డీజీపీ కూతురికి లైన్ వేసిన మయాంక్ అగర్వాల్... ఆశితా సూద్‌‌తో ఈ చంటిగాడి లవ్‌స్టోరీ వింటే...

First Published Jan 10, 2022, 3:05 PM IST

‘ఏ డీజీపీ కూతురు అయితే ప్రేమించకూడదా? కమిషనర్ కూతురుకి మొగుళ్లు రారా...’ అటు హీరో రవితేజ, డైరెక్టర్ పూరీ జగన్నాథ్ కెరీర్ గ్రాఫ్‌ని మార్చేసిన ‘ఇడియట్’ సినిమాలో ఫేమస్ డైలాగ్ ఇది... కాలేజీ స్టూడెంట్ అయితే డీజీపీ కూతురుని ప్రేమించడానికి ధైర్యం కావాలేమో కానీ, ఇంటర్నేషనల్ క్రికెటర్‌‌గా గుర్తింపు తెచ్చుకున్నోడికి అవసరం లేదుగా... మయాంక్ అగర్వాల్ లవ్ స్టోరీ కూడా ఇలాగే మొదలైంది...

మయాంక్ అగర్వాల్ భార్య ఆశితా సూద్, జనవరి 9న తన 29వ పుట్టినరోజు జరుపుకుంది... భర్తతో కలిసి సఫారీ టూర్‌లో ఉన్న ఆశితా సూద్, కేప్ టౌన్‌లో బర్త్ డే జరుపుకుంది...

కర్ణాటక రాష్ట్ర డైరెక్టర్ జనరల్ ఆఫ్ పోలీస్ (డీజీపీ) ప్రవీణ్ సూద్ గారాల కూతురే ఈ ఆశితా సూద్... ఆశితాను డిగ్రీ చదివే సమయంలో కలిశాడు మయాంక్ అగర్వాల్...

అప్పటి నుంచి మంచి స్నేహితులుగా ఉన్న ఈ ఇద్దరూ, ఆ తర్వాత ప్రేమికులుగా మారారట. లండన్‌లోని ప్రఖ్యాత ‘ది లండన్ ఐ’ టవర్ మీద మోకాళ్ల మీద కూర్చొని మరీ ప్రపోజ్ చేశాడు మయాంక్ అగర్వాల్..

ఆశితా వెంటనే మయాంక్ అగర్వాల్ ప్రేమను ఒప్పుకోవడంతో ఈ ఇద్దరి ప్రేమకథ పెళ్లికి దారి తీసింది. నిజానికి ‘మన్మథుడు’ సినిమాలో నాగ్ చెప్పినట్టు ‘ఐఫిల్ టవర్ మీద ప్రపోజ్ చేస్తే... నో చెప్పదని’ ఐడియాను ఫాలో అయ్యాడట మయాంక్..

‘లండన్ ఐ’ నుంచి అందమైన లండన్ నగరాన్ని చూపిస్తూ... ‘నా జీవితంలో నవ్వుంటే ఇంతకంటే అందంగా ఉంటుందని’ ప్రపోజ్ చేశాడట మయాంక్...

మయాంక్ ప్రపోజ్ చేసిన విధానానికి ఫ్లాట్ అయిన ఆశితా... వెంటనే ఒకే చెప్పేసింది. డిసెంబర్ 30, 2017న ఆశితాకు ప్రపోజ్ చేసిన మయాంక్, 2018, జూన్ 4న వివాహం చేసుకున్నాడు.

క్రికెట్‌తో పాటు మయాంక్ అగర్వాల్, ఆయన భార్య ఆశితాకు ట్రావెల్ అంటే చాలా ఇష్టం. ఈ ఇద్దరూ కలిసి పారిస్, మాల్దీవులు వంటి ఎన్నో పర్యాటక ప్రదేశాలను చుట్టి వచ్చారు.

ఐపీఎల్‌లో గత రెండు సీజన్లలో పంజాబ్ కింగ్స్‌కి కీలక ఆటగాడిగా మారిన మయాంక్ అగర్వాల్‌ను ఆ జట్టు రిటైన్ చేసుకుంది. మయాంక్ అగర్వాల్‌తో పాటు అన్‌క్యాప్డ్ ప్లేయర్ అర్ష్‌దీప్ సింగ్‌ని మాత్రమే అట్టిపెట్టుకుంది పంజాబ్ కింగ్స్...