అదంతా సరే! అజింకా రహానేని ఎందుకు బ్యాటింగ్‌కి పంపలేదు... సీఎస్‌కే ఓటమికి అదే కారణమా...

ఐపీఎల్ 2023 సీజన్‌లో ముంబై ఇండియన్స్‌తో జరిగిన మ్యాచ్‌లో మొయిన్ ఆలీ గాయపడడంతో అతని ప్లేస్‌లో రిప్లేస్‌మెంట్‌గా టీమ్‌లోకి వచ్చిన అజింకా రహానే, 19 బంతుల్లో హాఫ్ సెంచరీ బాదాడు. రహానే ఇన్నింగ్స్ కారణంగా ఈ మ్యాచ్‌లో సీఎస్‌కే, వన్ సైడ్ విక్టరీ అందుకుంది...
 

ఆ మ్యాచ్ తర్వాత వరుసగా 5 మ్యాచుల్లో అజింకా రహానేని వన్‌డౌన్‌లో పంపించింది చెన్నై సూపర్ కింగ్స్. తనపైన పెట్టుకున్న నమ్మకాన్ని నిలబెట్టుకుంటూ 180+ స్ట్రైయిక్ రేటుతో మెరుపులు మెరిపిస్తూ వచ్చాడు అజింకా రహానే...
 

అయితే పంజాబ్ కింగ్స్‌తో జరిగిన మ్యాచ్‌లో అజింకా రహానే అసలు బ్యాటింగ్‌కే రాలేదు. వన్‌ డౌన్‌లో శివమ్ దూబేని పంపిన ధోనీ, ఆ తర్వాత మొయిన్ ఆలీని, రవీంద్ర జడేజాని బ్యాటింగ్‌కి పంపాడు. ఆఖరి ఓవర్‌లో తానే స్వయంగా బ్యాటింగ్‌కి వెళ్లాడు..

అలాగని అజింకా రహానేకి ఏ గాయం కాలేదు. బ్యాటు, ప్యాడ్స్, హెల్మెట్ అన్నీ పెట్టుకుని ఇన్నింగ్స్ మూడో ఓవర్‌లోనే డగౌట్‌లో కూర్చున్నాడు అజింకా రహానే. ఎప్పటిలాగే వికెట్ పడితే బ్యాటింగ్‌కి వెళ్లాలని రెఢీ అయి వచ్చి కూర్చున్నాడు. అయితే ఇన్నింగ్స్ ముగిసే దాకా రహానే అలాగే కూర్చోవాల్సి వచ్చింది...

రహానేతో పాటు శివమ్ దూబే కూడా ఈ సీజన్‌లో బాగా ఆడుతున్నాడు. అయితే అజింకా రహానేని వన్‌డౌన్‌లో పంపి ఉంటే... దూబే ఆడిన 17 బంతులు ఆడి ఉన్నా మరో 10-15 పరుగులు ఎక్కువ చేసి ఉండేవాడని అంటున్నారు అతని అభిమానులు...

నాలుగో స్థానంలో వెళ్లిన మొయిన్ ఆలీ కానీ, ఆ తర్వాత వెళ్లిన రవీంద్ర జడేజా కానీ మెరుపులు మెరిపించలేకపోయారు. అజింకా రహానే రూపంలో బీభత్సమైన ఫామ్‌లో ఉన్న బ్యాటర్ డగౌట్‌లో వెయిట్ చేస్తున్నా, ధోనీ అతన్ని ఎందుకు పంపలేదనేది అభిమానులను వేధిస్తున్న ప్రశ్నగా మారింది...