వారి కోసం గూగ్లీలు దాచి పెట్టు, ధనుశ్రీపైన వాడకు... చాహాల్‌కి రోహిత్ విషెస్...
బక్కపలుచని పర్సనాలిటీతో చూడగానే నవ్వులు తెప్పించే యజ్వేంద్ర చాహాల్, తన యాటిట్యూడ్‌తో మరింత సరదాగా ఉంటాడు. ‘చాహాల్ టీవీ’ ఫన్నీ ఇంటర్వ్యూలతో మంచి ఫాలోయింగ్ తెచ్చుకున్న యజ్వేంద్ర చాహాల్, తన ప్రియురాలి ధనుశ్రీ వర్మను నిన్న పెళ్లాడాడు. కుటుంబసభ్యుల నడుమ జరిగిన ఈ వివాహ వేడుక ఫోటోలను సోషల్ మీడియాలో షేర్ చేసుకున్నాడు యజ్వేంద్ర చాహాల్.
యూట్యూబర్, డ్యాన్స్ కొరియోగ్రాఫర్ ధనుశ్రీ వర్మను పెళ్లాడిన యజ్వేంద్ర చాహాల్... సోషల్ మీడియాలో ఫోటోలను షేర్ చేశాడు...
భారత క్రికెటర్ రోహిత్ శర్మ, యజ్వేంద్ర చాహాల్‌కు విషెస్ తెలిపాడు... ‘కంగ్రాట్స్ బ్రో... మీ ఇద్దరికీ బెస్ట్ విషెస్... ఆ గూగ్లీలను ప్రత్యర్థుల కోసం దాచి పెట్టు... ఆమెపై వాడకు’ అంటూ కొంటెగా ట్వీట్ చేశాడు రోహిత్ శర్మ.
మీ దాంపత్యం జీవితాంతం తోడుగా నిలవాలని కోరుకుంటున్నట్టు శుభాకాంక్షలు తెలుపుతూ ట్వీట్ చేశాడు భారత మాజీ క్రికెటర్ సురేశ్ రైనా...
‘నువ్వు ఎన్ని మ్యాచులు ఆడబోతావో తెలీదు... కానీ ఆమె నీతోడుగా ఉండే పర్ఫెక్ట్ మ్యాచ్... శుభాకాంక్షలు యజ్వేంద్ర చాహాల్, ధనుశ్రీ... ’ అంటూ ట్వీట్ చేశాడు భారత మాజీ క్రికెటర్, కింగ్స్ ఎలెవన్ పంజాబ్ కోచ్ వసీం జాఫర్.
‘అందమైన సరికొత్త జీవితం ఆరంభించబోతున్న మీకు శుభాకాంక్షలు... యజ్వేంద్ర & ధనశ్రీ... మీ ఇద్దరి జీవితం అద్భుతంగా సాగాలని కోరుకుంటున్నా’ అంటూ ట్వీట్ చేశాడు సచిన్ టెండూల్కర్.
భారత స్పిన్నర్ హర్భజన్ సింగ్ కూడా యజ్వేంద్ర చాహాల్, ధనుశ్రీ వర్మలకు ట్విట్టర్ ద్వారా వివాహ శుభాకాంక్షలు తెలిపాడు.
ఐపీఎల్ ఆరంభానికి ముందు ఆగస్టులో ధనశ్రీ వర్మతో ఎంగేజ్‌మెంట్ చేసుకున్నాడు యజ్వేంద్ర చాహాల్..
టిక్ టాక్ వీడియోలు, యూట్యూబ్ వీడియోలతో మంచి ఫాలోయింగ్ తెచ్చుకున్న ధనుశ్రీ వర్మ, చాహాల్‌తో కలిసి కొన్ని వీడియోల్లో నటించింది.
ఆ పరిచయం ప్రేమగా మారి, పెళ్లికి దారి తీసింది... చాహాల్ కోసం ఐపీఎల్ 2020 ప్రారంభమైన తర్వాత యూఏఈలో వాలిపోయింది ధనుశ్రీ వర్మ.
ఏడారి రాజ్యంలో చాహాల్, ధనుశ్రీ వర్మ ప్రణయ ఫోటోలు సోషల్ మీడియాలో తెగ వైరల్ అయ్యాయి. చాహాల్‌లో ఇంత రొమాంటిక్ యాంగిల్ ఉందా? అని ఆశ్చర్యపోయారు అభిమానులు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
