ద్రవిడ్ నుండి బుమ్రా వరకు... టెస్ట్ క్రికెటర్ ఆఫ్ ది ఇయర్‌గా నిలిచిన భార‌త ప్లేయ‌ర్లు వీరే

ICC Test Cricketer of the Year Award 2024: భారత జట్టు ఫాస్ట్ బౌలర్ జస్ప్రీత్ బుమ్రాకు ఐసీసీ పెద్ద గౌరవం ఇచ్చింది. 2024 సంవత్సరానికి ఐసీసీ టెస్ట్ క్రికెట్ ఆఫ్ ది ఇయర్ అవార్డుకు ఎంపికయ్యాడు. భారత్ నుంచి ఈ అవార్డును గెలుచుకున్న ఆరో ఆటగాడిగా నిలిచాడు. 

Virender Sehwag, Virat Kohli, Jasprit Bumrah

ICC Test Cricketer of the Year Award 2024: భార‌త స్టార్ పేస‌ర్ జ‌స్ప్రీత్ బుమ్రా మ‌రో మైలురాయి అందుకున్నాడు. 2024 ఏడాదికి గానూ ఐసీసీ టెస్ట్ క్రికెట్ ఆఫ్ ది ఇయర్ అవార్డుకు ఎంపికయ్యాడు. 2024లో భారత్ తరఫున 13 మ్యాచ్‌లు ఆడి 71 మంది బ్యాట్స్‌మెన్‌లను బుమ్రా అవుట్ చేశాడు. 

గతేడాది ఐదు వన్డేల్లో అత్యధిక వికెట్లు తీసిన బౌలర్‌గా నిలిచాడు. అలాగే, పెర్త్‌లోని ఆప్టస్ స్టేడియంలో జరిగిన బోర్డర్-గవాస్కర్ ట్రోఫీ మొదటి టెస్ట్‌లో ఆస్ట్రేలియాను 295 పరుగుల తేడాతో భార‌త్ గెలిపించాడు. బోర్డ‌ర్ గ‌వాస్క‌ర్ ట్రోఫీలో అత్య‌ధిక వికెట్లు తీసిన బౌల‌ర్ గా నిలిచాడు. మొత్తంగా 2024లో అద్భుత ప్ర‌ద‌ర్శ‌న చేశాడు. ఇప్పటివరకు ఐసీసీ టెస్ట్ క్రికెర్ ఆఫ్ ది ఇయర్ అవార్డును గెలుచుకున్న భారత ఆటగాళ్ల ఎవరో ఇప్పుడు తెలుసుకుందాం.

Image Credit: Twitter/Sarang Bhalerao

రాహుల్ ద్రవిడ్ (2004):

భారత మాజీ కెప్టెన్, మాజీ ప్రధాన కోచ్ రాహుల్ ద్రవిడ్ ఐసీసీ టెస్ట్ క్రికెటర్ ఆఫ్ ది ఇయర్ అవార్డును గెలుచుకున్న మొదటి భారతీయ ఆటగాడు. 2004లో భారత్ తరఫున ఐదు మ్యాచ్‌ల్లో 803 పరుగులు చేశాడు. 2004లో టెస్టులో ద్రవిడ్ బ్యాటింగ్ సగటు 100.37. అతను 10 ఇన్నింగ్స్‌ల్లో రెండు సెంచరీలు, మూడు అర్ధ సెంచరీలు సాధించాడు. అడిలైడ్ ఓవల్‌లో ఆస్ట్రేలియాపై 233 పరుగులు చేయడం అతని అత్యుత్తమ స్కోరు.

Gautam Gambhir, Gambhir

గౌతమ్ గంభీర్ (2009): 

ప్రస్తుత భారత ప్రధాన కోచ్ గౌతమ్ గంభీర్ 2009లో ఐసీసీ టెస్ట్ క్రికెటర్ ఆఫ్ ది ఇయర్ అవార్డును గెలుచుకున్నాడు. గంభీర్ 2009లో భారత్ తరఫున ఐదు టెస్టు మ్యాచ్‌లు ఆడాడు. ఈ సమయంలో నాలుగు సెంచరీలు, ఒక అర్ధ సెంచరీ సాయంతో 727 పరుగులు సాధించాడు. ఆ ఏడాది టెస్టులో గంభీర్ బ్యాటింగ్ సగటు 90.87. అతను ప్రపంచ నంబర్-1 టెస్ట్ బ్యాట్స్‌మెన్‌గా కూడా నిలిచాడు.

