విరాట్ కోహ్లీ ఆ వీడియో చూసి, గట్టిగా నవ్వాడు... నాకు అలా వాట్సాప్ చేశాడు.. ఆడమ్ జంపా వ్యాఖ్యలు...

‘ఐపీఎల్ కోసం దుబాయ్‌లో అడుగుపెట్టిన మొదటి రోజు విరాట్ కోహ్లీ నుంచి వాట్సాప్ మెసేజ్ వచ్చింది. అప్పటికి అతని నెంబర్ కూడా నా దగ్గర లేదు. కానీ ఎప్పటినుంచో తెలిసిన వ్యక్తిలా కోహ్లీ నాతో మాట్లాడాడు... ఓ రెస్టారెంట్ కూపన్ పంపించి, అక్కడ భోజనం చేయమని చెప్పాడు...

డ్రెస్సింగ్ రూమ్‌లో, టీమ్ ట్రావెల్ బస్సులో విరాట్ కోహ్లీ చాలా సరదగా ఉంటాడు. క్రికెట్ క్రీజులో కనిపించే విరాట్ కోహ్లీకి, బయట మనం చూసే విరాట్‌కి అస్సలు సంబంధమే ఉండదు...

అతని భావోద్వేగాలన్నీ ఆట వరకే ఉంటాయి. మ్యాచ్ సమయంలో ఆటగాళ్లపై కోపడ్డే విరాట్, ఆ తర్వాత చాలా సరదగా మాట్లాడతాడు. ప్రత్యర్థులపై పోటీని అతను బాగా ఇష్టపడతాడు...

విరాట్ కోహ్లీకి ఓటమి అంటే అస్సలు నచ్చదు. అయితే మిగిలినవారి కంటే బయటికి కాస్త ఎక్కువగా కోపాన్ని చూపిస్తాడు... బస్సులో వెళ్లేటప్పుడు యూట్యూబ్ వీడియోలు చూస్తుంటాడు విరాట్...

ఓ రోజు ఫన్నీ రనౌట్ వీడియో చూసి, గట్టిగా నవ్వేశాడు. దాన్ని మళ్లీ మళ్లీ చూపించి, మూడు వారాల పాటు నవ్వుకున్నాడు. ట్విట్టర్‌లో కూడా ప్రతీ ట్వీట్‌ను చదువుతాడు విరాట్. అంత ఓపిక ఎవ్వరిలోనూ చూడలేదు...

అంతేకాదు అతనిలో ప్రత్యేకమైన వ్యక్తిత్వం ఉంది. ఎప్పుడూ అందర్నీ నవ్విస్తూ ఉంటాడు. మిగిలిన ప్లేయర్లను అనుకరించి చూపిస్తాడు... ’ అంటూ విరాట్ కోహ్లీలో తాను గమనించిన విషయాల గురించి చెప్పుకొచ్చాడు ఆడమ్ జంపా...

అంతేకాదు విరాట్ కోహ్లీ చాలా విషయాలను పంచుకుంటాడని చెప్పిన ఆడమ్ జంపా... కాఫీ మిషన్ గురించి, నేపాల్ ప్రయాణం గురించి వివరించి చెప్పాడని ఓ ఇంటర్వ్యూలో తెలిపాడు...

ఆస్ట్రేలియా, ఇండియా మధ్య జరిగిన మ్యాచుల్లో టాప్ బ్యాట్స్‌మెన్ అయిన విరాట్ కోహ్లీని అవుట్ చేయడం తాను ఓ ఛాలెంజ్‌గా స్వీకరిస్తానని చెప్పిన ఆడమ్ జంపా... విరాట్‌ను ఏడుసార్లు అవుట్ చేశానని గర్వంగా చెప్పుకున్నాడు.

ఆడమ్ జంపా బౌలింగ్‌లో ఏడు సార్లు అవుట్ అయినా మంచి పరుగులు రాబట్టాడు విరాట్ కోహ్లీ. మంచి ఎకానమీతో బ్యాటింగ్ చేశాడు... 

ఇంతకుముందుతో పోలిస్తే ఈసారి కోహ్లీతో మంచి స్నేహం ఏర్పడడంతో విరాట్‌ను అవుట్ చేయడానికి మరింత బాగా కష్టపడాలని తెలిపాడు ఆడమ్ జంపా...