వేరేవాళ్లతో చేస్తే ఊరుకుంటారా... ఏదైనా మా ఆయనపైనే... దినేశ్ కార్తీక్ భార్య దీపికా పల్లికల్‌ కామెంట్!

First Published Mar 5, 2021, 3:33 PM IST

టీమిండియాలో ఉన్న స్పోర్ట్స్ కపుల్, భారత వికెట్ కీపర్ బ్యాట్స్‌మెన్ దినేశ్ కార్తీక్, స్క్వాష్ ప్లేయర్ దీపికా పల్లికల్ జోడి. మోస్ట్ బ్యూటీఫుల్ స్పోర్ట్స్ వుమెన్‌గా గుర్తింపు తెచ్చుకున్న దీపికా పల్లికల్‌కి సోషల్ మీడియాలో మంచి ఫాలోయింగ్ కూడా ఉంది.

తాజాగా ఓ ప్రైవేట్ ఈవెంట్‌కి ముఖ్యఅతిథిగా హాజరైంది భారత స్క్వాష్ ప్లేయర్ దీపికా పల్లికల్... ఇదే ఈవెంట్‌కి భారత బాక్సర్ నిఖత్ జరీన్, 2017 మిస్ ఇండియా వరల్డ్ మానుషి చిల్లర్ కూడా హాజరైంది... ఈ ఈవెంట్‌లో ఓ ఆసక్తికర కామెంట్ చేసింది దీపికా..

భారత బాక్సర్ నిఖత్ జరీన్... బాక్సింగ్ రింగ్‌లో తన ఫెవరెట్ పంచ్ గురించి చెప్పుకొచ్చింది. హుక్ పంచ్‌తో ప్రత్యర్థిని పడగొట్టడం అంటే తనకెంతో ఇష్టమని చెప్పింది నిఖత్ జరీన్...

‘హుక్ పంచ్‌ను నువ్వు ఎవరిపై వాడతావు?’ అని నిఖత్ జరీన్, దీపికా పల్లికల్‌ను ప్రశ్నించగా... ‘వేరే వాళ్లపై ప్రయోగిస్తే, ఎవరు మాత్రం ఊరుకుంటారు... అందుకే నేను మా ఆయనపై వాడతా. ఈరోజు ఇంటికి వెళ్లగానే నా భర్త కార్తీక్‌పై దీన్ని ప్రయోగిస్తా...’ అంటూ సమాధానం చెప్పి నవ్వేసింది..

దేశవాళీ క్రికెట్‌లో స్టార్‌గా ఎదిగిన దినేశ్ కార్తీక్ జీవితంలోకి దీపికా పల్లికల్ వచ్చిన విధానం కూడా చాలా వింతగా ఉంటుంది... 2007, మేలో నికితాని పెళ్లాడాడు దినేశ్ కార్తీక్. అయితే మరో క్రికెటర్ మురళీ విజయ్‌తో నికితా అక్రమ సంబంధం ఏర్పరచుకుంది.

ఈ విషయాన్ని గుర్తించిన దినేశ్ కార్తీక్, నికితాకి 2012లో విడాకులు ఇచ్చేశాడు. ఆ తర్వాత ఏడాదికి దీపికా పల్లికల్‌తో దినేశ్ కార్తీక్‌కి పరిచయం ఏర్పడింది. జిమ్‌లో కలిసిన ఈ ఇద్దరూ 2015లో పెళ్లి చేసుకున్నారు...

కామన్వెల్త్ గేమ్స్‌లో పతకం సాధించిన మొట్టమొదటి భారత స్క్వాష్ ప్లేయర్‌గా నిలిచిన దీపికా పల్లికల్, ఓవరాల్‌గా ఆసియా క్రీడల్లో నాలుగు, కామన్వెల్త్ క్రీడల్లో మూడు పతకాలు గెలుచుకుంది...

టీమిండియా చోటు కోల్పోయిన వికెట్ కీపర్ బ్యాట్స్‌మెన్ దినేశ్ కార్తీక్, ప్రస్తుతం విజయ్ హాజారే ట్రోఫీ 2021 సీజన్‌లో తమిళనాడుకి కెప్టెన్‌గా వ్యవహారిస్తున్నాడు... దినేశ్ కార్తీక్ కెప్టెన్సీలో 14 ఏళ్ల తర్వాత సయ్యద్ ముస్తాక్ ఆలీ టీ20 టోర్నీకి గెలిచింది తమిళనాడు.