IPL 2025: ప్లేఆఫ్స్ గోల్డెన్ టికెట్ కోసం పంజాబ్ vs ముంబై హోరాహోరీ
PBKS vs MI IPL 2025: ఐపీఎల్ 2025లో టాప్-2 ఫినిష్ కోసం పంజాబ్ కింగ్స్-ముంబై ఇండియన్స్ మధ్య కీలక పోరు జరగనుంది. ఈ మ్యాచ్ లో గెలిచిన జట్టు ప్లేఆఫ్స్ లో టాప్ ప్లేస్ ను దక్కించుకునే అవకాశముంది.
PBKS vs MI: టాస్ గెలిచిన పంజాబ్ కింగ్స్
PBKS vs MI IPL 2025: ఇండియన్ ప్రీమియర్ లీగ్ (IPL) 2025లో లీగ్ దశ ముగింపు దశకు చేరుకుంది. ప్లేఆఫ్స్లో టాప్-2 ఫినిష్ కోసం పంజాబ్ కింగ్స్ (PBKS), ముంబై ఇండియన్స్ (MI) జట్లు పోటీపడుతున్నాయి. జైపూర్లోని సవాయ్ మాన్సింగ్ స్టేడియంలో ఇరు జట్లు తలపడుతున్నాయి. టాస్ గెలిచిన పంజాబ్ కెప్టెన్ శ్రేయాస్ అయ్యర్ బౌలింగ్ ఎంచుకున్నాడు.
PBKS vs MI: ఇరు జట్ల మధ్య బిగ్ ఫైట్
ఈ మ్యాచ్ సాధారణ లీగ్ మ్యాచ్ కాదనీ, ఇది మరో క్వార్టర్ ఫైనల్గా పరిగణిస్తున్నారు. శ్రేయస్ అయ్యర్ నాయకత్వంలోని పంజాబ్ కింగ్స్ ప్రస్తుతం 17 పాయింట్లతో రెండో స్థానంలో ఉంది. మరో గెలుపుతో టాప్-2లో చోటుసంపాదించాలని చూస్తోంది. ఇక్కడ గెలిస్తే క్వాలిఫయర్ 1లో స్థానం దక్కే అవకాశం ఉంది.
అదే సమయంలో, హార్దిక్ పాండ్యా నేతృత్వంలోని ముంబై ఇండియన్స్ 16 పాయింట్లతో ఉంది. ఈ మ్యాచ్లో గెలిస్తే పంజాబ్ను అధిగమించి టాప్-2లోకి ప్రవేశించే అవకాశం ముంబైకు ఉంది.
ముంబై vs పంజాబ్: పిచ్ రిపోర్టు, వాతావరణ పరిస్థితులు
జైపూర్ వాతావరణం సాధారణంగా ఉంది. సాయంత్రానికి ఉష్ణోగ్రతలు 30 డిగ్రీల సెల్సియస్కు తగ్గవచ్చు. వర్షం పడే సూచనలు లేవు. కాబట్టి మ్యాచ్ కు అంతరాయం కలిగే అంశాలు లేవు.
సవాయ్ మాన్సింగ్ స్టేడియం ఈ సీజన్లో బ్యాటర్లకు స్వర్గధామంగా మారింది. గత మ్యాచ్లో 400కి పైగా పరుగులు నమోదయ్యాయి. దీంతో బౌలర్లు తమ ప్రణాళికల్ని ఖచ్చితంగా అమలు చేయకపోతే కఠిన పరిస్థితులు ఎదుర్కొనవలసి ఉంటుంది.
PBKS vs MI: హెడ్-టూ-హెడ్ రికార్డ్
ఇప్పటి వరకు ఈ రెండు జట్లు 32 సార్లు తలపడ్డాయి. ఇందులో ముంబై ఇండియన్స్ 17 విజయాలతో స్వల్ప ఆధిక్యంలో ఉండగా, పంజాబ్ కింగ్స్ 15 విజయాలు సాధించింది. కానీ, ప్రస్తుత మ్యాచ్ ఉత్కంఠభరితంగా సాగే అవకాశాలు ఎక్కువగా ఉన్నాయి.
PBKS vs MI : ఇరు జట్ల ప్లేయింగ్ XI
పంజాబ్ కింగ్స్ (ప్లేయింగ్ XI):
ప్రియాంష్ ఆర్య, జోష్ ఇంగ్లిస్(వికెట్ కీపర్), శ్రేయాస్ అయ్యర్(కెప్టెన్), నెహాల్ వధేరా, శశాంక్ సింగ్, మార్కస్ స్టోయినిస్, మార్కో జాన్సన్, హర్ప్రీత్ బ్రార్, కైల్ జామీసన్, విజయ్కుమార్ వైషాక్, అర్ష్దీప్ సింగ్
పంజాబ్ కింగ్స్ ఇంపాక్ట్ సబ్స్:
ప్రభ్ సిమ్రాన్ సింగ్, ప్రవీణ్ దూబే, సూర్యాంష్ షెడ్జ్, జేవియర్ బార్ట్లెట్, ముషీర్ ఖాన్
ముంబై ఇండియన్స్ (ప్లేయింగ్ XI):
ర్యాన్ రికెల్టన్(వికెట్ కీపర్), రోహిత్ శర్మ, విల్ జాక్స్, సూర్యకుమార్ యాదవ్, తిలక్ వర్మ, హార్దిక్ పాండ్యా(కెప్టెన్), నమన్ ధీర్, మిచెల్ సాంట్నర్, దీపక్ చాహర్, ట్రెంట్ బౌల్ట్, జస్ప్రీత్ బుమ్రా
ముంబై ఇండియన్స్ ఇంపాక్ట్ సబ్స్:
కర్ణ్ శర్మ, కార్బిన్ బాష్, రాజ్ బావా, అశ్వనీ కుమార్, సత్యనారాయణ రాజు
ఈ మ్యాచ్ పంజాబ్ కింగ్స్కు చరిత్రను తిరిగి రాసుకునే అవకాశం. గత దశాబ్దంలో మొట్టమొదటిసారిగా టాప్-2లో స్థానం దక్కించుకోవచ్చు. ముంబై ఇండియన్స్ మాత్రం గత అనుభవంతో ఆధిపత్యాన్ని తిరిగి పొందాలనుకుంటోంది.
PBKS vs MI : Dream11 అంచనా జట్టు
వికెట్ కీపర్: రియాన్ రికెల్టన్
బ్యాటర్లు: ప్రియాంష్ ఆర్య, ప్రభ్ సిమ్రాన్ సింగ్, శ్రేయస్ అయ్యర్, రోహిత్ శర్మ, సూర్యకుమార్ యాదవ్
ఆల్రౌండర్లు: హార్దిక్ పాండ్యా, మార్కస్ స్టోయినిస్
బౌలర్లు: జస్ప్రీత్ బుమ్రా, ట్రెంట్ బౌల్ట్, అర్షదీప్ సింగ్