Rohit Sharma: టెస్ట్, టీ20 రిటైర్మెంట్.. రోహిత్ కు శర్మ బీసీసీఐ ఎంత జీతం ఇస్తుంది?

Rohit Sharma Salary: రోహిత్ శర్మ రిటైర్మెంట్ తర్వాత హాట్ టాపిక్ గా మారాడు. వాంఖడే స్టేడియంలో ఆయన పేరు మీద ఒక స్టాండ్ కూడా ఏర్పాటు చేయడంతో మరోసారి వార్తల్లో నిలిచారు. అయితే, టెస్ట్, టీ20ల నుండి రిటైర్ అయినా హిట్ మ్యాన్ సంపాదన తగ్గదు. టెస్ట్, టీ-20 ఆడకపోయినా బీసీసీఐ నుంచి కోట్ల రూపాయలు అందుకుంటారు. అయితే, బీసీసీఐ రోహిత్ శర్మకు ఎంత జీతం ఇస్తుంది? 

టీ20 ప్రపంచ కప్ గెలిచిన తర్వాత తన కెప్టెన్సీతో పాటు టీ20 ఫార్మాట్ కు రోహిత్ శర్మ రిటైర్మెంట్ ప్రకటించారు. తాజాగా టెస్టు క్రికెట్ కు కూడా రిటైర్మెంట్ ప్రకటించి అందిరినీ షాక్ కు గురిచేశారు. తాజాాగా వాంఖడే స్టేడియంలో రోహిత్ శర్మ పేరున స్టాండ్ ఏర్పాటుతో మరోసారి వార్తల్లో నిలిచాడు హిట్ మ్యాన్.

భారత కెప్టెన్ గా రోహిత్ శర్మ జట్టుకు అనేక విజయాలు అందించాడు. భారత్ కు ఐసీసీ ట్రోఫీలు కూడా అందించాడు. వాంఖడేలో రోహిత్ శర్మ పేరున స్టాండ్ ఏర్పాటు కావడంతో మరోసారి వార్తల్లో హాట్ టాపిక్ అవుతున్నాడు.

ముంబై వాంఖడే స్టేడియంలో రోహిత్ శర్మ పేరున ఒక స్టాండ్ ఉంది. తల్లి సమక్షంలో ఆవిష్కరణ జరిగింది. తన తల్లి చేయి పట్టుకుని హిట్ మ్యాన్ దానిని ప్రారంభించాడు.

రోహిత్ శర్మ టెస్ట్, టీ-20 ల నుండి రిటైర్ అయ్యారు. ప్రస్తుతం భారత జట్టు తరఫున వన్డేలు మాత్రమే ఆడుతున్నాడు. అలాగే, ఐపీఎల్ లో ముంబై ఇండియన్స్ తరఫున ఆడుతున్నాడు. 

బీసీసీఐ కేంద్ర ఒప్పందంలో రోహిత్ శర్మ 'ఎ+' గ్రేడ్‌లో ఉన్నారు. టీ20, టెస్టు క్రికెట్ కు రోహిత్ శర్మ రిటైర్మెంట్ ప్రకటించినా  ఈ గ్రేడ్‌లోనే కొనసాగుతారని బోర్డు చెప్పింది.

దీంతో 'ఎ+' గ్రేడ్‌లో ఉన్న రోహిత్‌కు బీసీసీఐ నుంచి ఏటా 7 కోట్లు లభిస్తాయి. మూడు ఫార్మాట్లు ఆడకపోయినా రోహిత్‌కు బీసీసీఐ నుంచి రూ. 7 కోట్లు లభిస్తాయి. అంటే రోహిత్ శర్మ ప్రభావం ఎంత ఉందో అర్థం చేసుకోవచ్చు. ఒక వన్డేల్లో ఆడే సమయంలో ప్రతి మ్యాచ్‌కు 6 లక్షలు అందుకుంటారు.