కెఎల్ రాహుల్ మళ్లీ డకౌట్... రోహిత్, ఇషాన్ కిషన్ అవుట్... కష్టాల్లో టీమిండియా...
టాస్ ఓడి బ్యాటింగ్ మొదలెట్టిన భారత జట్టు, వెంటవెంటనే మూడు కీలక వికెట్లు కోల్పోయింది. ఫామ్లో లేక ఇబ్బంది పడుతున్న కెఎల్ రాహుల్ డకౌట్ కాగా, ఏడాది తర్వాత మొట్టమొదటి టీ20 ఆడుతున్న రోహిత్ శర్మ, ఇషాన్ కిషన్ కూడా త్వరగా అవుట్ అయ్యారు.
కెఎల్ రాహుల్ వరుసగా రెండో మ్యాచ్లోనూ డకౌట్ అయ్యాడు. గత నాలుగు మ్యాచుల్లో కెఎల్ రాహుల్ డకౌట్ కావడం ఇది మూడోసారి. మొదటి టీ20లో 1 పరుగు చేసి అవుటయ్యాడు కెఎల్ రాహుల్. నాలుగు ఇన్నింగ్స్ల్లో కలిపి ఒకే పరుగు చేశాడు లోకేశ్ రాహుల్.
వరుసగా రెండు మ్యాచుల్లో డకౌట్ అయిన మొట్టమొదటి భారత ఓపెనర్గా అతి చెత్త రికార్డును క్రియేట్ చేశాడు కెఎల్ రాహుల్. అత్యధిక సార్లు టీ20ల్లో డకౌట్ అయిన ఓపెనర్గా రోహిత్ శర్మతో కలిసి టాప్లో ఉన్నాడు కెఎల్ రాహుల్(4 సార్లు).
17 బంతుల్లో 2 ఫోర్లతో 15 పరుగులు చేసిన రోహిత్ శర్మ, మార్క్ వుడ్ బౌలింగ్లో జోఫ్రా ఆర్చర్కి క్యాచ్ ఇచ్చి అవుట్ అయ్యాడు 20 పరుగుల వద్ద రెండో వికెట్ కోల్పోయింది టీమిండియా...
దాదాపు ఏడాది తర్వాత అంతర్జాతీయ టీ20 మ్యాచ్ ఆడుతున్న రోహిత్ శర్మ, 4 పరుగుల వద్ద జోఫ్రా ఆర్చర్ క్యాచ్ డ్రాప్ చేయడంతో లైఫ్ లభించినా, దాన్ని సరిగ్గా వినియోగించుకోలేకపోయాడు...
వన్డౌన్లో వచ్చిన ఇషాన్ కిషన్... 9 బంతుల్లో 4 పరుగులు చేసి అవుట్ అయ్యాడు. జోర్డాన్ బౌలింగ్లో భారీ షాట్కి ప్రయత్నించిన ఇషాన్ కిషన్, కీపర్ జోస్ బట్లర్కి క్యాచ్ ఇచ్చి అవుట్ అయ్యాడు...
6 ఓవర్లు ముగిసేసరికి 24 పరుగులు చేసిన టీమిండియా, విరాట్ కోహ్లీ, రిషబ్ పంత్ల పర్ఫామెన్స్పైనే ఆధారపడి ఉంది.