యంగ్ క్రికెటర్ అభిషేక్ శర్మ పడిచచ్చే తెలుగు హీరో.. ఎవరో తెలుసా..?
అభిషేక్ శర్మ.. కోట్లాది మంది అభిమానులను కలిగిన ఇండియన్ క్రికెటర్. అలాంటి వ్యక్తి ఓ తెలుగు హీరోకు వీరాభిమాని అట. ఈ యంగ్ క్రికెటర్ ఇష్టపడే ఈ హీరో ఎవరో తెలుసా?
అభిషేక్ శర్మకు తెలుగుపై అభిమానం
Abishek Sharma : ధనాధన్ క్రికెట్ నే చాలామంది ఇష్టపడుతుంటారు... అందుకే టీ20 ఫార్మాట్ ఈస్థాయిలో హిట్ అయ్యింది. అలాంటిది టీ20 స్పెషలిస్ట్ బ్యాటర్ అంటే ఏస్థాయిలో ఫాలోయింగ్ ఉంటుందో అర్థం చేసుకోవచ్చు. ఇలా అతి తక్కువ సమయంలోనే తన ధనాధన్ బ్యాటింగ్ తో గొప్ప క్రికెటర్ గా మారాడు టీమిండియా ప్లేయర్ అభిషేక్ శర్మ. క్రికెట్ ప్రియుల మనసులు దోచుకున్న ఈ యంగ్ క్రికెటర్ ఓ తెలుగు హీరోకు వీరాభిమాని. అతడంటే పడిచస్తాడు. అభిషేక్ ఇంతలా ఇష్టపడే ఆ హీరో ఎవరో తెలుసా..?
అభిషేక్ శర్మ అభిమాన హీరో ఎవరంటే..
పంజాబ్ కు చెందిన అభిషేక్ శర్మ ఇండియన్ ప్రీమియర్ లీగ్ (IPL) లో తెలుగు టీం సన్ రైజర్స్ హైదరాబాద్ తరపున ఆడతాడు. ఇదే అతడికి తెలుగు సినిమాలను పరిచయం చేసింది.. కోట్లాదిమంది అభిమానులను కలిగిన అతడిని ఓ తెలుగు హీరోను అభిమానించేలా చేసింది. తెలుగు సినిమాలను ఇష్టపడే అభిషేక్ సూపర్ స్టార్ మహేష్ బాబు అంటే పడిచస్తారట. అతడి అందం, నటన తనను కట్టిపడేస్తాయని SRH ప్రాంచైజీ నిర్వహించిన ఓ ఇంటర్వ్యూలో స్వయంగా అభిషేక్ వెల్లడించారు.
అభిషేక్ కు ఇష్టమైన సినిమా తెలుగే...
అభిమాన హీరో మాత్రమే కాదు ఇటీవల కాలంలో బాగా నచ్చిన సినిమా కూడా టాలీవుడ్ దే అని అభిషేక్ వెల్లడించారు. పాన్ ఇండియా లెవెల్లో సంచలనం సృష్టించిన 'పుష్ఫ' సినిమా ఎంతగానో నచ్చిందని... ఇందులో అల్లు అర్జున్ యాక్టింగ్ కట్టిపడేసిందని తెలిపాడు. ముఖ్యంగా ఈ సినిమాలో హీరో మేనరిజమ్ ఎంతగానో నచ్చిందని.. అందుకే మైదానంలో కూడా దాన్ని అనుకరించినట్లు తెలిపాడు.
తెలుగుతో అభిషేక్ కు అనుబంధం...
సన్ రైజర్స్ హైదరాబాద్ టీంలో ఆడటంతో తెలుగుతో తనకు ప్రత్యేక అనుబంధం ఏర్పడిందని అభిషేక్ శర్మ చెబుతుంటాడు. తెలుగు సినిమాలు, హీరోలే కాదు ఇక్కడి ప్రజలు, సంస్కృతి సాంప్రదాయాలన్నా తనకెంతో ఇష్టమట. అందుకే తన సహచర క్రికెటర్లు నితీష్ రెడ్డి, తిలక్ వర్మ సాయంతో తెలుగు డైలాగ్స్ నేర్చుంటానని అన్నారు. తెలుగు ప్రజల వంటకాలు కూడా తనకెంతో ఇష్టమని అభిషేక్ శర్మ వెల్లడించాడు.
తెలుగు టీం వల్లే అభిషేక్ కు గుర్తింపు...
అభిషేక్ వర్మ క్రీజులోకి వస్తున్నాడంటేనే ప్రత్యర్థులు భయపడే పరిస్థితి.. అతడు జూలు విదిల్చాడో ప్రత్యర్థులకు దబిడిదిబిడే. ఇటీవల న్యూజిల్యాండ్ తో జరిగిన టీ20 సీరిస్ లో అభిషేక్ శర్మ విశ్వరూపం చూపించాడు... ఓ మ్యాచ్ లో అయితే కేవలం 14 బంతుల్లోనే హాఫ్ సెంచరీ చేసి సత్తాచాటాడు. ఈ సీరిస్ తర్వాత అభిషేక్ శర్మ పేరు వరల్డ్ వైడ్ ఫేమస్ అయ్యింది.
అయితే అభిషేక్ శర్మలోని విధ్వంసకర ఆటగాడిని ముందుగా గుర్తించింది తెలుగు టీం. అతడికి ఐపిఎల్ లో ఓపెనర్ గా అవకాశం ఇచ్చింది సన్ రైజర్స్ హైదరాబాద్... తనను తాను నిరూపించుకునేందుకు ఇది ఉపయోగపడింది. ఐపిఎల్ లో అదరగొట్టి టీమిండియా సెలెక్టర్ల కంట్లో పడ్డాడు అభిషేక్... దీంతో అతడికి టీమిండియా జెర్సీ ధరించే అవకాశం దక్కింది. అద్భుతమైన ఆటతీరుతో టీమిండియాలో తన స్థానాన్ని సుస్థిరం చేసుకున్నాడు.
