ 5 సార్లు ఐపీఎల్ టైటిల్ గెలుచుకుంది. రోహిత్ శర్మ 243 ఐపీఎల్ మ్యాచ్‌ల్లో 29.58 సగటుతో 130.05 స్ట్రైక్ రేట్‌తో 6211 పరుగులు చేశాడు.
విరాట్ కోహ్లీ
ఐపీఎల్ తొలి సీజన్ నుంచి ఆడుతున్న ఆటగాళ్ల జాబితాలో విరాట్ కోహ్లీ కూడా ఉన్నాడు. విరాట్ కోహ్లీ ఐపీఎల్ 2008 నుండి రాయల్ ఛాలెంజర్స్ బెంగళూరులో భాగంగా ఉన్నాడు. ఇప్పటివరకు విరాట్ కోహ్లీ ఐపీఎల్ లో 237 మ్యాచ్‌లు ఆడాడు. కోహ్లీ 130.02 స్ట్రైక్ రేట్‌తో 37.25 సగటుతో 7263 పరుగులు చేశాడు.
Image credit: Getty
దినేష్ కార్తీక్
దినేష్ కార్తీక్ ఐపీఎల్ 2008లో కింగ్స్ 11 పంజాబ్ (పంజాబ్ కింగ్స్)లో భాగంగా ఉన్నాడు. అప్పటి నుండి, అతను వివిధ జట్ల కోసం 16 సీజన్లలో నిరంతరం ఆడాడు. దినేష్ కార్తీక్ ఇప్పటివరకు పంజాబ్, ఢిల్లీ, ముంబై ఇండియన్స్, కోల్‌కతా నైట్ రైడర్స్, రాయల్ ఛాలెంజర్స్ బెంగళూరు జట్లకు ఆడాడు. దినేష్ కార్తీక్ 242 ఐపీఎల్ మ్యాచ్‌ల్లో 4516 పరుగులు చేశాడు.
శిఖర్ ధావన్
శిఖర్ ధావన్ ఐపీఎల్ 2008లో ముంబై ఇండియన్స్‌లో భాగంగా ఉన్నాడు. ఆ తర్వాత, ఢిల్లీ క్యాపిటల్స్‌లో భాగమయ్యాడు. శిఖర్ ధావన్ ముంబై ఇండియన్స్, ఢిల్లీ క్యాపిటల్స్, సన్‌రైజర్స్ హైదరాబాద్‌కు ఆడాడు. ప్రస్తుతం పంజాబ్ కింగ్స్ కెప్టెన్‌గా కొనసాగుతున్నాడు. ధావన్ 217 ఐపీఎల్ మ్యాచ్‌ల్లో 35.19 సగటుతో 127.16 స్ట్రైక్ రేట్‌తో 6616 పరుగులు చేశాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
