చెన్నైని గెలిపించిన రుతురాజ్.. హీరోయిన్ ప్రేమలో మునిగి తేలుతున్నాడా..?
మరాఠా సీరియల్ నటి సయాలి సంజీవ్ తో రుతురాజ్ ప్రేమలో ఉన్నట్లు వార్తలు వస్తున్నాయి. ఆమె సోషల్ మీడియాలో షేర్ చేసిన ఫోటోలపై చేసిన కామెంటే.. ఈ వార్తలకు ఊపు నివ్వడం గమనార్హం.
ఐపీఎల్ 2021 సీజన్ రెండో ఫేస్ లో చెన్నై మ్యాచ్ విజయం సాధించింది. అయితే.. ఈ మ్యాచ్ విజయం సాధించడానికి చెన్నైకి సహకరించింది మాత్రం చెన్నై క్రికెటర్ రుతురాజ్ గైక్వాడ్. మ్యాచ్ చేజారిపోతుందని అందరూ నిరాశ పడుతున్న సమయంలో.. రుతురాజ్ అదరగొట్టాడు.
ఒకానొక దశలో 24/4తో పీకల్లోతు కష్టాల్లో నిలిచిన చెన్నై టీమ్ని.. ఓపెనర్ రుతురాజ్ గైక్వాడ్ (88: 58 బంతుల్లో 9x4, 4x6) బాధ్యతాయుత హాఫ్ సెంచరీతో ఆదుకున్నాడు.
దీంతో.. ఇప్పుడు ఈ యువ క్రికెటర్ పై ప్రశంసల వర్షం కురుస్తోంది. ఈ సందర్భంగా.. రుతురాజ్ గురించి ఓ ఆసక్తికర విషయం చర్చలోకి వచ్చింది. అది కూడా ఆయన ప్రేమ మ్యాటర్ కావడం గమనార్హం.
మరాఠా సీరియల్ నటి సయాలి సంజీవ్ తో రుతురాజ్ ప్రేమలో ఉన్నట్లు వార్తలు వస్తున్నాయి. ఆమె సోషల్ మీడియాలో షేర్ చేసిన ఫోటోలపై చేసిన కామెంటే.. ఈ వార్తలకు ఊపు నివ్వడం గమనార్హం.
సయాలి సంజీవ్ పోస్టు చేసిన పిక్స్కి ‘వావ్... లవ్లీ’ అంటూ కళ్లల్లో ప్రేమనిండిన ఎమోజీలను పోస్టు చేశాడు రుతురాజ్ గైక్వాడ్. హీరోయిన్ కూడా లవ్ సింబల్స్తో సిగ్గుపడుతున్నట్టుగా ఎమోజీతో రిప్లై ఇచ్చింది.
దీంతో ఈ ఇద్దరి మధ్యా ఏదో ఉందని వార్తలు పుట్టుకొచ్చాడు. సయ్యాలి సంజీవ్ అందానికి రుతురాజ్ గైక్వాడ్ పడిపోయాడంటూ సోషల్ మీడియాలో మీమీలు కూడా ప్రత్యేక్షం అయ్యాయి
ఏదో సరదాగా తాను పెట్టిన కామెంట్, ఈ రూమర్ పుట్టడానికి కారణమైందని గ్రహించిన రుతురాజ్ గైక్వాడ్... ‘కేవలం బౌలర్లు మాత్రమే నా వికెట్ తీయగలరు. అది కూడా క్లీన్బౌల్డ్. మరెవ్వరూ ఆ పని చేయలేరు. ఎవరికి ఏం అర్థం కావాలో, వారికి అర్థమైతే చాలు’ అంటూ నవ్వేస్తున్నట్టు స్టోరీ పెట్టాడు.
అయినప్పటికీ.. రుతురాజ్ ఆమె ప్రేమలో ఉన్నారనే వార్తలు మాత్రం పులిస్టాప్ పడటం లేదు. మరి ఈ ప్రేమ వార్తలపై ఎంత వరకు నిజం ఉందో ఇంకా క్లారిటీ రాలేదు.