అప్పుడు ధోనీ, ఇప్పుడు హర్మన్‌ప్రీత్ కౌర్... జెర్సీ నెం.7లో ఉన్న మ్యాజిక్కే వేరబ్బా...

జెర్సీ నెం.7... ఇది ఓ ఎమోషన్. ఫుట్‌బాల్ ప్రపంచంలో జెర్సీ నెం.7 ధరించే క్రిస్టియానో రొనాల్డో ఆటకు ప్రపంచం దాసోహం అంటే, క్రికెట్ ప్రపంచంలో అలాంటి క్రేజ్ దక్కించుకున్నాడు మహేంద్ర సింగ్ ధోనీ. క్రికెట్ ఆడే ప్రతీ దేశంలోనూ మాహీకి అభిమానులు ఉంటారు...

Image credit: PTI

ఐపీఎల్‌లో మోస్ట్ సక్సెస్‌ఫుల్ కెప్టెన్‌గా ఖ్యాతి గడించిన మహేంద్ర సింగ్ ధోనీ, 2023 సీజన్‌తో తన క్రికెట్ కెరీర్‌కి ముగింపు పలకబోతున్నాడు..  ధోనీ ఎడ్జిట్ అవుతున్న ఏడాదే, ఉమెన్స్ ప్రీమియర్ లీగ్‌లో జెర్సీ నెం.7 ఎంట్రీ ఇచ్చింది. మహిళా క్రికెట్ టీమ్ కెప్టెన్ హర్మన్‌ప్రీత్ కౌర్ జెర్సీ నెం.7 గౌరవాన్ని కాపాడుతోంది...

ఉమెన్స్ ప్రీమియర్ లీగ్‌లో ముంబై ఇండియన్స్‌కి కెప్టెన్‌గా వ్యవహరిస్తున్న హర్మన్‌ప్రీత్ కౌర్, మొదటి మూడు మ్యాచుల్లోనూ విజయాలు అందుకుని హ్యాట్రిక్ అందుకుంది. గుజరాత్ జెయింట్స్‌తో జరిగిన మ్యాచ్‌లో 143 పరుగుల భారీ తేడాతో ఘన విజయం అందుకుంది హర్మన్‌ప్రీత్ టీమ్...

రాయల్ ఛాలెంజర్స్ బెంగళూరు టీమ్‌తో జరిగిన రెండో మ్యాచ్‌లో 156 పరుగుల టార్గెట్‌ని కేవలం 14.2 ఓవర్లలోనే ఛేదించి పక్కన పడేసింది ముంబై ఇండియన్స్. తాజాగా ఢిల్లీ క్యాపిటల్స్‌తో మ్యాచ్‌లో టాప్ క్లాస్ పర్ఫామెన్స్ ఇచ్చింది ముంబై ఇండియన్స్..

105 పరుగులకే ఢిల్లీ క్యాపిటల్స్‌ని ఆలౌట్ చేసిన ముంబై ఇండియన్స్, ఈ టార్గెట్‌ని 15 ఓవర్లలోనే ఛేదించింది. ఐపీఎల్‌లో బిగ్గెస్ట్ విన్ సాధించిన టీమ్ ముంబై ఇండియన్స్. ఢిల్లీ డేర్‌డెవిల్స్‌తో జరిగిన మ్యాచ్‌లో 146 పరుగుల తేడాతో గెలిచింది ముంబై. ఉమెన్స్ ప్రీమియర్ లీగ్‌లో 143 పరుగుల తేడాతో నెగ్గింది ముంబై...

మొదటి మూడు మ్యాచుల్లోనూ ముంబై ఇండియన్స్ ప్రత్యర్థి జట్టుని ఆలౌట్ చేయడం విశేషం. ఐపీఎల్‌లో కెప్టెన్‌గా మొదటి మూడు మ్యచుల్లోనూ గెలిచిన కెప్టెన్ మహేంద్ర సింగ్ ధోనీ. ఉమెన్స్ ప్రీమయర్ లీగ్‌లో ఈ ఘనత సాధించింది హర్మన్‌ప్రీత్ కౌర్..

ఓవరాల్‌గా ఐపీఎల్‌లో ధోనీతో పాటు సచిన్ టెండూల్కర్, రోహిత్ శర్మ, జార్జ్ బెయిలీ, కేన్ విలియంసన్, హార్ధిక్ పాండ్యా... మొదటి మూడు మ్యాచుల్లో విజయాలు అందుకున్నారు. వీరిలో ధోనీ, రోహిత్ శర్మ, హార్ధిక్ పాండ్యా టైటిల్స్ గెలవగా సచిన్ టెండూల్కర్, జార్జ్ బెయిలీ, కేన్ విలియంసన్ తమ టీమ్స్‌ని ఫైనల్ చేర్చగలిగారు..  హర్మన్‌ప్రీత్ కౌర్ ఇందులో ఏ ఘనత సాధిస్తుందో చూడాలి..