వేగం పెంచిన ముంబై ఇండియన్స్ - రోహిత్ శర్మను వదులుకుంటుందా?

ఐపీఎల్ 2025 సిరీస్ కోసం ప్రతిరోజు ఎదురుచూపులు పెరుగుతూనే ఉన్నాయి. ఐపీఎల్ క్రికెట్ ల‌వ‌ర్స్ ను ఉర్రూత‌లూగించే అత్యంత ప్ర‌జాదార‌ణ పొందిన టోర్నీగా గుర్తింపు పొందింది. బిడ్డింగ్ నుంచి ట్రోఫీ గెలుచుకునే వరకు అన్ని విషయాలు క్రికెట్ లవర్స్ మంచి మజాను అందిస్తాయి. ప్లేఆఫ్స్‌కు ఏ జట్టు చేరుతుంది? ఏ జట్టు ట్రోఫీని గెలుచుకుంటుందో తెలుసుకోవడానికి అభిమానులు ఆసక్తిగా ఉన్నారు. దీనికి ముందు ఐపీఎల్ 2025 మెగా వేలం ఉత్కంఠ‌ను పెంచుతోంది. 

ఐపీఎల్ 2025 అప్ డేట్ల కోసం క్రికెట్ అభిమానులు ఎంతగానో ఎదురుచూస్తున్న జట్లలో చెన్నై సూపర్ కింగ్స్ ఒకటి. మరొకరు ముంబై ఇండియన్స్. ఈ రెండు జట్లు తలా 5 సార్లు ట్రోఫీని గెలుచుకున్నాయి. 5 సార్లు ట్రోఫీని గెలుచుకున్న ఎంఎస్ ధోనీ, రోహిత్ శర్మ ఇద్దరూ ఇప్పుడు కెప్టెన్లు కాదు. రాబోయే సీజ‌న్ లో ధోని ఆడ‌తారా?  రోహిత్ శ‌ర్మ ఏ టీమ్ త‌ర‌ఫున బ‌రిలోకి దిగ‌బోతున్నారు? అనే అంశాలు హాట్ టాపిక్ గా మారాయి. 

ఐపీఎల్ 2024కి ముందు ముంబై ఇండియన్స్ కెప్టెన్సీ నుంచి రోహిత్ శర్మను తొలగించి, అతని స్థానంలో హార్దిక్ పాండ్యాను తీసుకువ‌చ్చింది. దీంతో ముంబై ఇండియన్స్‌, హార్దిక్‌ పాండ్యాపై విపరీతమైన విమర్శలు వచ్చాయి. అంతేకాకుండా కెప్టెన్‌గా హార్దిక్ పాండ్యా న‌డుచుకున్న తీరు ముంబై కోచ్‌లతో పాటు అభిమానులకు కూడా ఆగ్రహం తెప్పించింది.

ఇండియ‌న్ ప్రీమియ‌ర్ లీగ్ 2025 సీజ‌న్ లో 14 మ్యాచ్‌లు ఆడిన ముంబై ఇండియన్స్ 4 విజయాలు, 10 ఓటములతో పాయింట్ల పట్టికలో చివరి స్థానంలో నిలిచింది. దీని తరువాత, ప్రస్తుతం 2025 సంవత్సరానికి సంబంధించిన చర్చలు జరుగుతున్నాయి. అలాగే 2025లోపు రోహిత్ శర్మ ఏ జట్టులోకి వెళ్తాడో అని అందరూ ఆసక్తిగా ఎదురుచూస్తున్నారు. ముంబై కూడా మెగా వేలం స‌మ‌యం ద‌గ్గ‌ర‌కు  రావ‌డంతో నిర్ణ‌యాల్లో దూకుడు పెంచింది. 

అయితే ముంబై ఇండియన్స్ రోహిత్ శ‌ర్మ‌ను విడుదల చేస్తుందా? జ‌ట్టుతోనే నిలుపుకుంటుందా లేదా అనేది 17 రోజుల్లో తేలిపోనుంది. ప్రతి జట్టు తమ జట్టులో అట్టిపెట్టుకునే ఆటగాళ్ల జాబితాను అందించేందుకు 31వ తేదీని చివరి తేదీగా బీసీసీఐ ప్రకటించింది. 2025 సంవత్సరానికి సంబంధించిన మెగా వేలం నవంబర్‌లో జరగనుంది. దీని కోసం ప్రతి జట్టు తమ జట్లను బలోపేతం చేయడానికి కొన్ని ప్రాథమిక మార్పులు చేస్తున్నాయి.

