క్రెడిట్ అంతా కృనాల్ పాండ్యాకే దక్కాలి... ‘మ్యాన్ ఆఫ్ ది సిరీస్’ అతనికే, సోషల్ మీడియాలో...

First Published Jul 29, 2021, 11:47 PM IST

13 ఏళ్ల తర్వాత టీమిండియాపై ఓ సిరీస్ విజయాన్ని అందుకుంది శ్రీలంక జట్టు. 2020 నుంచి వరుసగా సిరీస్‌లు ఓడిపోతూ వస్తున్న శ్రీలంక జట్టుకి దక్కిన ఊరట విజయం ఇది. అయితే ఈ విజయం క్రెడిట్ మొత్తం కృనాల్ పాండ్యాకే దక్కాలని అంటున్నారు అభిమానులు.

కృనాల్ పాండ్యా కరోనా బారిన పడడమే కాకుండా తనతో క్లోజ్ కాంటాక్ట్ అయిన 8మందిని జట్టుకి దూరం చేశాడు. జట్టుకి దూరమైన వారిలో పృథ్వీషా, సూర్యకుమార్ యాదవ్, హార్ధిక్ పాండ్యా, దీపక్ చాహార్, యజ్వేంద్ర చాహాల్ వంటి స్టార్ ప్లేయర్లు ఉండడంతో టీమిండియాపై ఆ ప్రభావం తీవ్రంగా పడింది.

ఆఖరికి రిజర్వు బెంచ్‌లో కూడా ప్లేయర్లు లేకపోవడంతో స్టాండ్ బై ప్లేయర్లను తీసుకుని ఆడాల్సి వచ్చింది. ఫలితం వరుసగా రెండు టీ20 మ్యాచుల్లో ఓడి, టీ20 సిరీస్‌ను కోల్పోయింది టీమిండియా.

మూడో టీ20లో అయితే 81 పరుగులు మాత్రమే చేయగలిగిన భారత జట్టు, 7 వికెట్ల తేడాతో లంక చేతిలో చిత్తుగా ఓడింది. దీంతో భారత జట్టుకి ఈ పరిస్థితి తీసుకొచ్చిన కృనాల్‌పై ఫ్యాన్స్ ఫైర్ అవుతున్నారు. సోషల్ మీడియాలో బీభత్సమైన మీమీలు, ట్రోల్స్‌ చేస్తున్నారు.