SRH : బుల్లెట్ బంతులతో రెచ్చిపోయే ఈ ఇద్దరూ... ఎస్ఆర్‌హెచ్ మ్యాచ్ విన్నర్స్ అవుతారా?

Indian Premier League 2025 : ఈసారి సన్ రైజర్స్ హైదరాబాద్ బ్యాటింగ్ తో పాటు బౌలింగ్ కూడా బలంగా కనిపిస్తోంది. హర్షల్ పటేల్, సిమర్జిత్ సింగ్ బంతితో అద్బుతాలు చేయగలరు. 

Harshal Patel

హర్షల్ పటేల్ : టీ20 స్పెషలిస్ట్ ఆల్ రౌండర్ హర్షల్ పటేల్ ఐపిఎల్ లో అద్భుతాలు చేయగల ఆటగాళ్లలో ఒకడు. అంతర్జాతీయ టీ20లో టీమిండియాకు ఆడిన అనుభవం ఈ ఐపిఎల్ లో అతడికి కలిసిరావచ్చు. అందువల్లే సన్ రైజర్స్ హైదరాబాద్ కు ఇతడు  కీలకమైన ఆటగాడు. 

హర్షల్ పటేల్ మంచి బ్యాట్ మెన్ మాత్రమే కాదు మీడియం పేస్ బౌలర్. గతంలో బెంగళూరు. పంజాబ్, డిల్లీ తరపున ఆడిన అతడు ప్రస్తుతం సన్ రైజర్స్ లో కొనసాగుతున్నారు. అవసరమైనప్పుడు బాల్ తోనే కాదు బ్యాట్ తోనూ అద్భుతాలు చేయగలడు. మ్యాచ్ విన్నింగ్ ఇన్నింగ్స్ ఆడే సత్తాగల ఆటగాడు హర్షల్ పటేల్.  

హర్షల్ పటేల్ ను తెలుగు ఫ్యాన్స్ 'హబ్సిగూడ హర్షల్' అని ముద్దుగా పిలుచుకుంటున్నారు. ఇలా తమ అభిమాన టీం తరపున ఆడుతున్న అతడిని తమవాడిగానే ట్రీట్ చేస్తున్నారు. హర్షల్ కూడా తెలుగు ఫ్యాన్స్ కు మరింత దగ్గర కావాలంటే సన్ రైజర్స్ హైదరాబాద్ ను గెలిపించే మంచి ఇన్నింగ్స్ ఆడాల్సివుంటుంది. అతడు చెలరేగితే ఇదేమంత కష్టం కాదు. 

Simarjeet Singh

సిమర్జీత్ సింగ్ : డిల్లీకి చెందిన ఈ సిమర్జిత్ సింగ్ బుల్లెట్ వేగంతో బంతులు వేయగల పేస్ బౌలర్. ఇతడు నెట్ బౌలర్ స్థాయి నుండి ప్రధాన బౌలర్ గా ఎదిగాడు. ఇతడి సామర్థ్యాన్ని గుర్తించిన సన్ రైజర్స్ యాజమాన్యం జట్టులో చేర్చుకుంది. 

సిమర్జిత్ కళ్లుచెదిరే వేగంతో లైన్ ఆండ్ లెంగ్త్ తో బౌలింగ్ చేయగలడు. క్రీజులో కురుదురుకున్న బ్యాట్ మెన్స్ ను కూడా ముప్పుతిప్పలు పెట్టగల బౌలింగ్ ప్రదర్శన చేయగలడు. పరుగులు ఇవ్వకుండా పొదుపుగా బౌలింగ్ చేయగలడు... వికెట్లు తీయగలడు... మచి ఫీల్డర్ కూడా.  ఇలా సిమర్జిత్ ఎంట్రీతో సన్ రైజర్స్ బౌలింగ్ విభాగం మరింత బలంగా మరిందనే చెప్పాలి. 

సిమర్జిత్ ఇంకా తెలుగు క్రికెట్ ప్రియులకు పెద్దగా పరిచయంలేదు... కానీ ఈ సీజన్ ముగిసేలోపు గుర్తుండిపోయే పేరును సంపాదించుకునేలా కనిపిస్తున్నాడు. ఇతడికి సికింద్రాబాద్ సిమర్జిత్ అని ముద్దుగా పిలుచుకునే రోజుల దగ్గర్లోనే ఉంది. అతడి బౌలింగ్ సన్ రైజర్స్ కు చాలా ప్లస్ కానుంది.