ముంబయి ఇండియన్స్‌ కొత్త ప్రధాన కోచ్‌ మహేల జయవర్ధనే

ఇప్ప‌టికే ప‌లు జ‌ట్లు బ్యాటింగ్ కోచ్, హెడ్ కోచ్, బౌలింగ్ కోచ్ మార్పులు చేస్తున్నాయి. ఇదే క్రమంలో ముంబై ఇండియన్స్ జట్టు త‌న కోచింగ్ విభాగంలో మొద‌టి మార్పును తీసుకువ‌చ్చింది. 2023, 2024లో ముంబై ఇండియన్స్ జట్టుకు ప్రధాన కోచ్‌గా ఉన్న దక్షిణాఫ్రికా వికెట్ కీపర్ బ్యాట్స్‌మెన్ మార్క్ బౌచర్‌ను తొలగించి, శ్రీలంక మాజీ ప్లేయర్, ముంబై ఇండియన్స్ మాజీ కోచ్ మహేలా జయవర్ధనేను కోచ్ గా నియమించింది.
 

మహేల జయవర్ధనే తిరిగి ముంబై ఇండియన్స్‌కు ప్రధాన కోచ్‌గా వ‌చ్చారు. అంత‌కుముందు, జ‌య‌వ‌ర్థ‌నే 2017 నుండి 2022 వరకు ముంబై ఇండియన్స్‌కు ప్రధాన కోచ్‌గా ఉన్నాడు. ముంబై ఇండియన్స్, ఆకాష్ అంబానీ మాట్లాడుతూ.. మహేలా తిరిగి ముంబై ఇండియన్స్‌కు ప్రధాన కోచ్‌గా రావడం మాకు చాలా సంతోషంగా ఉంది. మా గ్లోబల్ టీమ్‌ల కోసం అతన్ని తిరిగి ముంబై ఇండియన్స్‌కు తీసుకువచ్చే అవకాశం వచ్చిందన్నారు.  ఆటపై అతనికి ఉన్న మక్కువ, అతని నాయకత్వం,  జ్ఞానం ఎప్పుడూ ముంబై జట్టుకు మేలు చేస్తున్నాయి. మార్క్ బౌచర్ గత 2 సీజన్లలో ఉన్నాడు. ఈ సందర్భంగా ఆయనకు కృతజ్ఞతలు తెలియజేస్తున్నట్లు తెలిపారు.

ముంబై ఇండియన్స్ ప్రధాన కోచ్ మహేల జయవర్ధనే మాట్లాడుతూ “ముంబై ఇండియన్స్ కుటుంబంలో నా ప్రయాణం ఎప్పుడూ అభివృద్ధి చెందుతూనే ఉంటుంది. అత్యుత్తమ క్రికెట్ ఆడేందుకు ప్రతిభావంతులైన వ్యక్తుల సమూహాన్ని ఒకచోట చేర్చుకోవడంపై దృష్టి సారించింది అన్నారు. 

ముంబై ఇండియన్స్ భవిష్యత్తు, ముంబైని చరిత్రలో చేర్చే అవకాశం కోసం మేము ఎదురుచూస్తున్నాము. నేను సవాలు కోసం ఎదురు చూస్తున్నామ‌న్నారు. ఐపీఎల్ చరిత్రలో ముంబై ఇండియన్స్ 2013, 2015, 2017, 2019, 2020లో ట్రోఫీని గెలుచుకుంది. అంటే మహేల జయవర్ధనే కోచ్‌గా ఉన్నప్పుడు ముంబై ఇండియన్స్ 3 సార్లు ట్రోఫీని గెలుచుకుంది. 2022లో ముంబై గ్లోబల్ టీమ్‌ల విస్తరణలో మహేల జయవర్ధనే కీలకపాత్ర పోషించారు. అతను ఒకసారి ట్రోఫీని గెలుచుకున్నాడు. 

MI (WPL), MI NY (MLC), MIE (ILT20) లకు ప్రధాన కోచ్ అయిన తర్వాత అతను ఇప్పుడు ముంబై ఇండియన్స్‌కు ప్రధాన కోచ్‌గా తిరిగి వచ్చాడు. ఇప్పటికే ముంబై ఇండియన్స్ బౌలింగ్ కోచ్‌గా లసిత్ మలింగ నియమితులైన విషయం తెలిసిందే. ముంబై ఇండియన్స్ జట్టులో మహేళ జయవర్ధనేకు చోటు దక్కడంతో రోహిత్ శర్మను కొనసాగించనున్నట్లు తెలుస్తోంది. అతను ఇప్పటికే టీ20 ప్రపంచకప్‌ను భారత జట్టుకు అందించాడు. అందువల్ల, అతను గత సీజన్‌లో వలె IPL 2025 సిరీస్‌లో ఆటగాడిగా ముంబై ఇండియన్స్‌కు ఆడాలని భావిస్తున్నారు.