రాహుల్ విషయంలో అలా, జస్ప్రిత్ బుమ్రాకి ఇలా... క్రీజులో బుమ్రాకి సలహాలు ఇచ్చిన విరాట్ కోహ్లీ...
కెప్టెన్గా విరాట్ కోహ్లీ శకం ఈ ఏడాది ఆరంభంలోనే ముగిసింది. సౌతాఫ్రికా టూర్లో కేప్టౌన్ టెస్టు తర్వాత టెస్టు కెప్టెన్సీ నుంచి తప్పుకుంటున్నట్టు ప్రకటించి అందర్నీ ఆశ్చర్యపరిచాడు విరాట్ కోహ్లీ. కెప్టెన్సీ నుంచి తప్పుకున్నా విరాట్ కోహ్లీ యాటిట్యూడ్లో మాత్రం మార్పు రాలేదు...
కెప్టెన్సీ నుంచి తప్పుకున్న తర్వాత కెఎల్ రాహుల్ కెప్టెన్సీలో సౌతాఫ్రికా టూర్లో వన్డే సిరీస్ ఆడాడు విరాట్ కోహ్లీ. వన్డేల్లో అత్యధిక విజయాల శాతం నమోదు చేసిన విరాట్ని వన్డే కెప్టెన్సీ నుంచి తప్పిస్తూ బీసీసీఐ నిర్ణయం తీసుకున్న విషయం తెలిసిందే...
ఈ వన్డే సిరీస్లో రాహుల్ కెప్టెన్సీలో భారత జట్టు మూడు వన్డేల్లోనూ ఓడి క్లీన్ స్వీప్ అయ్యింది. ఈ సిరీస్లో రెండు హాఫ్ సెంచరీలు చేసిన విరాట్ కోహ్లీ, టీమిండియా క్లిష్ట పరిస్థితుల్లో ఉన్నా తనకేం పట్టనట్టుగా ప్రవర్తించాడు...
టీమిండియా వరుస వికెట్లు కోల్పోతున్నప్పుడు, వికెట్లు తీయలేక భారత బౌలర్లు ఇబ్బందిపడుతున్నప్పుడు విరాట్ కోహ్లీ ఛిల్ అవుతూ కనిపించడం చూసి... సగటు టీమిండియా అభిమాని షాక్ అయ్యాడు...
తనను వన్డే కెప్టెన్సీ నుంచి తప్పిస్తూ బీసీసీఐ తీసుకున్న నిర్ణయానికి అనుభవించడంటూ విరాట్ కోహ్లీ ఇలా ప్రవర్తించాడంటూ సోషల్ మీడియాలో మీమ్స్ కూడా వైరల్ అయ్యాయి. ఆ తర్వాత శ్రీలంకతో జరిగిన టెస్టు సిరీస్లోనూ విరాట్ కోహ్లీ, రోహిత్ శర్మ కెప్టెన్సీలో జోక్యం చేసుకోలేదు...
కీలక సమయాల్లో రోహిత్ శర్మకు సలహాలు ఇవ్వడం తప్ప, విరాట్ కోహ్లీ యాటిట్యూడ్ కెప్టెన్గా కనిపించలేదు. ప్రస్తుతం కెఎల్ రాహుల్, రోహిత్ శర్మ గైర్హజరీలో ఇంగ్లాండ్తో జరుగుతున్న ఐదో టెస్టులో కొత్త కెప్టెన్ జస్ప్రిత్ బుమ్రాకి సలహాలు, సూచనలు ఇస్తూ... మాజీ కెప్టెన్గా తన బాధ్యత నిర్వర్తిస్తూ కనిపించాడు విరాట్ కోహ్లీ...
రెగ్యూలర్ కెప్టెన్ రోహిత్ శర్మ జట్టుకి అందుబాటులో లేనప్పుడు, కెప్టెన్గా తొలి మ్యాచ్ ఆడుతున్న జస్ప్రిత్ బుమ్రాకి అండగా నిలబడి బౌలింగ్ మార్పులు, ఫీల్డింగ్ మార్పుల వంటి విషయాలపై సూచనలు ఇవ్వడంతో పాటు ఫీల్డ్లో మునుపటి ఎనర్జీతో కనిపించాడు విరాట్ కోహ్లీ...
మరీ ఐపీఎల్ 2022 సీజన్లో కెప్టెన్ రవీంద్ర జడేజాని పట్టించుకోకుండా తానే ఫీల్డింగ్లో మార్పులు చేయకుండా... కెప్టెన్ జస్ప్రిత్ బుమ్రా దగ్గరికి వెళ్లి విరాట్ కోహ్లీ తన అభిప్రాయం పంచుకోవడాన్ని క్రికెట్ ఫ్యాన్స్ స్వాగతిస్తున్నారు...
అయితే జస్ప్రిత్ బుమ్రాకి సహకరించినట్టుగా కెఎల్ రాహుల్కి సలహాలు, సూచనలు చేసి ఉంటే టీమిండియా వన్డే సిరీస్ కోల్పోయేది కాదు కదా అంటున్నారు నెటిజన్లు. సౌతాఫ్రికాలో వన్డే సిరీస్ నెగ్గిన మొట్టమొదటి కెప్టెన్ విరాట్ కోహ్లీకి అక్కడ ఒక్క మ్యాచ్ గెలిపించడం కష్టమైనా పనా? అంటున్నారు ఆయన ఫాలోవర్లు...