INDvsAUS: మొదటి వన్డేల్లో టీమిండియా ఓటమి... ధావన్, పాండ్యాల పోరాటం వృధా
INDvAUS: ఆసీస్ టూర్‌ని ఓటమితో ప్రారంభించింది భారత జట్టు. బౌలింగ్, ఫీల్డింగ్, బ్యాటింగ్ విభాగాల్లో విఫలమై మొదటి వన్డేలో చెత్త ప్రదర్శన కనబర్చింది. 375 పరుగుల భారీ లక్ష్యంతో బరిలో దిగిన టీమిండియా నిర్ణీత 50 ఓవర్లలో 8 వికెట్లు కోల్పోయి 308 పరుగులకి పరిమితమైంది. ఆస్ట్రేలియా జట్టు 66 పరుగుల తడాతో ఘనవిజయం అందుకుంది. 101 పరుగులకే 4 వికెట్లు కోల్పోయిన టీమిండియాకు శిఖర్ ధావన్, హార్ధిక్ పాండ్యా కలిసి అద్భుత భాగస్వామ్యం నిర్మించి ఆదుకునే ప్రయత్నం చేశారు. అయితే కీలక సమయంలో ఈ ఇద్దరూ అవుట్ కావడంతో టీమిండియా విజయాన్ని అందుకోలేకపోయింది. మూడు వన్డేల సిరీస్‌ను ఓటమితో ఆరంభించిన టీమిండియా, రెండో వన్డేను ఇదే సిడ్నీ స్టేడియంలో ఆదివారం తలబడబోతోంది.
Follow375 పరుగుల టార్గెట్ చేధనను ధాటిగా ఆరంభించింది టీమిండియా. ఓపెనర్లు మయాంక్ అగర్వాల్, శిఖర్ ధావన్ బౌండరీల మోతతో ఇన్నింగ్స్‌ను ఆరంభించారు. 5.3 ఓవర్లలోనే మొదటి వికెట్‌కి 53 పరుగుల భాగస్వామ్యం నెలకొల్పారు ఈ ఇద్దరూ.
అయితే మయాంక్ అగర్వాల్ 22 పరుగులు చేసి అవుట్ కాగా వన్‌డౌన్‌లో వచ్చిన కెప్టెన్ విరాట్ కోహ్లీ 21, శ్రేయాస్ అయ్యర్ 2 పరుగులు చేసి వెంటవెంటనే పెవిలియన్ చేరారు. ఈ ముగ్గురినీ అవుట్ చేసిన జోష్ హజల్‌వుడ్ టీమిండియాని కోలుకోలేని దెబ్బ తీశాడు.
ఆదుకుంటాడనున్న కెఎల్ రాహుల్ కూడా 12 పరుగులకే అవుట్ అయ్యాడు. ఐపీఎల్‌లో 670 పరుగులు చేసిన కెఎల్ రాహుల్ ఆరెంజ్ క్యాప్ కూడా అందుకున్నాడు.
101 పరుగులకే 4 వికెట్లు కోల్పోయి కష్టాల్లో పడిన టీమిండియాను శిఖర్ ధావన్, హార్ధిక్ పాండ్యా కలిసి ఆదుకునే ప్రయత్నం చేశారు.
ఐదో వికెట్‌కి 128 పరుగులు జోడించిన ఈ ఇద్దరూ హాఫ్ సెంచరీలు పూర్తిచేసుకున్నారు.
శిఖర్ ధావన్ 86 బంతుల్లో 10 ఫోర్లతో 74 పరుగులు చేసి ఆడమ్ జంపా బౌలింగ్‌లో అవుట్ అయ్యాడు.
ఆల్‌రౌండర్ హార్ధిక్ పాండ్యా 76 బంతుల్లో 7 ఫోర్లు, 4 సిక్సర్లతో 90 పరుగులు చేశాడు.
2017లో ఆస్ట్రేలియాపైనే 83 పరుగులు చేసిన హార్ధిక్ పాండ్యాకి వన్డేల్లో ఇదే అత్యధిక వ్యక్తిగత స్కోరు.
ఆరో నెంబర్, అంతకంటే దిగువన బ్యాటింగ్‌కి వచ్చి అత్యధిక స్కోరు చేసిన భారత బ్యాట్స్‌మెన్‌గా నిలిచాడు హార్ధిక్ పాండ్యా.
2008లో మహేంద్ర సింగ్ ధోనీ 88 పరుగులతో అజేయంగా నిలవగా, హార్ధిక్ పాండ్యా 90 పరుగులు చేసి ఆరో స్థానంలో అత్యధిక పరుగులు చేసిన టాప్ స్కోరర్‌గా నిలిచాడు.
సచిన్, సెహ్వాగ్, అజారుద్దీన్, గంభీర్, కోహ్లీ, రోహిత్ శర్మ తర్వాత ఆస్ట్రేలియాలో వన్డేల్లో 90ల్లో అవుటైన భారత బ్యాట్స్‌మెన్‌గా నిలిచాడు హార్ధిక్ పాండ్యా...
కీలక దశలో శిఖర్ ధావన్, హార్ధిక్ పాండ్యా వికెట్లు కోల్పోవడంతో గెలుపుపై ఆశలు కోల్పోయింది టీమిండియా...
రవీంద్ర జడేజా 37 బంతుల్లో 25 పరుగులు చేసి జంపా బౌలింగ్‌లోనే అవుట్ అయ్యాడు.
ఆఖర్లో నవ్‌దీప్ సైనీ, మహ్మద్ సైనీ బౌండరీలతో పోరాడినా...రన్‌రేటు భారీగా పెరిగిపోవడంతో కేవలం ఓటమి తేడాను తగ్గించగలిగారు.
షమీ 13 పరుగులు చేయగా నవ్‌దీప్ సైనీ 29 పరుగులు చేశాడు. ఆస్ట్రేలియా బౌలర్లలో హజల్‌వుడ్‌కి 3, ఆడమ్ జంపాకి నాలుగు వికెట్లు దక్కాయి. మిచెల్ స్టార్క్ ఓ వికెట్ తీశాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
![Jallikattu: Fierce Bull Taming Competition in [Location Name]](https://static-gi.asianetnews.com/images/external/image-9de2a7fa-2f0d-46c8-96ef-845e864a92dc_180x120xt.jpg "Jallikattu: Fierce Bull Taming Competition in [Location Name]")