cricket virender sehwag

వీరేంద్ర సెహ్వాగ్ (2010):

టీమిండియా మాజీ ఓపెనర్ వీరేంద్ర సెహ్వాగ్ 14 మ్యాచ్‌ల్లో 1422 పరుగులు చేసినందుకు 2010లో ఐసీసీ టెస్ట్ క్రికెటర్ ఆఫ్ ది ఇయర్ అవార్డును గెలుచుకున్నాడు. సెహ్వాగ్ 2010లో మహేంద్ర సింగ్ ధోని నేతృత్వంలోని జట్టులో రెడ్ హాట్ ఫామ్‌లో ఉన్నాడు. అతను ఐదు సెంచరీలు, ఎనిమిది అర్ధ సెంచరీలు చేశాడు. సెహ్వాగ్ బ్యాటింగ్‌తో పాటు 2010లో తొమ్మిది వికెట్లు కూడా పడగొట్టాడు. అతని ప్రదర్శనను పరిగణనలోకి తీసుకున్న ఐసీసీ ఈ అవార్డుకు ఎంపిక చేసింది.

Image Credit: Getty Images

రవిచంద్రన్ అశ్విన్ (2016): 

ఇటీవ‌ల ఆస్ట్రేలియా పర్యటన సందర్భంగా రవిచంద్రన్ అశ్విన్ అంతర్జాతీయ క్రికెట్‌కు రిటైర్మెంట్ ప్రకటించాడు. అయితే, అత‌ను భార‌త్ కు అనేక అద్భుత‌మైన విజ‌యాలు అందించాడు. టెస్టు క్రికెట్‌లో భారత్ తరఫున అత్యధిక వికెట్లు తీసిన రెండో బౌలర్. 38 ఏళ్ల స్పిన్నర్ 2016లో ఐసీసీ టెస్ట్ క్రికెటర్ ఆఫ్ ద ఇయర్ అవార్డును గెలుచుకున్నాడు. అశ్విన్ ఆ ఏడాది భారత్ తరఫున 12 మ్యాచ్‌లు ఆడి 72 వికెట్లు తీసుకున్నాడు. అలాగే, బ్యాటింగ్‌తో 612 పరుగులు కూడా చేశాడు.

విరాట్ కోహ్లీ (2018)

ఆధునిక యుగంలోని గొప్ప బ్యాట్స్‌మెన్‌లలో ఒకరైన విరాట్ కోహ్లీ 2018లో ఐసీసీ టెస్ట్ క్రికెటర్ ఆఫ్ ద ఇయర్ అవార్డును గెలుచుకున్నాడు. 36 ఏళ్ల కోహ్లీ టెస్టు క్రికెట్‌లో 9000కు పైగా పరుగులు చేశాడు. 2018లో 13 టెస్టుల్లో 1322 పరుగులు చేశాడు. ఆ ఏడాది టెస్టుల్లో కోహ్లీ బ్యాటింగ్ సగటు 55.08గా ఉంది. అతను ఐదు సెంచరీలు, ఐదు అర్ధ సెంచరీలు చేశాడు.

Jasprit Bumrah

జస్ప్రీత్ బుమ్రా (2024): 

ప్రపంచ నంబర్-1 టెస్ట్ బౌలర్ జస్ప్రీత్ బుమ్రా 2024లో భారత్ తరఫున 13 మ్యాచ్‌లు ఆడాడు. ఈ సమయంలో అతను 71 వికెట్లు తీశాడు. 2024లో ఏ బౌలర్‌కైనా ఇదే అత్యుత్తమ ప్రదర్శన. బుమ్రా టెస్టుల్లో ఐదుసార్లు ఐదు వికెట్లు తీశాడు. ఇది కాకుండా, క్రికెట్‌లోని మూడు ఫార్మాట్లలో ICC ర్యాంకింగ్స్‌లో నంబర్-1 స్థానాన్ని సాధించిన మొదటి బౌలర్‌గా కూడా అతను నిలిచాడు. ఐసీసీ బుమ్రా ప్రదర్శనను విస్మరించలేదు అందుకే అతనిని టెస్ట్ క్రికెటర్ ఆఫ్ ది ఇయర్‌గా ఎంపిక చేసింది.