Ayush Mhatre: ఒకే ఓవ‌ర్ లో 2, 6, 6, 4, 4, 6, సీఎస్కే యంగ్ ప్లేయ‌ర్ విధ్వంసం

15

Image Credit : ANI

IPL 2025:చెన్నై సూపర్ కింగ్స్ vs గుజ‌రాత్ టైటాన్స్

Ayush Mhatre : ఇండియన్ ప్రీమియర్ లీగ్ (ఐపీఎల్) 2025 తుదిదశకు చేరుకుంది. ఈ మెగా లీగ్ లో 67వ మ్యాచ్‌లో చెన్నై సూపర్ కింగ్స్-గుజ‌రాత్ టైటాన్స్ త‌ల‌ప‌డ్డాయి. టాస్ గెలిచిన చెన్నై సూప‌ర్ కింగ్స్ కెప్టెన్ మ‌హేంద్ర సింగ్ ధోని బ్యాటింగ్ ఎంచుకున్నాడు.

25

Image Credit : ANI

చెన్నై సూపర్ కింగ్స్ భారీ స్కోర్

మొద‌ట బ్యాటింగ్ చేసిన చెన్నై భారీ స్కోర్ చేసింది. ధోని టీమ్ యంగ్ ప్లేయ‌ర్లు దుమ్మురేపే ఇన్నింగ్స్ ల‌ను ఆడాడు. దీంతో చెన్నై సూపర్ కింగ్స్ 20 ఓవ‌ర్ల‌లో 5 వికెట్లు కోల్పోయి 230 ప‌రుగులు చేసింది. గుజ‌రాత్ టైటాన్స్ ముందు భారీ టార్గెట్ ను ఉంచింది.

35

Image Credit : ANI

ఒకే ఓవర్ లో 28 పరుగులు కొట్టిన ఆయూష్ మాత్రే

ఈ మ్యాచ్ లో చెన్నై సూప‌ర్ కింగ్స్ యంగ్ ప్లేయ‌ర్ ఆయూష్ మాత్రే ఫోర్లు, సిక్స‌ర్ల‌తో ప‌రుగుల వ‌ర్షం కురిపించాడు. ఒక్క ఓవర్‌లోనే 28 పరుగులతో దుమ్మురేపాడు. ఆదివారం (మే 24న) అహ్మ‌దాబాద్ లోని నరేంద్ర మోడీ స్టేడియంలో గుజరాత్ టైటాన్స్‌తో జరిగిన ఈ మ్యాచ్‌లో సీఎస్‌కే కెప్టెన్ ఎం.ఎస్. ధోని టాస్ గెలిచి బ్యాటింగ్ ఎంచుకున్నాడు. 17 ఏళ్ల అయుష్ మాత్రే ఓపెనర్‌గా దిగి ఆరంభం నుంచే గుజ‌రాత్ బౌలింగ్ ను దంచికొట్టాడు.

45

Image Credit : X/రాధిక

అర్షద్ ఖాన్ బౌలింగ్ ఉతికిపారేసిన ఆయూష్ మాత్రే

ఈ మ్యాచ్ రెండో ఓవర్‌లో గుజరాత్ తరఫున అర్షద్ ఖాన్ బౌలింగ్ చేయగా, ఆ ఓవర్‌లోనే అయుష్ మాత్రే 28 పరుగులు సాధించాడు. తొలి బంతికి 2 పరుగులు, రెండు, మూడో బంతుల‌ను వరుసగా రెండు సిక్సర్లు, నాలుగవ, ఐదవ బంతులకు వరుసగా రెండు ఫోర్లు, ఆఖరి బంతికి మరో సిక్సర్ బాదాడు. దీంతో మొత్తం 6 బంతుల్లో 28 పరుగులు సాధించి గుజరాత్ బౌలింగ్‌ను ఉతికిపారేశాడు.

55

Image Credit : BCCI

ఐపీఎల్ 2025 సీజన్ మధ్యలో సీఎస్‌కేలో చేరిన ఆయుష్ మాత్రే

ఆయూష్ మాత్రే ఎక్కువ సేపు క్రీజులో కొనసాగలేదు. మొత్తంగా 17 బంతుల్లో 3 ఫోర్లు, 3 సిక్సర్లతో 34 పరుగులు చేసిన ఆయూష్ మాత్రేను ప్రసిద్ధ్ కృష్ణ‌ అద్భుతమైన డెలివరీతో ఔట్ చేశాడు. ఐపీఎల్ 2025 సీజన్ మధ్యలో సీఎస్‌కేలో చేరిన ఆయూష్.. అద్భుత‌మైన ఆట‌తో ఆక‌ట్టుకుంటున్నాడు. ః

ప్లేఆఫ్‌కు సీఎస్‌కే అర్హత సాధించలేకపోయినప్పటికీ, ఆయూష్ ప్రదర్శన ప్రశంసలు అందుకుంటోంది. గత ఐదు ఇన్నింగ్స్‌లలో ఆయూష్ చేసిన పరుగులు వరుసగా 32, 30, 94, 48, 34. ఆర్సీబీతో జరిగిన మ్యాచ్‌లో మాత్రే 94 పరుగులు చేసి 6 ప‌రుగుల దూరంలో సెంచరీ మిస్ అయ్యాడు.