ఐపీఎల్ 2025 ప్రారంభానికి ముందే ధోని టీమ్ చెన్నై సూపర్ కింగ్ కు బిగ్ షాక్

IPL 2025 : ఐపీఎల్ 2025 సీజన్ మార్చిలో మొదలవనుంది. అభిమానులు ఎంతో ఆసక్తిగా ఎదురుచూస్తున్న ఈ మెగా ఈవెంట్ ప్రారంభానికి ముందే ధోని టీమ్ చెన్నై సూపర్ కింగ్ కు బిగ్ షాక్ తగిలింది.

IPL 2025 CSK

ఐపీఎల్ 2025  కోసం ఆటగాళ్ల మెగా వేలం నవంబర్‌లో అట్టహాసంగా జరిగింది. రిషబ్ పంత్, శ్రేయాస్ అయ్యర్ లాంటి స్టార్ ప్లేయర్ల కోసం ఫ్రాంఛైజీలు కోట్లు కుమ్మరించాయి. అయితే, ఈ సీజన్ లో చెన్నై సూపర్ కింగ్స్ కోనుగోలు చేసిన ప్లేయర్లపై భారీ అంచనాలు ఉన్నాయి.  ఫ్యాన్స్ కూడా వారి ఆటకోసం ఎంతో ఆసక్తిగా ఎదురుచూస్తున్నారు. 2009 నుండి 2015 వరకు సీఎస్కే తరపున ఆడిన ఆర్ అశ్విన్ ని తిరిగి కొనుగోలు చేయడం కూడా అందరినీ ఆనందపరిచింది.

సీఎస్కే

అయితే, ఇండియన్ ప్రీమియర్ లీగ్ (ఐపీఎల్) 2025 సీజన్ కు ముందు చెన్నై సూపర్ కింగ్స్ కు బ్యాడ్ న్యూస్ అందింది. ఇదే గనక నిజమైతే ఆ జట్టుకు పెద్ద ఎదురుదెబ్బ అని చెప్పాలి. గత సీజన్లలో ధోని టీమ్ చెన్నై సూపర్ కింగ్స్ (సీఎస్కే) తరపున అద్భుతంగా ఆడిన న్యూజిలాండ్ స్టార్ క్రికెటర్లు డేవాన్ కాన్వే, రచిన్ రవీంద్రాలు 2025 సీజన్ కోసం  సీఎస్కే జట్టులోకి తీసుకుంది. అద్భుతమైన ఇన్నింగ్స్ లను ఆడిన పాత ఆటగాళ్ళు తిరిగి వేలం తర్వాత జట్టులోకి రావడంతో సీఎస్కే అభిమానులు కొత్త సీజన్ కోసం ఉత్సాహంగా ఎదురు చూస్తున్నారు.

ఐపీఎల్ 18వ సీజన్ (ఇండియన్ ప్రీమియర్ లీగ్ 2025) మార్చి 14న మొదలవుతుంది. అయితే, ఐపీఎల్ 2025 మొదటి 3 వారాల్లో న్యూజిలాండ్ పాకిస్తాన్ తో సిరీస్ ఆడనుంది. 5 టీ20లు, 3 వన్డేలు మార్చి 16 నుండి ఏప్రిల్ 5 వరకు జరుగుతాయి. దీంతో డెవాన్ కాన్వే, రచిన్ రవీంద్రా, మిచెల్ సాంట్నర్, లక్కీ ఫెర్గూసన్, గ్లెన్ ఫిలిప్స్, బెవన్ జాకబ్స్ లాంటి న్యూజిలాండ్ ఆటగాళ్ళు ఐపీఎల్ ఆడతారా లేదా అన్నది సందేహం.

సీఎస్కేకు బిగ్ షాక్

కొన్ని నెలల క్రితం పాకిస్తాన్ లో జరిగిన టూర్ లో చాలా మంది న్యూజిలాండ్ ఆటగాళ్ళు ఆడలేదు. పాకిస్తాన్ లో ఆడటానికి ఇష్టపడక టూర్ ని బహిష్కరించారు. అదే విధంగా ఈ సిరీస్ ని కూడా బహిష్కరిస్తే ఐపీఎల్ లో ఆడే అవకాశం ఉంది. లేకుంటే సీఎస్కేతో పాటు ఇతర ఐపీఎల్ జట్టు కీవీస్ ప్లేయర్ల ఆటను కోల్పోతాయి.