సెంచరీలు చేసి, మీ రికార్డులు పెంచుకోవడానికి తప్ప, ఈ సిరీస్ ఎందుకు పనికి రాదు.. - సునీల్ గవాస్కర్

ఐసీసీ వరల్డ్ టెస్టు ఛాంపియన్‌షిప్ ఫైనల్‌లో ఓడిన టీమిండియా, వచ్చే నెలలో వెస్టిండీస్ పర్యటనకు బయలుదేరి వెళ్లనుంది. ఈ పర్యటనలో రెండు టెస్టులు, మూడు వన్డేలు, ఐదు టీ20 సిరీస్‌లు ఆడబోతోంది భారత జట్టు...

Rohit Sharma

టెస్టు, వన్డే సిరీస్‌లకు జట్లను ప్రకటించిన బీసీసీఐ, టెస్టు సిరీస్ ముగిసిన తర్వాత టీ20 సిరీస్‌ టీమ్‌ని వెస్టిండీస్‌కి పంపనుంది. ఈ సిరీస్ వల్ల ఎలాంటి ప్రయోజనం లేదంటున్నాడు టీమిండియా మాజీ క్రికెటర్, కామెంటేటర్ సునీల్ గవాస్కర్..

‘వెస్టిండీస్ ఇప్పుడు మునుపటిలా లేదు. గత రెండు దశాబ్దాల్లో వారి పర్ఫామెన్స్ ఏ మాత్రం బాగోలేదు. ప్రస్తుతం వాళ్లు జింబాబ్వేలో వన్డే వరల్డ్ కప్‌కి అర్హత సాధించడానికి క్వాలిఫైయర్స్ ఆడుతున్నారు. ఇంతకుముందు రెండు సార్లు వన్డే వరల్డ్ కప్ గెలిచిన టీమ్‌కి ఏ పరిస్థితి పట్టిందో అర్థం చేసుకోవచ్చు..

Rohit Sharma-Gavaskar

అలాంటి టీమ్‌పై సీనియర్లను సెలక్ట్ చేయడం అర్థం లేని విషయం. వరల్డ్ టెస్టు ఛాంపియన్‌షిప్ ఫైనల్స్‌లో ఫెయిల్ అయిన సీనియర్లు, వెస్టిండీస్ టూర్‌లో సెంచరీలు చేసి తాము మొనగాళ్లం అని, ఫామ్‌లో ఉన్నామని నిరూపించుకోవడానికే ఈ సిరీస్ పెట్టినట్టు ఉంది..

Kohli-Rahane

వెస్టిండీస్‌లో సెంచరీలు చేసినా, వికెట్ల మీద వికెట్లు తీసుకున్నా అవి మీ వ్యక్తిగత గణాంకాలు మెరుగుపర్చుకోవడానికి తప్ప ఎందుకూ పనికి రావు. వచ్చే ఆరు నెలలు టీమిండియా యమా బిజీగా గడపబోతోంది..

అందుకని రోహిత్ శర్మ, విరాట్ కోహ్లీ, రవీంద్ర జడేజా వంటి సీనియర్లకు వెస్టిండీస్ టూర్ నుంచి విశ్రాంతి కలిగించి ఉంటే బాగుండేది. వారి స్థానంలో కుర్రాళ్లకు అవకాశం ఇచ్చి ఉంటే సరిపోయేది... వరల్డ్ కప్‌ మీద ఫోకస్ పెట్టకుండా ఈ సిరీస్‌లు ఎందుకు?’ అంటూ కామెంట్ చేశాడు టీమిండియా మాజీ క్రికెటర్, కామెంటేటర్ సునీల్ గవాస్కర్..