మీరు మొదటిసారి కారు కొనాలని చూస్తున్నారా..? తక్కువ ధర, ఎక్కువ మైలేజీ కలిగిన బెస్ట్ బడ్జెట్ కార్లు ఇవే

15

మొదటిసారి కారు కొంటున్నారా?

ఏ వాహనమూ లేనివారికి బైక్ కొనాలని కోరిక... బైక్ వున్నవారికి కారు కొనాలనే కోరిక వుంటుంది. అయితే బైక్ అయినా, కారు అయినా... మొదటిసారి కొనేటప్పుడు ఆ ఆనందమే వేరు. ఆ కుటుంబమంతా సంతోషంలో మునిగిపోతుంది. అయితే ఇలా మొదటిసారి కారు కొనేవారు భవిష్యత్ లో ఈ కారు ఎందుకు కొన్నామురా బాబు? అని బాధపడకుండా వుండాలంటే ఇప్పుడే జాగ్రత్తగా వుండాలి.

తక్కువధరలో మంచి కంపనీకి  చెందినది, ఉత్తమ మైలేజీ ఇచ్చేది, బడ్జెట్ మెయింటెనెన్స్ కలిగిన కారును ఎంపిక చేసుకోవడం చాలా ముఖ్యం. అయితే మార్కెట్ లో అనేక కంపనీలు, వాటిలో అనేక మోడల్ కార్లు వున్నాయి...వాటిలో ఏది ఉత్తమమో తెలుసుకోవడం చాలా కష్టంతో కూడిన అంశం.  చాలామంది ఈ విషయంలో అయోమయానికి గురవుతుంటారు. 

తొలిసారిగా కారు కొనూవారు డబ్బుకు తగిన విలువను అందించే వాహనాన్ని ఎంపిక చేసుకోవాలి. ధర,మెయింటెనెన్స్, మైలేజితో పాటు రీసెల్ విలువను కూడా చూసుకోవాలి. ఇలా సరైన కారును ఎంపికచేసి కొనుగోలుచేయడం ద్వారా మొదటిసారి కారు వాడేవారు దీర్ఘకాలికంగా ఆనందంగా వుంటారు. లేదంటే బాధపడాల్సి వస్తుంది. ఇలా బడ్జెట్ తో పాటు అన్ని అంశాల్లోనూ మెరుగైన కార్ల వివరాలు మీకోసం... 

25

TATA Tiago

టాటా టియాగో :

టాటా టియాగో భారతదేశంలో తొలిసారి కారు కొనుగోలు చేయాలనుకునేవారికి సరిగ్గా సరిపోతుంది. అందుబాటు ధర, భద్రతా ఫీచర్లతో లభిస్తుంది. ముఖ్యంగా భద్రత విషయంలో గ్లోబల్ NCAP నుండి ఇది ఫోర్ స్టార్ రేటింగ్ పొందింది, 

ఈ కారు పెట్రోల్ తోనే కాదు సిఎన్జి తో నడిచే ఏర్పాటును కలిగివుంది. దీని ప్రత్యేకమైన CNG-AMT సెటప్ ఈ ఫీచర్‌ను అందించే ఏకైక కారుగా నిలిచింది. ఈ కారుప్రారంభ ధర ₹5.59 లక్షలు మాత్రమే. (ప్రాంతాన్ని బట్టి ఈ ధర మారుతుంది)

35

Maruti Suzuki S-Presso

మారుతి సుజుకి ఎస్-ప్రెస్సో : 

అదనపు ప్రయోజనాలతో చిన్న కారు కోసం చూస్తున్న తొలిసారి కొనుగోలుదారులకు మారుతి సుజుకి ఎస్-ప్రెస్సోను పరిశీలించవచ్చు. ఇది చిన్న హ్యాచ్‌బ్యాక్ యొక్క సౌలభ్యాన్ని, మినీ-SUV యొక్క లుక్ ను కలిగివుంటుంది. ఇది రద్దీగా ఉండే నగర వీధులలో ప్రయాణానికి సౌకర్యవంతంగానూ, ఇరుకైన ప్రదేశాలలో పార్కింగ్ చేయడానికి అనుకూలంగా ఉంటుంది. ఈ కారు కూడా పెట్రోల్-, సిఎన్జి వేరియంట్‌లో అందుబాటులో ఉంది. దీని ధర ₹4.26 లక్షల నుండి ₹6.15 లక్షల (ఎక్స్-షోరూమ్) వరకు ఉంటుంది 

45

Maruti Suzuki Alto K10

మారుతి సుజుకి ఆల్టో K10

మారుతి సుజుకి ఆల్టో K10 తొలిసారి కారు కొనుగోలు చేయాలనుకునేవారికి ఉత్తమ ఎంపిక. ముఖ్యంగా ఇంధన సామర్థ్యం, సరసమైన ధరకు ప్రాధాన్యత ఇచ్చేవారు దీనిని పరిశీలించవచ్చు. ఈ ఎంట్రీ-లెవల్ హ్యాచ్‌బ్యాక్ నగర డ్రైవింగ్‌కు బాగా సరిపోతుంది. 

చాలా తక్కువ ఖర్చుతో రోజువారీ ప్రయాణాలకు ఈ కారు అనుకూలంగా ఉంటుంది. దీని ధర ₹3.99 లక్షల నుండి ₹5.96 లక్షల వరకు (ఎక్స్-షోరూమ్) ఉంటుంది. ఆల్టో K10లో కొన్ని అధునాతన ఫీచర్లు ఉండకపోవచ్చు,. కానీ ఇది చాలా బడ్జెట్ ప్రెండ్లీ వాహనం.   

55

Hyundai Grand i10 Nios

హ్యుందాయ్ గ్రాండ్ i10 నియోస్

హ్యుందాయ్ గ్రాండ్ i10 నియోస్ దాని ప్రీమియం ఫీల్, ఫీచర్-ప్యాక్డ్ డిజైన్‌కు ప్రసిద్ధి చెందింది. స్టైలిష్ లుక్ తో కూడిన బడ్జెట్ కారు కోసం చూస్తున్న వారికి ఇది అనుకూలంగా ఉంటుంది. ఇది కేవలంపెట్రోల్, పెట్రోల్‌-సిఎన్జి తో రెండు రకాలుగా వేరియంట్స్ లో లభిస్తుంది. 

 గ్రాండ్ i10 నియోస్ మాన్యువల్, AMT ట్రాన్స్‌మిషన్ ఎంపికలతో వస్తుంది. దీని ధర ₹5.73 లక్షల నుండి ₹8.51 లక్షల వరకు ఉంటుంది. ఇది సరసమైన ధర, ప్రీమియం ఫీచర్ల యొక్క పరిపూర్ణ సమ్మేళనం.