అర్జున్, ఐపీఎల్ ఎంట్రీపై సారా టెండూల్కర్ రియాక్షన్ ఇది... గిల్, అర్జున్ ఎదురుపడితే ఎలాగమ్మా...

First Published Feb 20, 2021, 9:41 AM IST

‘క్రికెట్ గాడ్’ సచిన్ టెండూల్కర్ కొడుకు అర్జున్ టెండూల్కర్‌ని ఐపీఎల్ వేలం 2021లో ముంబై ఇండియన్స్ కొనుగోలు చేసిన విషయం తెలిసిందే. వేలంలో ఆఖరిగా అమ్ముడుపోయిన ప్లేయర్ అర్జున్ టెండూల్కర్‌యే. రూ.20 లక్షల బేస్ ప్రైజ్‌కి అర్జున్ టెండూల్కర్‌ని కొనుగోలు చేసింది ముంబై ఇండియన్స్...

తమ్ముడు అర్జున్ టెండూల్కర్‌, ఐపీఎల్ ఎంట్రీపై ఇన్‌స్టాగ్రామ్ వేదికగా స్పందించింది సారా టెండూల్కర్... ముంబై ఇండియన్స్ జెర్సీలో బౌలింగ్ చేస్తున్న అర్జున్ ఫోటోను పోస్టు చేసిన సారా... ‘నీ నుంచి ఈ విజయాన్ని ఎవ్వరూ లాక్కోలేరు... ఇది పూర్తిగా నీది’ అంటూ కామెంట్ చేసింది...

ఇండియన్ ప్రీమియర్ లీగ్‌లో ఆడిన మొట్టమొదటి తండ్రికొడుకులుగా సచిన్ టెండూల్కర్, అర్జున్ టెండూల్కర్ రికార్డు క్రియేట్ చేయబోతున్నారు. సచిన్ టెండూల్కర్ 2008 నుంచి నాలుగేళ్ల పాటు ముంబై ఇండియన్స్‌కి కెప్టెన్‌గా వ్యవహారించిన విషయం తెలిసిందే.

‘చిన్నతనం నుంచి నేను ముంబై ఇండియన్స్‌క వీరాభిమానిని. నాపై నమ్మకం ఉంచిన కోచ్‌లకు, సపోర్టింగ్ స్టాఫ్‌కి ధన్యవాదాలు చెప్పాలనుకుంటున్నా.. ముంబై జెర్సీ ధరించడానికి ఎదురుచూస్తున్నా...’ అంటూ ఐపీఎల్ వేలం ముగిసిన తర్వాత వీడియో సందేశంలో తెలిపాడు అర్జున్ టెండూల్కర్.

సచిన్ టెండూల్కర్ కొడుకు కావడం వల్లే అర్జున్ టెండూల్కర్‌ని సెలక్ట్ చేయలేదని, కొన్నేళ్లుగా నెట్స్‌లో అతని అంకితభావం, పట్టుదలకి మెచ్చే తీసుకున్నామని తెలిపాడు ముంబై కోచ్ మహేల జయవర్థనే...

సచిన్ టెండూల్కర్ కూతురు సారా టెండూల్కర్, లండన్‌లో మెడిసిన్ విద్యను పూర్తి చేసిన విషయం తెలిసిందే. సారాకి, కోల్‌కత్తా నైట్‌రైడర్స్ ప్లేయర్ శుబ్‌మన్ గిల్‌కి మధ్య ప్రేమాయణం నడుస్తోందని చాలారోజులుగా వార్తలు వినిపిస్తున్నాయి.

దాంతో ముంబై ఇండియన్స్, కోల్‌కత్తా మధ్య జరిగే మ్యాచ్‌లో అర్జున్ టెండూల్కర్, శుబ్‌మన్ గిల్ మధ్య మంచి రసవత్తరమైన పోటీ జరుగుతుందని కొందరు అంటుంటే, అలాంటి సమయాల్లో సారా ఎవరికి సపోర్టు చేస్తుందని ప్రశ్నిస్తున్నారు నెటిజన్లు...

సచిన్ టెండూల్కర్ కూతురు సారా టెండూల్కర్‌కి సోషల్ మీడియాలో మంచి ఫాలోయింగ్ ఉంది. తన వ్యక్తిగత జీవితానికి సంబంధించిన ఫోటోలను అప్పుడప్పుడూ సోషల్ మీడియాలో షేర్ చేస్తూ ఉంటుంది సారా.