CSK vs SRH: అదరగొట్టిన ప్రియమ్ గార్గ్... ఎవరీ యంగ్ సెన్సేషన్!!
IPL 2020 సీజన్లో అండర్ 19 సెన్సేషన్ ప్రియమ్ గార్గ్ అదరగొట్టాడు. కీలక సమయంలో బెస్ట్ పర్ఫామెన్స్ ఇచ్చిన సన్రైజర్స్ హైదరాబాద్ ప్లేయర్ టాక్ ఆఫ్ ది టౌన్ అయ్యాడు. మరో యంగ్ ప్లేయర్ అభిషేక్ వర్మతో కలిసి మంచి భాగస్వామ్యం నెలకొల్పిన ప్రియమ్ గార్గ్... బ్యాక్గ్రౌండ్ ఏంటి? ఈ ప్లేయర్పై సన్రైజర్స్ ఎందుకింత నమ్మకం ఉంచింది.
మొదటి మూడు మ్యాచుల్లో పెద్దగా ఆకట్టుకోలేకపోయిన ప్రియమ్ గార్గ్... అవసరమైన చోట అద్భుత ఇన్నింగ్స్తో అదరగొట్టాడు.
69 పరుగులకే 4 వికెట్లు కోల్పోయి సన్రైజర్స్ హైదరాబాద్ జట్టును అదుకునే క్రమంలో సూపర్ క్లాస్ ఇన్నింగ్స్ ఆడాడు 19 ఏళ్ల ప్రియమ్ గార్గ్.
అండర్ 19 వరల్డ్కప్లో భారత జట్టును నడిపించిన కెప్టెన్ ప్రియమ్ గార్గ్. టీమిండియాను ఫైనల్ చేర్చిన ప్రియమ్ గార్గ్.. టోర్నీలో రెండు హాఫ్ సెంచరీలు కూడా చేశాడు.
రోహిత్ శర్మ, విరాట్ కోహ్లీ లాంటి స్టార్లు 24 బంతుల్లో హాఫ్ సెంచరీ నమోదుచేస్తే, యంగ్ సెన్సేషన్ 23 బంతుల్లోనే హాఫ్ సెంచరీ బాదాడు.
ఫస్ట్ క్లాస్ క్రికెట్లో 12 మ్యాచులు ఆడిన ప్రియమ్ గార్గ్... 867 పరుగులు చేశాడు.
66.69 పైగా సగటుతో పరుగులు చేసిన ప్రియమ్ ఇన్నింగ్స్లో ఓ సెంచరీ, ఓ డబుల్ సెంచరీ, ఐదు హాఫ్ సెంచరీలున్నాయి.
లిస్టు ఏ క్రికెట్లో 19 మ్యాచులు ఆడిన ప్రియమ్ గార్గ్... 707 పరుగులు చేశాడు.
రంజీ ట్రోఫీలో ఆడిన మొదటి మ్యాచులోనే డబుల్ సెంచరీ బాదిన ప్రియమ్ గార్గ్, 10 మ్యాచుల్లో 814 పరుగులు చేశాడు.
ఉత్తరప్రదేశ్ రాష్ట్రంలోని మీరట్ ప్రాంతానికి చెందిన ప్రియమ్ గార్గ్ను రూ. కోటి 90 లక్షలకు కొనుగోలు చేసింది సన్రైజర్స్ హైదరాబాద్.
సరిగ్గా 20 ఏళ్లు కూడా నిండని ప్రియమ్ గార్గ్... అండర్ 19 వరల్డ్కప్లో జట్టును నడిపించిన విధానం అందర్నీ ఆశ్చర్యానికి గురి చేసింది. నేటి ఇన్నింగ్స్తో మరోసారి ప్రియమ్ గార్గ్ మరోసారి హాట్ టాపిక్ అయ్యాడు.