RR vs KXIP: రాయల్స్ వర్సెస్ కింగ్స్... హెడ్ టు హెడ్ రికార్డులు...

IPL 2020లో భాగంగా నేడు రాజస్థాన్ రాయల్స్, కింగ్స్ ఎలెవన్ పంజాబ్ జట్ల మధ్య మ్యాచ్ జరగనుంది. కెఎల్ రాహుల్ సారథ్యంలోని పంజాబ్ జట్టు పటిష్టంగా కనిపిస్తుండగా, స్టీవ్ స్మిత్ కెప్టెన్సీలోని రాజస్థాన్ మొదటి మ్యాచ్‌లో చెన్నై సూపర్ కింగ్స్‌ను షాక్ ఇచ్చి ఘన విజయం సాధించింది. దీంతో పంజాబ్, రాజస్థాన్ జట్ల మ్యాచ్ ఆసక్తికరంగా సాగనుంది. ఇరు జట్ల మధ్య హెడ్ టు హెడ్ రికార్డులు ఇలా ఉన్నాయి.

రాజస్థాన్ రాయల్స్, కింగ్స్ ఎలెవన్ పంజాబ్ జట్ల మధ్య ఇప్పటిదాకా 19 మ్యాచులు జరిగాయి.

రాజస్థాన్ 10 మ్యాచుల్లో విజయం సాధించగా... ఆర్ఆర్‌పై కింగ్స్ ఎలెవన్ పంజాబ్ 9 మ్యాచుల్లో విజయం సాధించింది.

రాజస్థాన్‌పై కింగ్స్ ఎలెవన్ పంజాబ్ అత్యధిక స్కోరు 221 పరుగులు.

కింగ్స్ ఎలెవన్ పంజాబ్‌పై రాజస్థాన్ అత్యధిక స్కోరు 211 పరుగులు.

రాయల్స్‌పై కింగ్స్ ఎలెవన్ జట్టు అత్యల్పంగా 124 పరుగులు చేసింది.

కింగ్స్ ఎలెవన్ పంజాబ్‌పై రాజస్థాన్ జట్టు అత్యల్పంగా 112 పరుగులు చేసింది.

గత 8 మ్యాచుల్లో కింగ్స్ ఎలెవన్ పంజాబ్ జట్టు ఆరు మ్యాచుల్లో విజయం సాధించగా, రాజస్థాన్‌కు రెండు మ్యాచుల్లోనే విజయం దక్కింది.

2015లో ఈ రెండు జట్ల మధ్య సూపర్ ఓవర్ మ్యాచ్ జరగగా కింగ్స్ ఎలెవన్ పంజాబ్ విజయం సాధించింది.

గత ఏడాది ఈ రెండు జట్ల మధ్య జరిగిన మ్యాచ్‌లోనే అశ్విన్ ‘మన్కడింగ్‌’కి పాల్పడ్డాడు. ఆ వివాదం ఇప్పటికీ అతన్ని వెంటాడుతూనే ఉంది. 

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి