ICC అవార్డ్స్ ఆఫ్ ది డికేడ్... దశాబ్ది అవార్డుల నామినేషన్లలో ఎవరెవరు ఉన్నారంటే...
First Published Nov 24, 2020, 4:05 PM IST
ఐసీసీ ర్యాంకింగ్‌లో టాప్‌లో నిలవడం ఓ గొప్ప ఖ్యాతిగా భావిస్తారు క్రికెటర్లు. ఏటా అందించే ఐసీసీ అవార్డులు కూడా ఎంతో ప్రతిష్టాత్మకమైనవి. అలాంటిది ఈసారి దశాబ్దానికి సంబంధించి అవార్డులను ఇవ్వబోతున్నట్టు ప్రకటించింది అంతర్జాతీయ క్రికెట్ మండలి. 2011 నుంచి 2020 మధ్య దశాబ్ద కాలంలో అంతర్జాతీయ క్రికెట్‌లో సత్తా చాటిక పురుషుల, మహిళల క్రికెటర్లకు ఈ అవార్డులు దక్కబోతున్నాయి. ఈ నామినేషన్లలో ఎవరెవరు ఉన్నారంటే...
ఐసీసీ ప్లేయర్ ఆఫ్ ది డికేడ్ (మెన్స్): దశాబ్ద కాలంలో 20వేలకు పైగా పరుగులు చేసిన ఏకైక క్రికెటర్‌గా రికార్డు క్రియేట్ చేశాడు భారత సారథి విరాట్ కోహ్లీ. ఐసీసీ ప్లేయర్ ఆఫ్ ది డికేడ్ నామినేషన్లలో విరాట్ కోహ్లీతో పాటు టీమిండియా తరుపు నుంచి రవిచంద్రన్ అశ్విన్ కూడా నిలిచాడు. ఇంగ్లాండ్ నుంచి జో రూట్, న్యూజిలాండ్ నుంచి కేన్ విలియంసన్, సౌతాఫ్రికా మాజీ క్రికెటర్ ఏబీ డివిల్లియర్స్, ఆస్ట్రేలియా ప్లేయర్ స్టీవ్ స్మిత్‌తో పాటు శ్రీలంక మాజీ కెప్టెన్ కుమార సంగర్కర కూడా ఐసీసీ ప్లేయర్ ఆఫ్ ది డికేడ్ నామినేషన్స్‌లో ఉన్నారు.
ఐసీసీ ప్లేయర్ ఆఫ్ ది డికేడ్ (వుమెన్స్): టీమిండియా తరుపున అత్యధిక పరుగులు చేసిన వన్డే, టెస్టు టీమ్ కెప్టెన్ మిథాలీరాజ్ ఐసీసీ వుమెన్ ప్లేయర్ ఆఫ్ ది డికేడ్ నామినేషన్లలో నిలిచింది. ఆమెతో పాటు ఆసీస్ ప్లేయర్లు ఎల్లీసీ పెర్రీ, మెగ్ లానింగ్, న్యూజిలాండ్ ప్లేయర్ సుజీ బేట్స్, విండీస్ ప్లేయర్ స్టాఫనీ టేలర్, ఇంగ్లాండ్ మాజీ ప్లేయర్ సారా టేలర్ ఈ నామినేషన్స్‌లో పోటీపడబోతున్నారు.
Today's Poll
మీరు ఎంత మందితో ఆన్ లైన్ గేమ్స్ ఆడడానికి ఇష్టపడుతారు?
