సోషల్ మీడియాని ఏలేస్తున్న జీవా పాప.. తండ్రిని మించిన పాపులారిటీ!

జీవా పుట్టిన కొద్దిరోజులు తర్వాత తొలి ఫోటో విడుదల చేశారు. ఆ ఫోటో కొద్ది నిమిషాలకే వైరల్ అయిపోయింది. ఆ ఫోటోలో జీవా నవ్వు చూసినవారెవ్వరూ ఆమెకు ఫిదా కాకుండా ఉండలేరు. అప్పటి నుంచే జీవాకి ఫ్యాన్స్ మొదలయ్యారు.

telugu news team

Hyderabad, First Published Jul 31, 2020, 1:27 PM IST | Last Updated Jul 31, 2020, 1:27 PM IST

టీమిండియా మాజీ కెప్టెన్ మహేంద్రసింగ్ ధోనీ గారాలపట్టి జీవా సోషల్ మీడియాలో సంచలనాలు సృష్టిస్తోంది. సాధారణంగా స్టార్ కిడ్స్ అనగానే ఎవరైనా ప్రత్యేకంగానే చూస్తారు. అయితే.. జీవా ధోనీ మాత్రం మిగితావారికంటే తాను భిన్నమని నిరూపిస్తోంది. వారందరికన్నా ఎక్కువ పాపులారిటీ రోజు రోజుకీ పెంచేసుకుంటుంది.

చూడగానే ఆకట్టుకునే ముఖంతో ఉండే జీవా.. తన క్యూట్ ఎక్స్ ప్రెషన్స్ తో, తండ్రి పై చూపించే ప్రేమతో మరింతగా ఆకట్టుకుంటోంది. జీవా పాప గురించి మరిన్న ఆసక్తికర విషయాలు..

జీవాకు ఇన్‌స్టాగ్రామ్‌లో అఫీషియల్ ఎకౌంట్ ఉంది. అక్కడ ఆమెకు మిలియన్ల మంది ఫాలోవర్లు ఉన్నారు. ఇక్కడ ఆమె తల్లి సాక్షి తన ఫోటోలు వీడియోలను పంచుకుంటుంది. ఈ ఫోటోల్లో జీవాకి తల్లిదండ్రులతో ఎలాంటి బాండింగ్ ఉందో స్పష్టంగా తెలుస్తుంది.

ఒకసారి ధోనీతో కలిసి జీవా కెమేరాకు చిక్కింది. అంత చిన్న వయసులోనూ ఆమె కెమేరాకు ఫోజులివ్వడానికి ఏ మాత్రం భయపడకపోవడం గమనార్హం.

సోషల్ మీడియాలో జీవాకి చాలా మంది ఫాలోవర్స్ ఉన్నారు. ఆమె వీడియో ఏది పోస్టు చేసినా వెంటనే వైరల్ అయ్యేది. కోహ్లీతో వీడియో, తండ్రి ధోనీ తో కలిసి ఇసుకలో ఇళ్లు కట్టడం లాంటి ఫోటోలు ఇప్పటికీ అభిమానులను ఆకట్టుకుంటున్నాయి.

సుశాంత్ సింగ్ రాజ్ పూత్.. ధోనీ బయోపిక్ లో నటించిన సంగతి తెలిసిందే. కాగా.. ఆ సమయంలో సుశాంత్ ఎక్కువ సమయం ధోనీతో గడిపాడు. అప్పుడు జీవాకి బాగా కనెక్ట్ అయ్యాడు. సుశాంత్ మరణించిన తర్వాత.. అతనితో జీవా ఉన్న ఫోటోలు బాగా వైరల్ అయ్యాయి.

గతంలో సుశాంత్.. తన మాజీ గర్ల్ ఫ్రెండ్ అకింతని.. ధోనీ ఇంటికి తీసుకువెళ్లాడు. అప్పుడు.. జీవా..సుశాంత్ భుజంపై పడుకొని ఉంది. కాగా.. ఆ ఫోటోలు కూడా అభిమానులను విపరీతంగా ఆకట్టుకున్నాయి.