ధోనీ-కోహ్లీ-రోహిత్... IPL 2025ని కేఎల్ రాహుల్ ఎవరితో ఆడాలనుకుంటున్నాడో తెలుసా?

IPL 2025 KL Rahul : రాబోయే ఐపీఎల్ 2025 సీజ‌న్ కోసం ల‌క్నో సూప‌ర్ జెయింట్ భార‌త వికెట్ కీపర్ బ్యాట్స్ మెన్ కేఎల్ రాహుల్ ను రిటైన్ చేసుకోక‌పోవ‌డంతొ అత‌ను వేలంలొకి వ‌చ్చాడు. అయితే, ఐపీఎల్ 2025లో ధోనీ-కోహ్లీ-రోహిత్.. వీరిలో ఎవ‌రితో ఆడ‌ల‌నుకుంటున్నాడో రాహుల్ చెప్పాడు.  

Virat Kohli, KL Rahul,

IPL 2025 KL Rahul : భారత స్టార్ వికెట్ కీప‌ర్ బ్యాట్స్ మెన్ కేఎల్ రాహుల్ టీమిండియాకు ఎన్నో అద్భుత‌మైన విజ‌యాలు అందించాడు. దేశ‌వాళీ క్రికెట్ లో కూడా స‌త్తా చాటాడు. ఐపీఎల్ లో కూడా త‌న‌దైన ముంద్ర వేశాడు కేఎల్ రాహుల్. 

అయితే, ఈ సీనియ‌ర్ స్టార్ బ్యాట్స్‌మెన్ తన ఫామ్ కార‌ణంగా గ‌త కొన్ని రోజులుగా నిత్యం వార్త‌ల్లో నిలుస్తున్నాడు. నిలకడగా రాణించడంలో విఫలమవడంతో న్యూజిలాండ్‌తో జరిగిన టెస్టు సిరీస్‌లో చివరి రెండు మ్యాచ్‌ల్లో కూడా అతనికి అవకాశం రాలేదు. దీంతో ఇప్పుడు ఆస్ట్రేలియా పర్య‌ట‌న‌లో మెరుగైన ప్ర‌ద‌ర్శ‌న చేయాల‌ని చూస్తున్నాడు.

KL Rahul

ఐపీఎల్ 2025 వేలంలో డిమాండ్ ఉన్న ప్లేయ‌ర్ కేఎల్ రాహుల్ 

ఆస్ట్రేలియా ప్ర‌ద‌ర్శ‌న అత‌ని ఐపీఎల్ కెరీర్ పై కూడా ప్ర‌భావం చూపే అవ‌కాశ‌ముంది. ఈ సమయంలోనే ఐపీఎల్ వేలం కూడా జ‌ర‌గ‌నుంది. ల‌క్నో సూప‌ర్ జెయింట్స్ అత‌న్ని వ‌దులుకోవ‌డంతో  చాలా కాలం తర్వాత కేఎల్ రాహుల్ వేలంలోకి వ‌స్తున్నాడు. 

ఐపీఎల్ 2025 సీజ‌న్ కు ముందు లక్నో సూపర్ జెయింట్స్ కేఎల్ రాహుల్ ను రిటైన్ చేసుకోకుండా వేలంలోకి విడుదల చేసింది. ఇప్పుడు చాలా టీమ్‌లు రాహుల్‌పై కన్నేశాయి. బ్యాటింగ్‌తో పాటు వికెట్ కీపింగ్, కెప్టెన్సీ కూడా చేయగలడు. అక్నో టీమ్ కు మెరుగైన విజ‌యాలు అందించిన కెప్టెన్ మంచి గుర్తింపు ఉండ‌టంతో అత‌ను వేలంలో భారీ డిమాండ్ ఉన్న ప్లేయ‌ర్ గా ఉన్నాడు. 

ధోనీ-కోహ్లీ-రోహిత్ : కేఎల్ రాహుల్ ఎవ‌రితో ఆడ‌ల‌నుకుంటున్నాడు? 

బోర్డర్-గవాస్కర్ ట్రోఫీ, ఐపీఎల్ 2025 మెగా వేలానికి ముందు స్టార్ స్పోర్ట్స్ కేఎల్ రాహుల్ ను ఇంటర్వ్యూ చేసింది. రాహుల్ అంతర్జాతీయ క్రికెట్‌లో పదేళ్లు పూర్తి చేసుకున్న సంద‌ర్భంగా సాగిన ఈ ఇంటర్వ్యూలో రాహుల్‌ను పలు ప్రశ్నలు ఆడ‌గ్గా.. ఆస‌క్తిక‌ర‌మైన స‌మాధానాలు చెప్పాడు. 

భార‌త జ‌ట్టు మాజీ కెప్టెన్లు మహేంద్ర సింగ్ ధోనీ, రోహిత్ శర్మ, విరాట్ కోహ్లీలలో ఎవరితో ఐపీఎల్ 2025 సీజన్‌లో ఆడాలనుకుంటున్నారని కేఎల్ రాహుల్‌ను అడిగారు. దీనిపై లక్నో మాజీ కెప్టెన్ సరదా సమాధానమిస్తూ సమాధానం చెప్పడం చాలా కష్టంగా ఉంద‌ని పేర్కొన‌డం గ‌మ‌నార్హం. 

ఇది చాలా క‌ష్ట‌మంటున్న కేఎల్ రాహుల్ 

పై ప్ర‌శ్న‌కు కేఎల్ రాహుల్ స‌మాధాన‌మిస్తూ.. 'నాకు తెలియదు. ఇది గమ్మత్తైన ప్రశ్న. మీరు నన్ను నిజంగా ఇబ్బందుల్లోకి నెట్టారు. వారందరితో కలిసి ఆడటాన్ని నేను ఆస్వాదించాను' అని చెప్పాడు. అలాగే, ఓపెనర్ లేదా ఫినిషర్ గా కాకుండా 'ఫ్లోటర్'గా తనకు ఇష్టమైన బ్యాటింగ్ స్థానాన్ని ఎంచుకుంటానని రాహుల్ చెప్పాడు. ఏ స్థానంలోనైనా బ్యాటింగ్ చేయగల ఆటగాడిని 'ఫ్లోటర్' పాత్రకు ఎంపిక చేస్తార‌నే విష‌యం తెలిసిందే. 

లక్నో కెప్టెన్‌గా తన మూడు సీజన్లలో రాహుల్ జట్టును 2022, 2023లో ప్లేఆఫ్స్‌కు తీసుకెళ్లాడు. అయితే 2024లో జట్టు ప్రదర్శన పేలవంగా ఉంది. అతని జట్టు ఏడో స్థానంలో నిలిచింది. జట్టు నుంచి విడిపోయినప్పటికీ.. తాను చురుగ్గా కెప్టెన్సీని కోరడం లేదని, అయితే తన నాయకత్వ అనుభవం ఆధారంగా అవకాశం ఇస్తే ఆ బాధ్యతను స్వీకరించేందుకు సిద్ధంగా ఉన్నానని రాహుల్ స్పష్టం చేశాడు.

కెప్టెన్సీపై కేఎల్ రాహుల్ ఇంకా ఏం చెప్పారంటే? 

కేఎల్ రాహుల్ ఐపీఎల్ లో ప‌లు టీమ్స్ కు ఆడాడు. అయితే, ల‌క్నో సూప‌ర్ జెయింట్స్ టీమ్ కు కెప్టెన్ గా మూడు సీజ‌న్లు జ‌ట్టును ముందుకు న‌డిపించాడు. "నాకు కెప్టెన్సీ కావాలని నేను ఎవరికీ చెప్పను. నా నాయకత్వ పటిమ చాలా బాగుందని మీరు అనుకుంటే.. గత నాలుగు-ఐదేళ్లలో నేను నా జట్టును హ్యాండిల్ చేసిన విధానం.. .నేను ఉంటే అది విలువైనదిగా గుర్తిస్తే.. అప్పుడు నేను కెప్టెన్సీ చేయాల‌ని మీరు అప్ప‌గిస్తే సంతోషంగా ముందుకు సాగుతానని'' చెప్పాడు.

IPL గెలవాలనే అంతిమ లక్ష్యం కోసం కలిసి పనిచేసే సానుకూల, సహాయక వాతావరణం ఉన్న జట్టులో భాగంగా ఉండాలనేది త‌న కోరిక‌గా పేర్కొన్నాడు. కాగా, ఐపీఎల్ 2024 సీజ‌న్ లో కేఎల్ రాహుల్ ప‌ట్ల‌ ల‌క్నో సూప‌ర్ జెయింట్స్ య‌జ‌మాని గోయేంకా ప్ర‌వ‌ర్తించిన తీరు క్రీడా వ‌ర్గాల‌ను విస్మ‌యానికి గురిచేసిన సంగ‌తి తెలిసిందే. అందుకే అత‌ను ల‌క్నో టీమ్ లో భాగం కాలేద‌ని రిపోర్టులు పేర్కొంటున్నాయి.