ఆ నలుగురి బౌలింగ్‌లో ఇబ్బంది పడ్డా... అతని పేస్ నిద్రపట్టనివ్వలేదు: రోహిత్
తన కెరీర్‌లో తనను ఇబ్బంది పెట్టిన బౌలర్ ఆసీస్ మాజీ స్పీడ్ స్టార్ బ్రెట్‌లీనే అన్నాడు టీమిండియా ఓపెనర్ రోహిత్ శర్మ. స్టార్ స్పోర్ట్స్ నిర్వహించే క్రికెట్ కనెక్ట్ కార్యక్రమంలో భాగంగా భారత పేసర్ మొహమ్మద్ షమితో ఇన్‌స్టాగ్రామ్‌ లైవ్‌ ఛాట్‌లో రోహిత్ ఈ విషయాలను పంచుకున్నాడు.
తాను ఎదుర్కొన్న నలుగురు అత్యుత్తమ బౌలర్లను ఈ సందర్భంగా రోహిత్ వెల్లడించాడు. 2007లో తాను మొదటిసారి ఆస్ట్రేలియా పర్యటనకు వెళ్లామని ఆ సమయంలో 150 కిలోమీటర్ల వేగంతో బంతులేసే బ్రెట్‌లీ ఎలా ఎదుర్కోవాలో తెలియక ముందురోజు రాత్రంతా నిద్రపట్టలేదన్నాడు.
ఆ రోజుల్లో ప్రపంచంలోనే అత్యంత వేగంగా బంతులు వేసే బ్రెట్‌లీని తలచుకుంటూ... అతని బౌలింగ్ వీడియోలు చూస్తూ ఉండిపోయానని రోహిత్ వెల్లడించాడు. ఇలాంటి వేగాన్ని ఎదుర్కోబోతున్న నాలాంటి యువకుడి ఆలోచన తన నిద్రను తరిమేసిందని హిట్ మ్యాన్ గుర్తుచేసుకున్నాడు.
అలాగే ఇద్దరు మాజీ బౌలర్లయిన బ్రెట్‌లీ, స్టెయిన్‌లను ఎదుర్కోవడానికి ఎప్పుడూ ఇష్టపడలేదని రోహిత్ చెప్పాడు. స్టెయిన్ పేస్, స్వింగ్‌ను ఒకే సమయంలో ఆడటం ఓ పీడకలగా అభిప్రాయపడ్డాడు.
వారిద్దరితో పాటు దక్షిణఫ్రికాకు చెందిన కాగిసో రబాడా, ఆస్ట్రేలియా పేసర్ హేజిల్‌వుడ్‌లను ఎదుర్కోనేందుకు తీవ్రంగా ఇబ్బంది పడినట్లు రోహిత్ చెప్పాడు. హేజిల్‌వుడ్ అత్యంత కట్టుదిట్టంగా బౌలింగ్ చేస్తాడు. క్రమశిక్షణ కలిగిన అతని బౌలింగ్ లెంగ్త్ మిస్సవ్వదని హిట్‌మ్యాన్ ప్రశంసించాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
